மின் தூக்கி (Elevator): நிலத்தில் இருந்து விண்ணை நோக்கிய பயணம் - ஓர் தொழில்நுட்ப புரட்சி!

'Elevator' என்பது 'உயர்த்தி' அல்லது 'மின் தூக்கி' ஆகும். இது உயரமான கட்டடங்களில் நபர்கள் அல்லது பொருட்களை ஒரு தளத்திலிருந்து மற்றொரு தளத்திற்கு செங்குத்தாக நகர்த்தப் பயன்படும் ஒரு இயந்திர சாதனமாகும்.

எலிவேட்டரின் வரலாறு: எளிய லிப்ட் முறைகள் ரோமப்பேரரசு காலத்திலேயே பயன்படுத்தப்பட்டன. கயிறு, மனிதசக்தி, விலங்குகள் அல்லது நீர்வழித் தள்ளுபடி முறைகளைப் பயன்படுத்தி பொருட்களை மேலே கீழே ஏற்றினர்.

முதல் நவீன எலிவேட்டர்: 1853 எலிஷா ஜி. ஓடிஸ் (Elisha Graves Otis) கயிறு அறுந்தால் லிப்ட் கீழே விழாமல் தடுக்க Safety Brake System கண்டுபிடித்தார். இது தான் இன்று நாம் பயன்படுத்தும் அனைத்து எலிவேட்டர்களின் அடிப்படை பாதுகாப்பு.

முதல் பயணிகள் எலிவேட்டர் 1857: நியூயார்க் நகரில் Haughwout Department Store–ல் முதல் பயணிகள் எலிவேட்டர் நிறுவப்பட்டது. பின்னர் உலகம் முழுவதும் உயரமான கட்டடங்கள் உருவாகத் தொடங்கின.

20ஆம் நூற்றாண்டில் மின்சார மோட்டார், தானியங்கி கதவுகள், மேம்பட்ட பிரேக், கட்டுப்பாட்டு அமைப்புகள் ஆகியவை உருவாக்கப்பட்டன. 1950 களில் முதல் Automatic Elevator வந்தது. மனித இயக்குனர் தேவையில்லை.

எலிவேட்டர் வேலை செய்யும் முறை: எலிவேட்டர் கெபின் (Cabin) என்பதை மோட்டார், கயிறு மற்றும் எதிரெடை (Counterweight) ஆகியவை இணைந்து மேலே / கீழே நகர்த்துகின்றன. எலிவேட்டர் கெபினுடன் பொருத்தும் பல எஃகு கயிறுகள் இருக்கும். அவை மேலே பொருத்தப்பட்டுள்ள ஷீவ் (Sheave – பெரிய சக்கரம்) மீது ஓடுகின்றன. அந்த சக்கரத்தை மோட்டார் திருப்புகிறது. இதனால் கெபின் மேலே / கீழே நகர்க்கப்படுகிறது.

எதிரெடை: எலிவேட்டர் கெபினின் எடையும் பயணிகளின் சராசரி எடையும் சேர்த்து அதே அளவு கொண்ட Counterweight இருக்கும். இது கெபினை சமமாக்கி மோட்டாரின் வேலைப்பளுவை 50% குறைக்கிறது. இதனால் கெபின் திடீரென விழுவது தவிர்க்கப்படும். மின்சார செலவு குறையும், இயக்கம் மென்மையாக இருக்கும்

மோட்டார் நின்றவுடனே Electromagnetic Brake சக்கரத்தை பூட்டிவிடும். இது கெபின் இடத்தில் நின்றுவிட உதவும். கயிறு துண்டித்தாலும் ஓடிஸ் கண்டுபிடித்த Safety Brake செயல்படும். கெபின் சுரங்கத்தின் பக்கங்களில் உள்ள Rail மீது பூட்டிக் கொள்ளும். அதனால் லிப்ட் கீழே விழாது.

கட்டுப்பாட்டு அமைப்பு: பயணி மாடி பொத்தானை அழுத்தியவுடன் மாடி தூரம் கணக்கிடுகிறது. வேகம் மற்றும் பிரேக்கை கட்டுப்படுத்துகிறது கதவை திறக்க/மூட செய்கிறது. பாதுகாப்பு சோதனைகள் செய்கிறது.

எலிவேட்டரின் முக்கிய பாகங்கள்

1. கெபின் (Cab / Car): பயணிகள் ஏறும் பகுதி.

2. கயிறுகள் (Steel Wire Ropes): எலிவேட்டரை குறுக்காமல் பிடிக்கும் மிக வலிமையான கயிறுகள்.

3. மோட்டார் (Motor): எலிவேட்டரின் மூளை + சக்தி. கெபினை நகர்த்தும் சக்தி.

4. ஷீவ் (Sheave): மேலே இருக்கும் பெரிய சக்கரம். கயிறு இதன் மீது ஓடுகிறது.

5. எதிரெடை (Counterweight): கெபினின் எடையை சமப்படுத்தும் பெரிய கட்டம்.

6. பிரேக் அமைப்பு (Braking System): எலிவேட்டரை திடீரென நிறுத்தாமல் மெதுவாக நிறுத்துகிறது.

7. கையேடு பக்க ரெயில்கள் (Guide Rails): கெபின் நேராக மேலே கீழே நகர உதவும் ரெயில்கள்.

8. கதவு அமைப்பு (Door System): கெபின் கதவு, மாடி கதவு இரண்டையும் ஒரே நேரத்தில் தானியங்கி முறையில் திறக்க/மூட செய்கிறது.

9. கட்டுப்பாட்டு அமைப்பு (Controller Panel): எலிவேட்டரின் அனைத்து செயல்களையும் கண்காணிக்கும் கணினி மையம்.

10. Buffer (கீழே இருக்கும் பாதுகாப்பு ஸ்பிரிங்): கெபின் அதிகமாக கீழே வந்தாலும், அதைப் பாதுகாக்கும் ஸ்பிரிங் அல்லது ஹைட்ராலிக் பிஸ்டன்.