டிவி ரிமோட் கருப்பு, ஏசி ரிமோட் வெள்ளை - பின்னணியில் இருக்கும் சுவாரசிய அறிவியல் உண்மை!

ஏ சி ரிமோட் வெள்ளை நிறத்திற்கான காரணம்:

எலக்ட்ரானிக் பொருட்களின் டிசைன்கள் மற்றும் நிறங்கள் அறிவியல் காரணங்களை அடிப்படையாக வைத்து வடிவமைக்கப்படுகின்றன. ஏசியின் ரிமோட் வெள்ளை நிறத்தில் இருப்பதைப் போலவே சுவற்றில் பொருத்தப்பட்டிருக்கும் ஏசியின் இன்டோர் யூனிட்டும் ரிமோட்டுடன் பொருந்துவதற்காகவே வெள்ளை நிறத்திலேயே இருக்கும்.

ஏசி தயாரிப்பு முழுவதும் ஒரே மாதிரியான ஸ்டைலில் இருப்பதற்காகவே இவ்வாறு ஒரே மாதிரியான வெண்மை நிற வண்ணம் தேர்ந்தெடுக்கப்படுகின்றன. பொதுவாக படுக்கையறையிலும், அலுவலகங்களிலும் ஒருவித அமைதியை உருவாக்க வெளிர் நிறங்களை டிசைனர்கள் நம்புவதால் இன்டீரியர் டிசைனுக்கு மிகச் சரியாக பொருந்தக்கூடிய வெள்ளை நிறத்தை ஏசிக்கு தேர்ந்தெடுத்திருக்கிறார்கள்.

வெப்பத்தை வெள்ளை நிறம் மிகக் குறைவாகவே உறிஞ்சும் என்பதும் மற்றொரு காரணமாக பார்க்கப் படுகிறது. அதேசமயம் கருப்பு நிறம் அதிக வெப்பத்தை ஈர்க்கும் என்பது குறிப்பிடத்தக்கது. நீண்ட நேரம் ஏசி ரிமோட் ஏசி இருக்கும் அறையில் இருந்தாலும், சில சமயங்களில் ஏசி ரிமோட் மீது அந்த அறையில் உள்ள ஜன்னல் அல்லது அதிக வெளிச்சம் உள்ள இடத்தில் இருந்து வெப்பம் தாக்க வாய்ப்புள்ளது.

ஆகவே, வெள்ளை நிறத்தில் ரிமோட் இருந்தால் வெப்பத்தை அதிகம் ஈர்க்காது என்ற அடிப்படையில் ரிமோட் வெள்ளை நிறத்தில் வடிவமைக்கப்பட்டுள்ளது

டிவி ரிமோட் கருப்பு நிறத்திற்கான காரணம்:

டிவி ரிமோட் அதனுடைய பயன்பாட்டு முறையின் காரணமாகவே கருப்பு நிறத்தில் இருக்கிறது. வீட்டில் இருக்கும் அனைத்து குடும்ப உறுப்பினர்களும் பயன்படுத்துவதால் டிவி ரிமோட்டை ஒரு நாளில் பலமுறை தொட்டு பயன்படுத்துவார்கள். இதனால் டிவி ரிமோட்டில் கைகளில் இருக்கும் தூசி, வியர்வை, எண்ணெய் கறைகள் போன்றவை எளிதாக படிந்துவிடும். ஆனாலும் கறைகள் ரிமோட் கறுப்பு நிறமாக இருப்பதால் எளிதில் கண்ணுக்கு தெரியாது. இதன் காரணமாகத்தான் இதனை தயாரிக்கும் தயாரிப்பு நிறுவனங்கள் அடர் வண்ணத்தை தேர்ந்தெடுத்து ரிமோட்டை உருவாக்கியுள்ளன.

மேலும் டிவி ரிமோட்டில் இருக்கும் அதிகமான பட்டன்களில் உள்ள எழுத்துக்களும் எண்களும் தெளிவாக தெரிய வேண்டும் என்பதற்காக கருப்பு நிற பின்னணி உதவிகரமாக இருப்பதாலும், பட்டன்களை எளிதாக அடையாளம் காணவும் டிவி ரிமோட் கருப்பு நிறத்தில் தயாரிக்கப்படுகிறது.

தொழில்நுட்பம், சக்தி, எலக்ட்ரானிக் கெஜெட்டுகளின் அடையாளமாக கருப்பு நிறம் கருதப்படுவதால் டிவி, சவுண்ட் சிஸ்டம், செட்டாப் பாக்ஸ் போன்றவை பெரும்பாலும் கருப்பு நிறத்திலேயே இருக்கின்றன. டிவியை தயாரிக்கும் நிறுவனங்கள் அனைத்தும் எல்லாம் அம்சங்களையும் மனதில் வைத்தே டிவி ரிமோட்டை கருப்பாகவும்,ஏசி ரிமோட்டை வெள்ளையாகவும் தேர்ந்தெடுத்து வடிவமைத்துள்ளனர்.

நாம் தினந்தோறும் எளிதாக பயன்படுத்தும் ஏசி ரிமோட்,டிவி ரிமோட்டிற்கு பின்னால் பல்வேறு காரணங்களை மனதில் வைத்தே இதனுடைய தயாரிப்பு நிறுவனங்கள் நிறத்தையும் டிசைனையும் தேர்ந்தெடுத்துள்ளது என்பதனை இக்கட்டுரையின் மூலம் தெளிவாக தெரிந்து கொள்ள முடிகிறது.

இந்த சுவாரசியமான தகவலை அறிவதன் மூலம், உங்களது அன்றாட வீட்டு உபயோகப் பொருட்களின் வடிவமைப்பு மற்றும் அறிவியல் பின்னணியை எளிதாகப் புரிந்து கொண்டு, அவற்றை முறையான பராமரிப்புடன் நீண்ட காலம் பயன்படுத்தலாம்.