இந்திய விமானப்படை தினத்தில் அவசியம் தெரிந்துகொள்ள வேண்டிய உண்மைகள்!

இந்திய விமானப்படை தினம் ஒவ்வொரு ஆண்டும் அக்டோபர்  8ம் நாள் இந்தியாவில் கொண்டாடப்படுகிறது. இன்றைய வான் படையானது, 1932ல் அக்டோபர் 8ம் நாளில், இந்திய பாதுகாப்புப் படையின் ஓர் அங்கமாக இந்தியா, ஆங்கிலேய ஆதிக்கத்தின் கீழ் இருந்தபோது உருவாக்கப்பட்டது. 1932ன் படி பிரிட்டனின் ராயல் விமானப்படையில் ஒரு பகுதியாக இந்திய விமானப்படை தோற்றுவிக்கப்பட்டது. தொடக்கத்தில் பிரிட்டனின் சீருடை மற்றும் முத்திரைகளையே நம் விமான படையினரும் பின்பற்றினர். இரண்டாம் உலகப்போரின்போது ஜப்பானிய, பர்மா படையை தடுத்து நிறுத்தியதில் இது முக்கியப் பங்கு வகித்தது.

இந்தியப் பாதுகாப்புப் படையில் ஒரு அங்கமாக இருந்த விமானப்படை, உலகின் நான்காவது பெரிய விமானப்படையாக உருப்பெற்றது. இதன் பெயர் 1950ம் ஆண்டில் இந்திய விமானப்படை என மாற்றப்பட்டது. இந்தியாவின் வான்வெளியை பாதுகாக்கும் இந்திய விமானப்படை வீரர்கள் தங்கள் அர்ப்பணிப்பு, துணிச்சல் மற்றும் தொழில் முறைக்காக இந்த நாளில் கௌரவிக்கப்படுகிறார்கள்.

நாட்டின் இறையாண்மையை பாதுகாப்பதில் இந்திய விமானப்படையின் திறமை மற்றும் அர்ப்பணிப்பை கொண்டாடுவதற்காக நாடு முழுவதும் வான்வழி காட்சிகள், அணிவகுப்புகள் மற்றும் விழாக்கள் நடத்தப்படுகின்றன.

இது இந்திய விமானப்படையில் பணியாற்றும் துணிச்சலான ஆண்கள் மற்றும் பெண்களுக்கும் நாட்டின் பாதுகாப்பில் அவர்களின் அசைக்க முடியாத அர்ப்பணிப்புக்கும் பொருத்தமான மரியாதை இதுவாகும். நாடு முழுவதும் உள்ள பல விமான தளங்களில் இந்திய விமானப்படை தினத்தின் ஆண்டு விழா ஒவ்வொரு ஆண்டும் அக்டோபர் 8ல் உற்சாகத்துடனும் மகிழ்ச்சியுடனும் நினைவு கூறப்படுகிறது. இந்திய விமானப்படை (IAF) (ISO) பாரதிய வாயு  சேனா என்பது இந்திய ஆயுதப் படைகளின் விமானப் படை ஆகும். இது இந்திய வான்வெளியைப் பாதுகாப்பதும் ஆயுத மோதல்களின்போது வான்வழி போரை நடத்துவதும் இதன் முதன்மை பணி ஆகும்.

விமானப்படை ஒரு குறிப்பிட்ட வடிவத்தை கொண்டுள்ளது. அதை அவர்கள் கண்டிப்பாகவும் மரபுப் படியும் பின்பற்றுகிறார்கள். பாதுகாப்பு மற்றும் சிவில் பணியாளர்களின் அனைத்து மட்டங்களிலும் அலங்காரம் செய்து பராமரிக்கப்படுகிறது.

விமானப்படை அணிவகுப்புடன் கொண்டாட்டம் தொடங்குகிறது. ஒரு இசை குழு இசைத்து அணிவகுப்பு தொடங்கும்போது ஒவ்வொரு விருந்தினரும் எழுந்து நின்று மரியாதை செலுத்துவர். சீருடையில் உள்ள ஒவ்வொரு அதிகாரியும் அணிவகுப்பை வழங்குவது வழக்கம். லெப்டினன்ட் 'நிஷான் டோலி'யை  கொடியை மைதானத்தின் மையத்தில் ஏந்திச் செல்கிறார். 'நிஷான் டோலி' என்பது இந்திய விமானப்படையின் சிறப்பு, நேர்மை, துணிச்சல் மற்றும் முழு அர்ப்பணிக்கும் சின்னமாகும்.

இந்தக் கொடி 1954ம் ஆண்டு ஏப்ரல் 1ம் தேதி இந்தியாவின் முதல் ஜனாதிபதி டாக்டர் ராஜேந்திர பிரசாத் அவர்களால் அக்கால லெப்டினென்டுக்கு வழங்கப்பட்டது. அன்றிலிருந்து இது உயரிய மரியாதை மற்றும் மதிப்பின் சின்னமாக அறியப்படுகிறது.

ஸ்கை டைவிங் என்பது இந்திய விமானப்படையை சேர்ந்த இரண்டு அணிகள் பங்கேற்கும் ஒரு வேடிக்கையான விளையாட்டாகும். ஆகாஷ் கங்கா அணி மற்றும் சூரிய கிரண் ஏரோபாட்டிக்ஸ் அணி ஸ்கை டைவிங் செய்கின்றன. பார்வையாளர்கள் உற்சாகத்துடன் எதிர்நோக்கும் பகுதி இது. இதில் பல்வேறு விமானங்கள் தங்கள் பறக்கும் திறமையை வெளிப்படுத்துகின்றன. முழு கொண்டாட்டத்தின் மிகவும் உற்சாகமான பகுதி இந்தக் கண்காட்சி.

பல்வேறு பணிகளில் பயன்படுத்தப்பட்ட விமானங்கள் மற்றும் ஹெலிகாப்டர்களும் இதில் காட்சிப்படுத்தப்படும். இந்திய மக்களுக்கு நாம் என்ன சாதித்துள்ளோம், நம்மால் என்ன செய்ய முடியும்? என்பதை காட்ட இந்த கண்காட்சி செய்யப்படுகிறது. நம் இந்திய விமானப்படைக்கு இந்த நாளில் ஒரு ராயல் சல்யூட் செய்வோம்.