2024-ல் யூட்யூபில் பிரபலமாகும் வழிகள்!

YouTube in 2024
Ways to Be Popular on YouTube in 2024!

2024ல் YouTube உலகின் மிகப்பெரிய வீடியோ ஸ்ட்ரீமிங் தளமாக உள்ளது. பில்லியன் கணக்கான மக்கள் தினமும் இந்த தளத்தை பார்வையிடுகின்றனர். இது உங்களது வீடியோக்களை லட்சக்கணக்கான பார்வையாளர்களிடம் கொண்டு செல்ல ஒரு சிறந்த வழியாகும். இருப்பினும், இப்போது போட்டி கடுமையாகிவிட்டதால் உங்கள் சேனலை வெற்றிபெற செய்ய சில யுக்திகளை நீங்கள் பயன்படுத்த வேண்டும். 

உங்கள் பார்வையாளர்களை அறிந்து கொள்ளுங்கள்: முதலாவதாக, உங்கள் இலக்கு பார்வையாளர்கள் யார் என்பதை புரிந்துகொள்ள வேண்டியது அவசியம். அவர்களின் வயது, பாலினம், ஆர்வங்கள் மற்றும் அவர்கள் யூடியூபில் என்ன தேடுகிறார்கள் என்பதை அறிந்துகொண்டு அதற்கு ஏற்றவாறான வீடியோக்களை உருவாக்க வேண்டும். இது உங்களுக்கு அதிகப்படியான பார்வைகளை பெற்றுத்தந்து, வெற்றி பெற உதவும். 

உயர்தர Content-ஐ உருவாக்குங்கள்: உங்கள் சேனலை வெற்றிகரமாக மாற்றுவதற்கு உயர்தர உள்ளடக்கங்கள் மிகவும் முக்கியமானது. உங்கள் வீடியோக்கள் நன்கு தயாரிக்கப்பட்டு, பிறருக்கு எளிதாக புரியும் வகையில் சிறப்பாக எடிட் செய்யப்பட வேண்டும். பார்வையாளர்கள் மீண்டும் மீண்டும் வந்து பார்க்க விரும்பும் உள்ளடக்கத்தை உருவாக்க முயற்சி செய்யுங்கள். 

தொடர்ச்சியாக வீடியோக்களை பதிவு செய்யவும்: 

பார்வையாளர்களை எப்போதும் ஈடுபாட்டுடன் வைத்திருக்க புதிய உள்ளடக்கங்களை தொடர்ச்சியாக வெளியிடுவது அவசியம். குறைந்தது வாரத்தில் இரண்டு முறையாவது வீடியோக்களை வெளியிட முயற்சி செய்யுங்கள். இது பார்வையாளர்கள் உங்கள் சேனலை மனதில் வைத்திருக்க உதவும். 

உங்கள் சேனலை பகிரவும்: உங்களது யூடியூப் சேனலை வளர்ப்பதற்கு சமூக ஊடகங்கள், வலைப்பதிவுகள் மற்றும் பிற தளங்களைப் பயன்படுத்தி எல்லா இடங்களிலும் ஷேர் செய்யுங்கள். பிற பிரபலமான யூடியூபர்களுடன் இணைந்து கொலாப் வீடியோ தயாரிக்கவும். இது உங்கள் பார்வையாளர்களுக்கு உங்கள் மீது மேலும் ஆர்வத்தை ஏற்படுத்தும். 

இதையும் படியுங்கள்:
கடின உழைப்பா? புத்திசாலித்தனமா? வெற்றி தருவது எது?
YouTube in 2024

உங்கள் சேனலை அவ்வப்போது பகுப்பாய்வு செய்யவும்:  உங்கள் சேனல் எவ்வாறு செயல்படுகிறது என்பதைப் பற்றி அறிந்துகொள்ள YouTube அனலெட்டிக்ஸ் பயன்படுத்தவும். அங்கே உங்களுக்குத் தேவையான தரவுகள் அனைத்தும் கிடைக்கும். பார்வையாளர்கள் எதுபோன்ற காணொளிகளை விரும்புகிறார்கள் என்பதைத் தெரிந்துகொண்டு அதற்கு ஏற்றவாறான வீடியோக்களை தயாரித்து பதிவேற்ற முற்படுங்கள். இது உங்கள் சேனலை மேலும் வளர்ப்பதற்கு உதவியாக இருக்கும். 

என்னதான் 2024ல் YouTube சேனலை வெற்றிகரமாக மாற்றுவது சற்று கடினமான வேலை என்றாலும், மேலே குறிப்பிட்ட சரியான யுக்திகளை பயன்படுத்தி நீங்களும் ஒரு வெற்றிகரமான யூடியூபராக மாற முடியும். எனவே எதற்கும் தாமதிக்காமல் இன்றே உங்களது யூடியூப் சேனலை ஆரம்பித்து காணொளி பதிவேற்றத் தொடங்குங்கள். 

Other Articles

No stories found.
logo
Kalki Online
kalkionline.com