நாம் கருவில் இருக்கும்போதே, நம் விரல்கள் ஏன் ஒட்டாமல் பிரிகின்றன?

நாம் கருவில் இருக்கும்போதே, நம் கைகளில் விரல்கள் ஏன் ஒட்டாமல் தனித்தனியாகப் பிரிகின்றன?

விரல்கள் ஒட்டாமல் இருக்கவும், பற்கள் தோன்றாமல் இருக்கவும், மூளை சரியாக வளரவும், முதுகுத்தண்டு வளைந்து உருவாகவும் ஒரு மர்ம சக்தி செயல்படுகிறது. கண்கள் பிரகாசமாக உருவாகவும், பறவைகளுக்கு இறக்கைகள் முளைக்கவும் ஏதோ ஒரு காரணம் உள்ளது; இல்லையா?

இவை எல்லாவற்றுக்கும் பின்னால் இருப்பது 'அடேங்கப்பா' என வியக்க வைக்கும் ஒரே ஒரு சமிக்ஞை புரதம் - Sonic Hedgehog (SHH)!

இந்த (SHH) சமிக்ஞை புரதம் ஒரு சமிக்ஞை இயக்கி போலச் செயல்படுகிறது. கரு உருவாகும்போது, செல்களுக்கு "இங்கு செல், இப்படி மாறு" என உத்தரவிடுகிறது. இதன் அளவு சிறிது மாறினால், உடலின் தோற்றமே வேறாகிறது - அதிகமாக இருந்தால் ஒரு வடிவம், குறைந்தால் மற்றொரு வடிவம்!

1993இல் உலகுக்கு அறிமுகமான இதற்கு விளையாட்டுத்தனமான பெயர் இருந்தாலும், இதன் சாதனைகள் அசாதாரணமானவை!

(SHH) சமிக்ஞை புரதம் தவறாக இயங்கினால், ஒரே கண்ணுடன் பிறக்கும் சைக்ளோபியா (Cyclopia) போன்ற வினோதங்களும், மூளை புற்றுநோயான மெடுலோபிளாஸ்டோமாவும் ஏற்படலாம். ஆனால், இதைச் சரியாகக் கட்டுப்படுத்தினால், உறுப்புகளை மீண்டும் வளர்க்கும் மருத்துவக் கனவு நனவாகும்! இறக்கைகள் முதல் மூளையின் சிக்கலான அமைப்பு வரை, உயிரின் ஒவ்வொரு அங்கத்தையும் செதுக்கும் இந்த (SHH) சமிக்ஞை புரதம் இல்லாமல் நாம் இல்லை.

ஒரு சிறிய மூலக்கூறு, ஆனால் உயிரின் அடித்தளத்தை ஆள்கிறது. இதன் பெயர் விசித்திரமாகத் தோன்றலாம், ஆனால் இதன் ஆற்றல் பிரமிப்பூட்டுகிறது!