உங்கள் ஆண்ட்ராய்டு போன் திருடு போய்விட்டதா? 5 நிமிடங்களில் லாக் செய்து, டேட்டாவை அழிப்பது எப்படி?

உங்கள் ஆண்ட்ராய்டு போன் திருடு போய்விட்டதா? குறிப்பாக உங்கள் தனிப்பட்ட செய்திகள், வங்கி செயலிகள் மற்றும் விலைமதிப்பற்ற நினைவுகள் அனைத்தும் அதில்தான் இருக்கின்றன என நினைத்துப் பயப்பட வேண்டாம். இனி உங்கள் போன் தொலைந்தாலும் அல்லது திருடு போனாலும், அதை விரைவாகக் கண்டறிய, லாக் செய்ய அல்லது தரவை அழிக்க கூகுள் ஒரு சக்திவாய்ந்த கருவியை அறிமுகப்படுத்தியுள்ளது.

உங்கள் டேட்டாவைப் பாதுகாக்க உடனடியாக என்ன செய்ய வேண்டும் என்பதற்கான வழிகாட்டி இதோ!

'Find My Device'-ஐ பயன்படுத்துங்கள்:

தொலைந்த போனைக் கண்டுபிடிப்பதில் நீங்கள் முதலில் நாட வேண்டிய கருவி, கூகுளின் 'Find My Device'. இது உங்கள் போன் இருக்கும் இடத்தைக் கண்டறிய, சத்தம் எழுப்ப, லாக் செய்ய அல்லது அதன் தரவை நிரந்தரமாக அழிக்க உதவுகிறது.

முக்கிய குறிப்பு: இந்தக் கருவி வேலை செய்ய வேண்டுமெனில், அது உங்கள் தொலைந்த போனில் ஏற்கனவே ஆன் செய்யப்பட்டிருக்க வேண்டும்.

தொலைந்த போனைக் கண்டுபிடிப்பது எப்படி?

1. உங்கள் கணினி அல்லது வேறு எந்த மொபைலிலும் (https://google.com/android/find) என்ற இணையதளத்திற்கு செல்லுங்கள்

2. தொலைந்த போனுடன் இணைக்கப்பட்டுள்ள அதே Google கணக்குடன் உள்நுழையவும் (Sign in).

3. உங்கள் சாதனங்களின் பட்டியல் தோன்றும். அதில் தொலைந்த மொபைலைத் தேர்வு செய்து, அதன் கடைசி அறியப்பட்ட இடத்தைக் (Last Known Location) கண்காணிக்கவும்.

(போனில் இணைய இணைப்பு (Internet connection) இருந்தால் மட்டுமே அதன் தற்போதைய இருப்பிடம் தெரியும். இல்லையெனில், கடைசியாகப் பதிவான இடத்தை இது காட்டும்.)

வரைபடத்தில் போனின் இருப்பிடத்தைக் கண்டறிந்தவுடன், நீங்கள் ரிமோட் (Remote) மூலம் பின்வரும் முக்கியமான நடவடிக்கைகளை எடுக்கலாம்:

• போன் Silent மோடில் இருந்தாலும், அது முழு ஒலியுடன் ஐந்து நிமிடங்கள் ரிங் செய்ய வைக்கும். அருகில் எங்காவது தொலைந்திருந்தால் இது மிகவும் பயனுள்ளதாக இருக்கும்.

• உங்கள் போனுக்கு புதிய PIN, கடவுச்சொல் அல்லது Pattern ஒன்றை அமைத்து, உடனடியாக லாக் செய்துவிடலாம். மேலும், போனை கண்டுபிடிப்பவர்களுக்குத் திரும்பித் தருமாறு ஒரு மீட்புச் செய்தியை (Recovery Message) லாக் ஸ்கிரீனில் வைக்கலாம்.

• போன் திருடு போய்விட்டது அல்லது திரும்ப கிடைக்கவே வாய்ப்பில்லை என நீங்கள் உறுதியாக நம்பினால், உள்ளே இருக்கும் அனைத்துத் தனிப்பட்ட தரவுகளையும் நிரந்தரமாக அழித்துவிடலாம் (Data Wipe).

ஆபத்தில் இருந்து தப்பிப்பதற்கான சிறந்த வழி, எப்போதும் முன்னெச்சரிக்கையாக இருப்பதுதான்.

உங்கள் 'Find My Device' செட்டிங்ஸ் எப்போதும் ஆன் செய்யப்பட்டிருப்பதை உறுதிசெய்து கொள்ளுங்கள்.

வலிமையான ஸ்கிரீன் லாக் (PIN, கைரேகை) பயன்படுத்துங்கள்.

உங்கள் தரவுகளை Google Drive இல் தொடர்ந்து பேக்கப் செய்யுங்கள்.

உங்கள் ஆண்ட்ராய்டு போனை இழந்தாலும், கூகுளின் இந்த பாதுகாப்புக் கருவிகள் மூலம் உங்கள் தரவு பாதுகாப்பாக இருப்பதை உறுதிசெய்ய முடியும்.