பெண்களை பாடாய்ப்படுத்தும் மன அழுத்தம்: கவலையை மனதிற்குள் பூட்டி வைக்க வேண்டாம்!

வாழ்க்கையில் ஒவ்வொருவருக்கும் ஒருவித கவலைகளும், பலவிதமான சங்கடங்களும் தொடர்ந்து இருந்து கொண்டுதான் இருக்கின்றன.

அந்தவகையில் பலவிதங்களிலும் பெண்களை பாதிப்பது அவர்களது மன அழுத்தமே.

அதிலும் கல்லூாியில் படிக்கும் பெண்கள், திருமணமாகாதவர்கள், கணவனால் கைவிடப்பட்டவர்கள், விதவைகள், வேலைக்கு போகும் பெண்கள், கூட்டுக்குடும்ப மற்றும் தனிக்குடித்தன வாழ்க்கை, குடிகார கணவன், பரஸ்பரம் புாிந்து கொள்ளாத கணவன் மனைவி வாழ்க்கை, குழந்தைப்பேறு இல்லாத நிலை, கடனால் தத்தளிக்கும் வாழ்க்கை, இருவரும் வேலைக்கு போகும் நிலையில் வாாிசுகளின் பராமரிப்பு, அலுவலகத்தில் சில ஆண்களால் தொல்லை, மாமியார் மருமகள் சண்டை, வரதட்சணை தொல்லை இப்படி பல்வேறு காரண காாியங்களால் அதிகம் மனஉளைச்சலுக்கு ஆளாகி, மனஅழுத்தம் காரணமாக இரண்டும் கெட்டான் தனமான வாழ்க்கைதான் பல பெண்கள் அனுபவித்து வருகின்றனர். இதைத்தான் அழுத்தம் திருத்தமாக மன அழுத்தம் என்கிறோம்.

வேகமான முறையில், அபரிமிதமான விஞ்ஞான வளர்ச்சி, நாகரீகம் என்ற பெயரில் நடக்கும் கேலிக்கூத்துகள் இவைகளும் ஒரு விதத்தில் மனஅழுத்தம் ஏற்பட காரணமாகிறது.

குடும்பத்தில் பிரச்னை என்ற ஒன்று வந்தால் அதை உடனே சம்பந்தப்பட்டவர்களிடம் பேசி தீா்வு காண்பதே நல்லது.

அதை அப்படியே விட்டு விட்டால் முள் குத்திய காயம் சரியான மருந்து போடாததால் புறையோடிப்போவது போலத்தான் மனஅழுத்தமும் அமைந்துவிடும்.

வேலைக்கு போகும் பெண்கள் நல்ல நட்பு, நோ்மையான, மனித நேயமிக்க மேலதிகாாிகள் செயல்பாடுகளால் அமைதியாக வேலை பாா்த்துவிட்டு வீட்டிற்கு வந்து பிறகு இயல்பான வாழ்க்கை வாழஇயலும்.

வேலைக்கு போகாத இல்லத்தரசிகள் பிள்ளைகளை பள்ளிக்கு அனுப்பி, கணவனுக்கு பணிவிடைகள் செய்துவிட்டு அவர் அலுவலகம் சென்றதும், வயதான மாமியாா், மாமனாா் இவர்களுக்கு பணிவிடைகள் செய்து விட்டு கொஞ்சம் ரிலாக்சாக தொலைக்காட்சி தொடர்கள், செல்போனில் ஆராய்ச்சி இவைகளைப் பாா்க்கும்போது, மனதில் தேவையில்லாத எதிா்மறை எண்ணங்கள் நீங்கி அதனால் மனஅழுத்தம் குறைவது இயற்கை.

இது ஒருபுறம் இருக்க அக்கம் பக்கத்தில் உள்ளவர்கள் தேவையில்லாத விடயங்களைப் பேசி மனதில் பாரத்தை ஏற்றிவிடுவதும் மனஅழுத்தம் வருவதற்கான வழிமுறை.

'மாமனாா் மாமியாரை நீங்கதான் பாா்த்துக்கொள்ளணுமா? உனது கணவரின் சகோதரர்கள் பாா்த்துக்கொள்ள மாட்டாா்களா?'

இதுதேவையில்லாத மனஅழுத்தமே! பல தோழிகளால் ஏற்படுவதும் உண்டு.

அதேபோல, 'அப்பா அம்மாவைப் பாா்க்கப் போனாயா, அவர்களை இங்கு வரச்சொல்லி கொஞ்சநாள் தங்க வைக்கலாமே...' - இது சொந்த பந்தங்களால் ஏற்படும் தேவையில்லா மனஅழுத்தத்தை உருவாக்கிவிடுமே!

இப்படிப்பட்ட நேரங்களில் இறைவழிபாடு, நல்ல தரமான புத்தகங்கள் படித்தல், அம்மா, அப்பா, சகோதரன், சகோதரிகளுடன் மனம் விட்டு பேசுதல், போன்ற விஷயங்களில் நேரத்தை செலவிடலாம்.

அதே நேரம் பயனுள்ள குடிசைத்தொழில்களை செய்யலாம்.

சின்ன சின்ன கைவினைப்பொருட்களை செய்து வருமானம் பாா்க்கலாம், இதனால் தேவையில்லா சிந்தனைகள் வர வாய்ப்பில்லை.

பொதுவாக எப்போதும் தனிமையை விரும்பாதீா்கள். அனைவரிடமும் அன்பு பாராட்டி பேசுங்கள். நமக்கு மனதிற்கு பிடித்த, செய்ய முடிந்த வேலைகளில் உங்களை ஈடுபடுத்திக்கொள்ளுங்கள்.

வேளா வேளைக்கு ஆரோக்கியமான உணவை சாப்பிடுங்கள், எளிதில் ஜீரணமாகாத உணவுகளை தவிா்த்துவிடுங்கள், குழந்தைகளுக்கு மாலை நேரங்களில் படிப்பு வீட்டுப்பாடம் சொல்லிக்கொடுங்கள். கணவன் மனைவி பரஸ்பரம் விட்டுக்கொடுத்து வாழக்கற்றுக்கொள்ளுங்கள்.

தேவையில்லாத பொருட்களை வாங்கி குவிக்காதீா்கள். வரவுக்கு ஏற்ப செலவு செய்யுங்கள். அதையும் மீறி மனஅழுத்தம் ஏற்பட்டால் நமக்கானவர்களிடம் பாரத்தை இறக்கி வைத்து எளிய தீா்வினை அடைய வழிவகை செய்யுங்கள்.

எந்த கவலையையும் மனதிற்குள் பூட்டி வைக்கவேண்டாம், கவலையை புறந்தள்ளி நல்ல உறக்கத்தை கடைபிடியுங்கள். எதையும் சாதிக்க முடியும் என தன்னம்பிக்கையோடு மனஅழுத்தத்திற்கு விடைகொடுங்கள். அதுவே உங்களுக்கும் உங்களைச் சாா்ந்தவர்களுக்கும் நல்லது!