அட, இதுக்கெல்லாம் கூடவா தினங்கள் அனுசரிக்கப்படுகிறது?

மகளிர் தினம், அன்னையர் தினம், குழந்தைகள் தினம் போன்றவை அனைவரும் அறிந்ததே. ஆனால், இதுக்கெல்லாம் கூடவா தினங்கள் அனுசரிக்கப்படுகிறது என்று ஆச்சர்யப்படுத்தும் வகையில் கொண்டாடப்படும் சில தினங்கள் பற்றி பார்ப்போமே…

உலக பல் வலி தினம்

 உலக பல் வலி தினம் ஆண்டுதோறும் பிப்ரவரி 9 ஆம் தேதி கொண்டாடப்படுகிறது, இது வாய்வழி சுகாதாரம் மற்றும் பல்வலி பற்றிய விழிப்புணர்வை ஏற்படுத்த ஒருநாள் ஆகும்

தேசிய வித்தியாசமான நிற கண்கள் தினம்

தேசிய வித்தியாசமான நிற கண்கள் தினம் ஜூலை 12  அன்று கொண்டாடப்படுகிறது. இந்த நாள், வித்தியாசமான நிற கண்களைக் கொண்டவர்களைப் பாராட்டும் மற்றும் விழிப்புணர்வை ஏற்படுத்தும் ஒரு நாளாகக் கருதப்படுகிறது.

உலக தலை வலி தினம் 

உலக தலைவலி தினம் மார்ச் 2-ம் தேதி கொண்டாடப் படுகிறது. உலகெங்கிலும் உள்ள தலைவலி நோயாளிகளுக்கான விழிப்புணர்வை ஏற்படுத்தவும், தலைவலி பற்றிய விழிப்புணர்வை ஏற்படுத்தவும், தலைவலி பற்றிய ஆராய்ச்சிக்கு நிதியுதவி திரட்டவும் உதவும் ஒரு தினம் ஆகும்.

உலகக் கழிவறை நாள்

உலகக் கழிவறை நாள் ஆண்டு தோறும் நவம்பர் 19 ஆம் நாள் கொண்டாடப்பட்டு வருகிறது. 2030க்குள் உலகில் உள்ள அனைத்து வீடுகளிலும் கழிவறைகள் கட்டாயம் ஏற்படுத்தப்பட வேண்டும் எனும் நோக்கில் ஆரம்பிக்கப்பட்ட தினம் இது.

உலக உருளைக்கிழங்கு தினம் 

உலக உருளைக்கிழங்கு தினம் மே 30 அன்று கொண்டாடப்படுகிறது. ஐக்கிய நாடுகள் சபை, உருளைக்கிழங்கின் ஊட்டச்சத்து, பொருளாதாரம், சுற்றுச்சூழல் மற்றும் கலாச்சார மதிப்பு ஆகியவற்றை வெளிப்படுத்தும் நோக்கில் இந்த தினத்தை அறிவித்துள்ளது

உலக சோம்பேறிகள் தினம் 

உலக சோம்பேறிகள் தினம் ஆண்டுதோறும் ஆகஸ்ட் 10 ஆம் தேதி கொண்டாடப்படுகிறது. இந்த நாள், சோம்பல் ஒரு பாவமல்ல, மாறாக ஒரு தற்காலிக ஓய்வு நிலை என்று நினைவூட்டும் வகையில் கொண்டாடப்படுகிறது.

உலகத் தாடி தினம்

உலகத் தாடி தினம் ஆண்டுதோறும் செப்டம்பர் முதல் சனிக்கிழமையன்று கொண்டாடப்படுகிறது. உலகத் தாடி தினம் தாடியின் உலகளாவிய நிலையை ஊக்குவிக்கவும், தாடி வைத்த ஆண்களை கௌரவிக்கவும் அர்ப்பணிக்கப்பட்ட ஒரு நாளாகும்.

தேசிய சட்னி தினம்

தேசிய சட்னி தினம் என்பது, சட்னி, ஊறுகாய், பொடி போன்ற இந்தியாவின் உணவுப் பழக்கவழக்கங்களில் ஒரு முக்கிய பகுதியாகக் கருதப்படும் ஒருநாள். இது செப்டம்பர் 24 ஆம் தேதி கொண்டாடப்படுகிறது. இது பலவகையான சட்னிகள், ஊறுகாய்கள், பொடிகள் போன்றவற்றை கொண்டாடும் ஒரு தினமாகும்.

உலக ஸ்மார்ட் போன் தினம் 

உலக ஸ்மார்ட் போன் தினம் என்பது மொபைல் போன்களின் முக்கியத்துவத்தை கொண்டாடும் ஒரு நிகழ்வு ஆகும். இது ஜனவரி 17 அன்று கொண்டாடப்படுகிறது.

உலக மன்னிப்பு தினம்

உலக மன்னிப்பு தினம் ஆண்டுதோறும் ஜூலை 7 அன்று கொண்டாடப்படுகிறது. இந்த நாள் மற்றவர்களுடன் தங்கள் உறவுகளை சரி செய்யவும், மன்னிப்பின் மூலம் சமாதானத்தை உருவாக்கவும் மக்களை ஊக்குவிக்கிறது.

உலக கணவர் தினம்

உலக கணவர் தினம் ஆண்டுதோறும் ஏப்ரல் மாதத்தின் மூன்றாவது சனிக்கிழமை கொண்டாடப்படுகிறது. கணவர்-மனைவி இருவரும் ஒருவருக்கொருவர் நல்ல தருணங்களை பகிர்ந்துகொள்வதற்கு உதவும் வகையில் இந்த நாள் கொண்டாடப்படுகிறது.