News 5 - (23.10.2024) ‘சமூக வலைதளங்கள் குற்றத்தைத் தூண்டுகின்றன’: மத்திய அரசு!

கமலா ஹாரிஸுக்கு தேர்தல் நிதியாக மைக்ரோசாப்ட் நிறுவனர் பில் கேட்ஸ் 50 மில்லியன் டாலர் நன்கொடை அளித்துள்ளதாகக் கூறப்படுகிறது. ‘இந்தத் தேர்தல் வித்தியாசமானது என்றும் அமெரிக்க அரசியலில் குறிப்பிடத்தக்க மாற்றத்தை பிரதிபலிப்பதாகவும்’ பில் கேட்ஸ் கருத்துத் தெரிவித்துள்ளார்.

கடந்த சில நாட்களாக உள்நாட்டு மற்றும் சர்வதேச விமானங்களுக்கு போலி வெடிகுண்டு மிரட்டல்கள் விடுக்கப்பட்ட நிலையில், அதனைக் கையாண்ட முறைக்காக எக்ஸ் மற்றும் மெட்டா வலைதளங்களை கடுமையாக சாடியது மத்திய அரசு. ‘சமூக வலைதளங்கள் குற்றத்தைத் தூண்டுகிறது’ என்றும் மத்திய அரசு விமர்சித்துள்ளது.

சென்னை, கடலூர், புதுச்சேரி உள்ளிட்ட 9 துறைமுகங்களில் இரண்டாம் எண் புயல் எச்சரிக்கை கூண்டு ஏற்றப்பட்டுள்ளது. வங்கக்கடலில் உருவாகியிருக்கும் புதிய புயல் சின்னம் காரணமாக தமிழகம் மற்றும் புதுச்சேரி துறைமுகங்களில் இந்த முன்னெச்சரிக்கை நடவடிக்கை எடுக்கப்பட்டுள்ளது.

‘அமரன்’ திரைப்படத்தின் ட்ரெய்லர் இன்று மாலை 6 மணிக்கு வெளியாகவுள்ள நிலையில், தமிழில் கமல்ஹாசன், தெலுங்குவில் நானி, இந்தியில் அமீர்கான், கன்னடத்தில் சிவராஜ் குமார், மலையாளத்தில் டொவினோ தாமஸ் ஆகியோர் இந்த டிரெய்லர் காட்சிகளை வெளியிட உள்ளதாக தகவல் தெரிவிக்கப்பட்டுள்ளது.

எம்.எஸ்.தோனியுடன் சிஎஸ்கே அணி நிர்வாகம் வரும் 29 அல்லது 30ம் தேதி நேரில் சந்தித்து ஆலோசனை நடத்த இருப்பதாக தகவல் வெளியாகியுள்ளது.