ரொம்ப தைரியசாலிப்பா..!

ஓவியம்: சுதர்ஸன்

“டாக்டர்... நீங்க எனக்கு தெய்வம் மாதிரி!”

“ஆபரேஷன் முடிஞ்சா நீங்களும் தெய்வமாயிடலாம். டோன்ட் ஒர்ரி.”

- அமுதா அசோக்ராஜா, அரவக்குறிச்சிப்பட்டி.

“மனைவிக்குப் பயந்தவங்க நில்லுங்கன்னு சொன்னேன். பரவாயில்லையே நீ மட்டும் உட்கார்ந்து இருக்கே... ரொம்ப தைரியசாலிப்பா நீ!”

“இல்லே... அவ வந்து சொன்னாத்தான் எழுந்திருப்பேன்.”

- தீ.அசோகன், திருவொற்றியூர்.

“கம்ப்யூட்டர் ஜோசியம் பார்த்தியே... என்ன பலன் சொல்லுச்சு?”

“இந்த வாரம் எனக்கு வைரஸ் காய்ச்சல் வர வாய்ப்பிருக்குதாம்!”

- ஆர். ருக்மணி, சென்னை.

“மாஜிஸ்திரேட்டை கல்யாணம் பண்ணிக்கிட்டது மகா தப்பு!”

“ஏன்?”

“எப்ப பேச ஆரம்பிச்சாலும் ‘சத்தியமா சொல்றேன்’னு சொல்லிட்டுத்தான் பேசணுமாம்!”

- புவனேஸ்வரி நாராயணன், நுளம்பூர்.

“அந்த பாகவதர் ஒவ்வொரு கச்சேரியிலும் ரொம்ப பயத்தோட பாடுவார்.”

“பாட்டு நல்லா வரணும்னா?”

“இல்ல, பாடிட்டு நல்லபடியா வீட்டுக்கு வரணும்னு.”

- ஹரிஹரன், அலுவா.

“மாணவர்களே! இந்தப் பள்ளியில்தான் நான் படித்தேன். இன்று உங்களுக்கு கற்பிக்க வந்துள்ளேன்.”

“தெரியும் சார். இங்க படிச்சங்களுக்கு வெளியில வேலை கிடைக்காதுன்னு!”

- சுகந்தாராம், தாம்பரம்.