HONOR Robot Phone: என்னது போன் நம்மகூட பேசுமா? புதிய தொழில்நுட்பத்துடன் சீனாவில் அறிமுகம்!

ஸ்மார்ட்போன் சந்தையில் வழக்கமான டிசைன்களுக்கு மத்தியில் முற்றிலும் புதிய மற்றும் விசித்திரமான ஒரு முயற்சியாக, பின்புறம் ரோபோடிக் அமைப்புடன் கூடிய 'ஹானர் ரோபோட் போன்' (HONOR Robot Phone) சீனாவில் அதிகாரப்பூர்வமாக அறிமுகம் செய்யப்பட்டுள்ளது. 

கடந்த ஆண்டு மேஜிக் 8 (Magic8) சீரிஸ் வெளியீட்டின் போது வெறும் கான்செப்ட் மாடலாகக் காட்சிப்படுத்தப்பட்ட இந்த போன், தற்போது முழுமையான சிறப்பம்சங்களுடன் விற்பனைக்கு வந்துள்ளது.

ரோபோடிக் Gimbal மற்றும் AI சிறப்பம்சங்கள்: 

இந்த போனின் மிக முக்கிய சிறப்பம்சமே இதன் பின்புறம் அமைந்துள்ள உலகின் மிகச்சிறிய 4-DoF (Degrees of Freedom) டைட்டானியம் ரோபோடிக் ஜிம்பால் (Gimbal) கேமராதான்.

• 60-க்கும் மேற்பட்ட உற்பத்தி நிலைகளைக் கடந்து, 100 துல்லியமான பாகங்களுடன் இது உருவாக்கப்பட்டுள்ளது.

• பாரம்பரிய ஜிம்பால்களை விட 65% சிறியதான இந்த மோட்டார், வெறும் 2.6 கிராம் எடையும் 6 மி.மீ தடிமனும் கொண்டது.

• ஹானரின் 'YOYO' AI உதவி அமைப்போடு இணைந்து செயல்படும் இந்த ஜிம்பால், வெறும் கேமராவாக இல்லாமல் ஒரு குட்டி ரோபோ கையைப் போலச் செயல்படும்.

• குரல் கட்டளைகளைப் புரிந்துகொள்வது மட்டுமின்றி, பயனரின் உரையாடல்களுக்கு ஏற்ப தலை அசைப்பது (Nodding), எட்டிப் பார்ப்பது (Peeking) மற்றும் இசைக்கு ஏற்ப நடனமாடுவது என 100-க்கும் மேற்பட்ட உணர்ச்சி பாவனைகளை (Gestures) இது வெளிப்படுத்தும்.

சினிமா தரத்திலான கேமரா தொழில்நுட்பம்: 

தொழில்முறை வீடியோ கிரியேட்டர்களுக்காக, ஜெர்மனியின் பிரபல சினிமா கேமரா தயாரிப்பு நிறுவனமான ARRI உடன் இணைந்து இதன் கேமரா சிஸ்டம் உருவாக்கப்பட்டுள்ளது.

• 200MP முதன்மை ஜிம்பால் கேமரா (H1 இமேஜிங் சிப்), 2.7x ஆப்டிகல் ஜூம் கொண்ட 200MP பெரிஸ்கோப் டெலிஃபோட்டோ லென்ஸ் மற்றும் மேக்ரோ வசதியுடன் கூடிய 50MP அல்ட்ரா-வைட் லென்ஸ் இதில் உள்ளன.

• நீங்கள் நகர்ந்து கொண்டே வீடியோ பேசினாலும், இதன் 360° AI டிராக்கிங் வசதி உங்களைத் தானாகத் பின்தொடர்ந்து ஃபிரேமின் மையத்திலேயே வைக்கும். மேலும், ARRI-யின் சினிமா மோட், Log-C3 என்கோடிங் போன்ற தொழில்முறை வசதிகளும் இதில் உள்ளன.

வலுவான உள்கட்டமைப்பு: ஒரு புதுமையான கேமரா போனாக மட்டுமின்றி, உள் கட்டமைப்பிலும் இது ஒரு சக்திவாய்ந்த ஃபிளாக்ஷிப் மாடலாகும்.

• ப்ராசஸர் மற்றும் OS: ஆண்ட்ராய்டு 16 அடிப்படையிலான MagicOS 10 மற்றும் அதிவேக Snapdragon 8 Elite Gen 5 சிப்செட்.

• டிஸ்ப்ளே: 6.3-இன்ச் LTPO OLED திரை, 1-120Hz வேரியபிள் ரெஃப்ரெஷ் ரேட், 6800 nits பீக் பிரைட்னஸ் மற்றும் AR ஆன்டி-ரிஃப்ளெக்டிவ் கோட்டிங்.

• பேட்டரி: 7,060mAh சிலிக்கான்-கார்பன் பேட்டரி, 120W ஃபாஸ்ட் வயர்டு சார்ஜிங் மற்றும் 50W வயர்லெஸ் சார்ஜிங் வசதி. மொத்த போனின் எடை 248 கிராம்கள்.

விலை மற்றும் விற்பனை விபரம்: 

ஸ்மார்ட்போன்களில் செயற்கை நுண்ணறிவையும் இயந்திர அமைப்பையும் இணைத்து, போனை ஒரு 'தோழனாக' மாற்றும் முயற்சியில் ஹானர் வெற்றி பெற்றுள்ளது. சில்வர் (Silver) மற்றும் கிரே (Gray) நிறங்களில் கிடைக்கும் இந்த போனின் 12GB RAM / 512GB மாடல் விலை 9,999 யுவான் (சுமார் ₹1.4 லட்சம் / $1,482) ஆகவும், 16GB RAM / 1TB மாடல் விலை 12,999 யுவான் (சுமார் ₹1.82 லட்சம் / $1,927) ஆகவும் நிர்ணயிக்கப்பட்டுள்ளது. சீனாவில் ஆகஸ்ட் 18 முதல் இதன் விற்பனை தொடங்குகிறது.