Tesla Pi Phone: சார்ஜும் போட வேண்டாம், இன்டர்நெட்டும் இலவசம்! 

உலகின் மிகப்பெரிய தொழில்நுட்ப மாற்றங்களை ஏற்படுத்திய எலான் மஸ்க், தற்போது ஸ்மார்ட்போன் உலகில் புதிய புரட்சியை ஏற்படுத்தத் தயாராகி வருகின்றார். டெஸ்லா நிறுவனத்தின் தலைவரான இவர், சார்ஜ் இல்லாமல் இயங்கும் புதிய ஸ்மார்ட்போனை அறிமுகப்படுத்த உள்ளார் என்ற தகவல் தொழில்நுட்ப உலகில் பெரும் பரபரப்பை ஏற்படுத்தியுள்ளது.

இந்த புதிய ஸ்மார்ட்போன், சூரிய சக்தி மூலம் சார்ஜ் ஆகும் திறன் கொண்டது மட்டுமின்றி, இணைய இணைப்பு இல்லாமல் கூட செயல்படக்கூடிய வகையில் வடிவமைக்கப்பட்டுள்ளது. இதற்குகா காரணம், மஸ்க்கிற்கு சொந்தமான Space X நிறுவனத்தின் ஸ்டார்லிங்க் தொழில்நுட்பம். இந்தத் தொழில்நுட்பம், உலகின் எந்த மூலையில் இருந்தாலும் இணைய இணைப்பை வழங்கும் திறன் கொண்டது. குறிப்பாக, 5ஜி நெட்வொர்க் இல்லாத பகுதிகளிலும் இந்த ஃபோன் சிறப்பாக செயல்படும்.

Tesla Pi Phone: டெஸ்லா பிஐ என்று அழைக்கப்படும் இந்த புதிய ஸ்மார்ட்போன், மூன்று முக்கிய அம்சங்களுடன் வருவதாக எதிர்பார்க்கப்படுகிறது. முதலாவதாக, சூரிய சக்தி மூலம் சார்ஜ் ஆகும் திறன். இரண்டாவதாக, ஸ்டார்லிங்க் தொழில்நுட்பத்தை பயன்படுத்தி உலகளாவிய இணைய இணைப்பு. மூன்றாவதாக, செவ்வாய் கிரகத்தில் கூட செயல்படும் வகையில் வடிவமைக்கப்பட்டுள்ளது.

இந்த புதிய தொழில்நுட்பங்கள், ஸ்மார்ட்போன் உலகில் ஒரு புதிய சகாப்தத்தை உருவாக்கும் என்று எதிர்பார்க்கப்படுகிறது. இதுவரை, ஸ்மார்ட்போன்கள் பேட்டரியில் இயங்கி வந்தன. ஆனால், டெஸ்லா பிஐ, இந்த வழக்கத்தை முறியடித்து, ஒரு புதிய வழியைத் திறந்துள்ளது.

எலான் மஸ்க்: ஒரு தொழில்நுட்ப புரட்சியாளர்

எலான் மஸ்க், தனது பல கண்டுபிடிப்புகளின் மூலம் உலகை மாற்றியமைத்தவர். டெஸ்லா மோட்டார்ஸ் நிறுவனத்தை நிறுவி, மின்சார வாகனங்களில் புரட்சியை ஏற்படுத்தியவர். ஸ்பேஸ்எக்ஸ் நிறுவனத்தை நிறுவி விண்வெளி பயணத்தில் புதிய சாதனைகளை படைத்தவர். இப்போது, ஸ்மார்ட்போன் உலகிலும் தனது தடம் பதிக்க தயாராகி வருகின்றார்.

தொழில்நுட்ப உலகில் எதிர்பார்ப்பு:

டெஸ்லா பிஐ-யின் வெளியீடு, தொழில்நுட்ப உலகில் பெரும் எதிர்பார்ப்பை ஏற்படுத்தியுள்ளது. இந்த ஸ்மார்ட்போன், மற்ற ஸ்மார்ட்போன்களுடன் ஒப்பிடுகையில் மிகவும் குறைந்த விலையில் கிடைக்கும் என்று எதிர்பார்க்கப்படுகிறது. சுமார் 50 - 100 டாலர்களில் இந்த ஸ்மார்ட்போனை வாங்க முடியும் என்று கூறப்படுகிறது.

இந்த குறைந்த விலை, ஸ்மார்ட்போன் சந்தையில் பெரும் மாற்றத்தை ஏற்படுத்தும். இதுவரை, ஸ்மார்ட்போன்கள் மிகவும் விலை உயர்ந்ததாக இருந்தன. ஆனால், டெஸ்லா பிஐ, இந்த நிலையை மாற்றி, ஸ்மார்ட்போன்களை அனைவரும் வாங்கக்கூடிய விலையில் கிடைக்கச் செய்யும். இதன் மூலமாக எலான் மஸ்க், தனது புதிய கண்டுபிடிப்பின் மூலம், மீண்டும் ஒருமுறை உலகை ஆச்சரியப்படுத்தியுள்ளார்.