பெட்ரோல் பங்க் பக்கமே போக வேணாம்.. 150km மைலேஜ் தரும் மாஸ் பைக்!

Revolt RV BlazeX: இந்தியச் சாலைகளில் இப்போது எலக்ட்ரிக் வாகனங்களின் ராஜ்ஜியம் தான் மிகப்பிரம்மாண்டமாக நடந்து கொண்டிருக்கிறது. பெட்ரோல் விலை ஏற்றத்தால் பலரும் பேட்டரி பைக்குகளுக்குத் தங்களை மாற்றிக்கொள்ளத் தொடங்கிவிட்டனர். அந்த வகையில் இந்தியாவில் முதன்முதலாக இ-பைக் அறிமுகம் செய்த ரிவோல்ட் (Revolt) நிறுவனம், தற்பொழுது ரிவோல்ட் ஆர்வி பிளேஸ்எக்ஸ் (Revolt RV BlazeX) என்ற ஒரு மிரட்டலான புதிய மாடலை சந்தையில் களமிறக்கியுள்ளது. 

பார்ப்பதற்கு விலையுயர்ந்த ஸ்போர்ட்ஸ் பைக் போல காட்சியளிக்கும் இந்த வண்டி, நகர நெரிசல்களிலும் சரி நெடுஞ்சாலைகளிலும் சரி ஓட்டுவதற்கு சிறப்பாக இருப்பதாக வாகன ஓட்டிகள் கூறுகின்றனர். இதன் அசத்தலான விலை, பேட்டரி திறன் மற்றும் பிற சிறப்பம்சங்களை இப்போது பார்ப்போம்.

மைலேஜ் மற்றும் பேட்டரி செயல்பாடு!

இந்த பைக்கின் மிக முக்கியமான ஹைலைட் அதன் மைலேஜ் ரேஞ்ச் தான். இதை ஒருமுறை முழுமையாக சார்ஜ் செய்தால் சுமார் 150 கிலோமீட்டர் வரை எவ்வித கவலையுமின்றி அசாதாரணமாகப் பயணிக்கலாம். அதிகபட்சமாக மணிக்கு 85 கிலோமீட்டர் வேகத்தில் சீறிப்பாயும் திறன் இதற்கு உண்டு. இதில் 3.24 கிலோவாட் (3.24 kWh) திறன் கொண்ட Lithium-ion battery பொருத்தப்பட்டுள்ளது. 

மேலும் இது ஐபி 67 (IP67) தரச்சான்றிதழ் பெற்ற கழற்றி மாட்டக்கூடிய போர்ட்டபிள் பேட்டரி என்பதால் தண்ணீர் மற்றும் தூசியால் வண்டிக்கு எந்த பாதிப்பும் வராது. ஃபாஸ்ட் சார்ஜிங் வசதி இருப்பதால் அவசர நேரங்களில் சார்ஜ் ஏறுவதற்கும் அதிக நேரம் எடுக்காது.

பாதுகாப்பு வசதிகள்!

பைக்கின் ஒட்டுமொத்த எடையே வெறும் 113 கிலோ தான். இது ஓட்டுவதற்கு மிகவும் இலகுவாக இருக்கும். ஆனால் இது 250 கிலோ வரையிலான எடையை மிக எளிதாகத் தாங்கும் வல்லமை கொண்டது. கரடுமுரடான இந்தியச் சாலைகளுக்கு ஏற்ப 180 மி.மீட்டர் Ground clearance சிறப்பாகக் கொடுக்கப்பட்டுள்ளது. 

முன்புறம் டெலிஸ்கோபிக் சஸ்பென்ஷனும், பின்புறம் ட்வின் ஷாக்கர் சஸ்பென்ஷனும் உள்ளதால் நீண்ட தூரப் பயணம் கூட மிகவும் மென்மையாக இருக்கும். பாதுகாப்பான பிரேக்கிங் அனுபவத்திற்காக இரண்டு சக்கரங்களிலும் டிஸ்க் பிரேக்குடன் கூடிய சிபிஎஸ் (CBS) பிரேக்கிங் சிஸ்டம் மற்றும் டியூப்லெஸ் டயர்கள் நேர்த்தியாக வழங்கப்பட்டுள்ளன.

நவீன தொழில்நுட்பங்கள்!

இளைஞர்களைக் கவரும் வகையில் Eco, City, Sport என மூன்று விதமான டிரைவிங் மோடுகள் இதில் கொடுக்கப்பட்டுள்ளன. 6 இன்ச் LCD Display மூலம் பைக்கின் வேகம் மற்றும் பேட்டரி அளவை முழுமையாகத் தெரிந்துகொள்ளலாம். புளூடூத், ஜிபிஎஸ் நேவிகேஷன், மொபைல் சார்ஜிங் போர்ட், போன் அழைப்புகள் மற்றும் மெசேஜ் அலர்ட் என அனைத்து ஸ்மார்ட் வசதிகளும் இதில் அடங்கும். 

செல்ஃப் ஸ்டார்ட் மற்றும் பார்க்கிங் செய்வதை எளிதாக்கும் ரிவர்ஸ் மோட் போன்ற தனித்துவமான அம்சங்களும் உள்ளன. முழுமையான LED முகப்பு மற்றும் சிக்னல் விளக்குகள் இரவு நேரப் பயணத்தைப் பாதுகாப்பானதாக மாற்றுகிறது.

இந்த அட்டகாசமான பைக்கின் ஷோரூம் விலை சுமார் 1 லட்சத்து 27 ஆயிரத்து 673 ரூபாய் என நிர்ணயம் செய்யப்பட்டுள்ளது. வாடிக்கையாளர்களின் நம்பிக்கையை அதிகரிக்கும் வகையில் இதன் பேட்டரிக்கு 3.2 ஆண்டுகள் அல்லது 40 ஆயிரம் கிலோமீட்டர் வாரண்டியும், 4.1 kW மோட்டாருக்கு 3 ஆண்டுகள் வாரண்டியும் வழங்கப்படுகிறது. 

கருஞ்சிவப்பு மற்றும் வெள்ளை-கருப்பு என மனதைக் கவரும் கவர்ச்சிகரமான நிறங்களில் கிடைக்கும் இந்த மாடல், தினசரி கல்லூரி அல்லது ஆபீஸ் செல்வோருக்கு ஒரு சிறப்பான சாய்ஸாக இருக்கும் என்பதில் எந்த சந்தேகமும் இல்லை.