உங்கள் ஸ்மார்ட் ஃபோனை எப்போது மாற்ற வேண்டும் தெரியுமா? 

தொழில்நுட்ப உலகம் ஒவ்வொரு நாளும் புதிய புதிய கண்டுபிடிப்புகளை வெளியிட்ட வண்ணம் உள்ளது. குறிப்பாக ஸ்மார்ட்போன் தொழில்நுட்பம் மிக வேகமாக வளர்ந்து வருகிறது. புதிய மாடல்கள், அம்சங்கள், சிறப்புகள் என தொடர்ந்து மாறிக்கொண்டே இருக்கிறது. இந்த நிலையில், தற்போது நாம் பயன்படுத்தி வரும் ஸ்மார்ட் ஃபோனை எப்போது மாற்ற வேண்டும் என்பதில் பலருக்கு சந்தேகம் உள்ளது. ஒரு புதிய ஸ்மார்ட் ஃபோன் வாங்குவது என்பது மிகப்பெரிய முடிவாகும். எனவே, இந்த முடிவை எடுப்பதற்கு முன் நாம் பல காரணிகளை கவனத்தில் கொள்ள வேண்டும். இந்தப் பதிவில், ஸ்மார்ட் ஃபோனை எப்போது மாற்ற வேண்டும் என்பதற்கான விரிவான விளக்கத்தைப் பார்ப்போம்.

ஸ்மார்ட் ஃபோனை எப்போது மாற்ற வேண்டும்? 

• உங்கள் ஸ்மார்ட் ஃபோன் சமீபத்திய மாடலாக இல்லாவிட்டால், புதிய ஆப்ஸ்கள், கேம்கள் மற்றும் சேவைகளை சரியாக இயக்க முடியாமல் போகலாம்.

• பேட்டரி விரைவாக தீர்ந்துவிடுவது, சார்ஜ் ஆக நீண்ட நேரம் எடுப்பது போன்ற பிரச்சினைகள் இருந்தால், புதிய ஃபோன் வாங்க வேண்டிய அவசியம் ஏற்படலாம்.

• உங்களுக்கு புகைப்படம் மற்றும் வீடியோ எடுப்பது பிடிக்கும் என்றால், உங்கள் ஃபோனில் நல்ல தரமான கேமரா இருப்பது அவசியம். பழைய ஃபோன்களில் கேமரா தரம் குறைவாக இருக்கும்.

• உங்கள் ஃபோனில் போதுமான மெமரி இல்லாவிட்டால், புதிய ஆப்ஸ்களை நிறுவவோ, புகைப்படங்கள் மற்றும் வீடியோக்களை சேமிக்கவோ முடியாது.

• உங்கள் ஃபோன் மிகவும் மெதுவாக செயல்பட்டால், அது பயன்படுத்த மிகவும் கடினமாக இருக்கும்.

• பழைய ஃபோன்களுக்கு பாதுகாப்பு புதுப்பிப்புகள் கிடைக்காமல் போகலாம். இதனால், உங்கள் தனிப்பட்ட தகவல்கள் பாதிக்கப்பட வாய்ப்புள்ளது.

இதுபோன்ற பிரச்சனைகளை நீங்கள் சந்திக்க நேர்ந்தால், புதிய ஸ்மார்ட்போன் வாங்குவது பற்றி யோசிக்கலாம். புதிய ஸ்மார்ட்போன் வாங்கும்போதும் சில விஷயங்களை கருத்தில் கொள்ள வேண்டும். அதாவது, நீங்கள் வாங்கப் போகும் ஸ்மார்ட் போனில் பட்ஜெட்டை முதலில் தீர்மானிப்பது முக்கியம். உங்களுக்கு என்னென்ன அம்சங்கள் தேவை என்பதை பட்டியலிடுங்கள். உதாரணமாக, நீங்கள் ஒரு நல்ல கேமரா, அதிக சேமிப்பு இடம் அல்லது நீண்ட பேட்டரி ஆயுள் கொண்ட ஃபோன் தேடலாம். அதற்கு ஏற்றவாறு ஸ்மார்ட்போனை தேர்ந்தெடுக்கவும். 

உங்கள் தற்போதைய ஃபோனை சரிசெய்ய முடியுமா என்பதை சரிபார்க்கவும். ஒருவேளை அதை சரி செய்து பயன்படுத்த முடியும் என்றால், புதிய ஸ்மார்ட்போன் வாங்க வேண்டாம். இணையத்தில் தற்போது சந்தையில் உள்ள புதிய மாடல்களை ஆராயுங்கள். அவற்றின் விலை, அம்சங்கள் மற்றும் விமர்சனங்களை ஒப்பிட்டுப் பாருங்கள்.

ஸ்மார்ட் ஃபோனை மாற்றுவது என்பது தனிப்பட்ட முடிவு. உங்கள் பட்ஜெட், தேவைகள் மற்றும் தற்போதைய ஃபோனின் நிலை ஆகியவற்றை கருத்தில் கொண்டு இந்த முடிவை எடுக்க வேண்டும். புதிய ஸ்மார்ட் ஃபோன் வாங்குவதற்கு முன், நன்கு ஆராய்ந்து, உங்களுக்கு ஏற்ற மாடலைத் தேர்வு செய்யவும். ஏனெனில், ஒரு ஸ்மார்ட்போனை குறைந்தது மூன்று ஆண்டுகளாவது பயன்படுத்துவது நல்லது.