இனி Bank-க்கு போகவே வேண்டாம்! பட்டன் தட்டினா புது ‘ATM Card’ ரெடி!

இன்று ஒரு ஸ்மார்ட்போன் மற்றும் இணைய வசதி (Internet) இருந்தால், நாம் வங்கிக்கு நேரில் செல்ல வேண்டிய தேவையே இல்லாத அளவுக்கு தொழில்நுட்பம் வளர்ந்துவிட்டது. டிஜிட்டல் வங்கிச் சேவைகள் (Digital Banking) நம்முடைய நேரத்தையும் அலைச்சலையும் பெருமளவு குறைத்துள்ளன.

அந்த வகையில் மிக முக்கியமான ஒரு வங்கி சேவை இனி ஏடிஎம்களிலேயே (ATM) கிடைக்க போகிறது. ஏடிஎம் இயந்திரங்களில் இனி பணத்தை எடுப்பது மற்றும் போடுவது மட்டுமின்றி, உடனடியாக ஏடிஎம் கார்டுகளைப் பெற்றுக்கொள்ளும் புதிய அதிநவீன சேவை அறிமுகம் செய்யப்பட்டுள்ளது.

குளோபல் ஃபின்டெக் ஃபெஸ்ட் (GFF) நிகழ்வில் இந்திய நிதிச் சேவைகள் துறை (DFS) மற்றும் தேசிய கொடுப்பனவு கழகம் (NPCI) இணைந்து இந்த புதிய ஓபன் சோர்ஸ் ஆண்ட்ராய்டு அடிப்படையிலான ஏடிஎம் (Android-based ATM) தொழில்நுட்பத்தை அறிமுகப்படுத்தியுள்ளது.

புதிய திறந்த மூல (Open-source) ஆண்ட்ராய்டு அடிப்படையிலான ஏடிஎம் (Android ATM) இயந்திரங்கள் மூலம் இந்த சேவை சாத்தியமாகிறது.

புதிய ஏடிஎம் சேவையின் முக்கிய சிறப்பம்சங்கள்:

வாடிக்கையாளர்கள் இனி புதிய டெபிட் அல்லது கிரெடிட் கார்டு பெற வங்கி கிளைகளுக்குச் செல்லவோ அல்லது கொரியர் அல்லது தபால் மூலம் வரும் வரை காத்திருக்கவோ தேவையில்லை. ஏடிஎம் இயந்திரம் மூலமாகவே தங்களுக்கு விருப்பமான RuPay டெபிட் கார்டு, கிரெடிட் கார்டு மற்றும் தேசிய பொது இயக்க அட்டை (National Common Mobility Card - NCMC) ஆகியவற்றை உடனடியாக சுயசேவை (Self-service) முறையில் பிரிண்ட் செய்து பெற்றுக்கொள்ளலாம்.

இந்தச் சேவையானது, வாடிக்கையாளர்களுக்கு அட்டை வழங்குவதை மேலும் வசதியாக்குவதோடு, கிளைகளை எளிதில் அணுக முடியாத பகுதிகளில் இது குறிப்பாகப் பயனுள்ளதாக அமையும் என எதிர்பார்க்கப்படுகிறது.

இந்த புதிய ஏடிஎம்கள் வெறும் பணப் பரிவர்த்தனைக்கான இடமாக இல்லாமல், ஒரு மினி வங்கி கிளை (DBU) போலச் செயல்படும். இந்த மேம்படுத்தப்பட்ட ஏடிஎம் இயந்திரங்கள் மூலம் கார்டு வழங்குவது மட்டுமின்றி, வியாபாரிகளுக்கு உடனடியாக UPI QR கோடு வழங்குதல், செக் டெபாசிட், புதிய கணக்கு தொடங்குதல் மற்றும் கடன்களுக்கு விண்ணப்பிப்பது போன்ற கூடுதல் சேவைகளையும் வழங்க திட்டமிடப்பட்டுள்ளது.

இதன் மூலம் கணக்கு தொடங்குதல் (Account Opening), கடன் விண்ணப்பங்கள் (Loan Applications) மற்றும் காசோலை டெபாசிட் (Cheque Deposits) போன்ற சேவைகளையும் பெற முடியும்.

சிறு வணிகர்கள் அல்லது வியாபாரிகள் தங்களின் வணிக கணக்கிற்கான தனிப்பயனாக்கப்பட்ட யுபிஐ க்யூஆர் (UPI QR) கோடுகளை இந்த ஏடிஎம்கள் மூலம் சில நிமிடங்களில் உடனடியாகப் பெற்றுக்கொள்ளலாம். டிஜிட்டல் பணப் பரிவர்த்தனையை அமைப்பதற்கான நீண்ட செயல்முறைக்குச் செல்வதற்குப் பதிலாக, வணிகர்கள் ஏடிஎம்-ஐப் பயன்படுத்தி க்யூஆர் குறியீட்டைப் பெற்று, யுபிஐ பணப் பரிவர்த்தனைகளை ஏற்கத் தொடங்கலாம்.

தற்போது பாரத ஸ்டேட் வங்கி (SBI), பேங்க் ஆஃப் பரோடா, பஞ்சாப் நேஷனல் பேங்க், யூனியன் பேங்க், பேங்க் ஆஃப் இந்தியா, சென்ட்ரல் பேங்க், யுகோ பேங்க், ஸ்லைஸ் (Slice) மற்றும் ஏர்டெல் பேமெண்ட்ஸ் பேங்க் உள்ளிட்ட 9 முக்கிய முன்னணி வங்கிகள் இணைந்து இந்த புதிய ஏடிஎம் சேவையை முதற்கட்டமாகச் சோதித்து வருகின்றன.

கிளைகள் குறைவாக உள்ள சிறு நகரங்கள் மற்றும் கிராமப்புற பகுதிகளில் வாடிக்கையாளர்களுக்குச் சேவைகளை வழங்குவதில் வங்கிகள் பெரும்பாலும் சிரமங்களை எதிர்கொள்கின்றன.

டிஜிட்டல் இந்தியா மற்றும் நிதிச் சேர்க்கை (Financial Inclusion) திட்டத்தின் கீழ், குறிப்பாக வங்கி கிளைகள் குறைவாக உள்ள சிறு நகரங்கள் மற்றும் கிராமப்புற மக்களுக்கு வங்கிச் சேவைகளை மிக எளிதாகக் கொண்டு சேர்க்க இந்த தொழில்நுட்பம் பெரிதும் உதவும்.