#BREAKING: நாளை திருப்பூரில் விஜய் பரப்புரை.! தேர்தல் ஆணையம் அனுமதி.!

கடந்த சில நாட்களாக தவெக தலைவர் விஜய்யின் பரப்புரை தொடர்ந்து ரத்து செய்யப்பட்ட நிலையில், நாளை திருப்பூரில் பிரச்சாரம் மேற்கொள்ள தேர்தல் ஆணையம் அனுமதி வழங்கியுள்ளது.

இதன்படி நாளை மாலை 4 மணி முதல் 6 மணி வரை பிரச்சாரத்தை மேற்கொள்ள இருக்கிறார் விஜய். திருப்பூரில் மாநகர் பகுதிகளில் பரப்புரை செய்ய தேர்தல் ஆணையம் அனுமதி அளிக்காத நிலையில், புறநகர் பகுதிகளில் மட்டும் விஜய் நாளை பரப்புரையை மேற்கொள்ள இருக்கிறார்.

மேலும் மாலை 6 மணி அளவில் அவிநாசி பேருந்து நிலையம் வரை ரோடு ஷோ மேற்கொள்ள இருக்கிறார் விஜய்.

திருப்பூரில் பெருமாநல்லூர் நால்ரோடு சந்திப்பில் நாளை மாலை 4 மணிக்கு தவெக தலைவர் விஜய் பரப்புரையை தொடங்குகிறார்.

தொண்டர்கள் யாரும் விஜய்யின் வாகனத்தை பின்தொடரக் கூடாது மற்றும் தேவையற்ற இடங்களில் விஜய் கீழே இறங்கக் கூடாது போன்ற பொதுவான விபந்தனைகளுடன் தேர்தல் ஆணையம் இந்த பரப்பரைக்கு அனுமதி அளித்துள்ளது.

4 மணி முதல் 5 மணி வரை பரப்புரையை முடித்த பிறகு, 6 மணிக்குள்ளாக அவிநாசி புதிய பேருந்து நிலையம் வரை ரோடு ஷோவை மேற்கொள்ள இருக்கிறார் விஜய்.