News 5 - (22.10.2024) 'அமரன்' திரைப்படத்தின் ட்ரெய்லர் தேதி அறிவிப்பு!

பாலஸ்தீனத்தில் போரால் பாதிக்கப்பட்ட மக்களுக்காக நிவாரணப் பொருட்களை அனுப்பியது இந்திய அரசு. ஐக்கிய நாடுகள் சபை மூலமாக முதற்கட்டமாக 30 டன் அளவுக்கு அத்தியாவசிய மருந்து பொருட்கள் அனுப்பி வைக்கப்பட்டன.

தீபாவளி புத்தாடை வாங்க வரும் கூட்டத்தில் குழந்தைகள் காணாமல் போனால் கண்டுபிடிக்க புதிய திட்டமும், மக்கள் கூட்டத்தில் பழைய குற்றவாளிகள் ஊடுருவினால் கண்டுபிடிக்க FRS தொழில் நுட்பமும் பயன்படுத்தப்பட இருப்பதாக சென்னை காவல் ஆணையர் அருண் தெரிவித்துள்ளார். தியாகராய நகரில் புதிய சிசிடிவி கட்டுப்பாட்டு அறையை திறந்து வைத்தப் பின் செய்தியாளர்களிம் பேசிய அவர், இந்த பாதுகாப்பு ஏற்பாடுகள் குறித்து விளக்கம் அளித்துள்ளார்.

சென்னை மற்றும் புறநகர் பகுதிகளில் ஒருசில இடங்களில் அடுத்த 2 நாட்களுக்கு மிதமான மழைக்கு வாய்ப்புள்ளது. பெருநகரில் வானம் ஓரளவு மேகமூட்டத்துடன் காணப்படும் என்று வானிலை ஆய்வு மையம் தகவல் அளித்துள்ளது.

சிவகார்த்திகேயன், சாய்பல்லவி நடிப்பில் வெளியாகவுள்ள 'அமரன்' திரைப்படத்தின் ட்ரெய்லர் நாளை மாலை 6 மணிக்கு வெளியாகும் என அப்படக்குழு அறிவித்துள்ளது.

2026ம் ஆண்டில் நடைபெற உள்ள காமன்வெல்த் போட்டிகளில் இருந்து கிரிக்கெட், ஹாக்கி மற்றும் மல்யுத்தம் போன்ற விளையாட்டுகள் நீக்கப்பட்டுள்ளன. நிதி சிக்கன நடவடிக்கையாக பல்வேறு விளையாட்டுப் போட்டிகளை நீக்கியதாக காமன்வெல்த் விளையாட்டு கவுன்சில் விளக்கம் அளித்துள்ளது.