ஸ்பெஷல்

உலக அளவில் அதிக மொழிகளில் மொழிபெயர்க்கப்பட்ட நூல்கள்!

செப்டம்பர் 30: பன்னாட்டு மொழிபெயர்ப்பு நாள்!
International Translation Day
International Translation Day
தேனி மு.சுப்பிரமணி
தேனி மு.சுப்பிரமணி

தேனி மு. சுப்பிரமணி தேனியில் சுயநிதிப் பொறியியல் கல்லூரி ஒன்றில் நிருவாக மேலாளர் மற்றும் செயலாளர் (கூடுதல் பொறுப்பு) நிலையில் பணியாற்றிய தேனி மு. சுப்பிரமணி, கல்லூரி நிருவாகத்துடன் ஏற்பட்ட கருத்து வேறுபாட்டால் அங்கிருந்து வெளியேறிய பின்பு, தமிழில் வெளியாகும் பல்வேறு இதழ்களில் எழுதி வருகிறார். ஆன்மிகம், கணினி, இணையம், கல்வி உள்ளிட்ட பல்வேறு துறைகளில் இரண்டாயிரத்துக்கும் அதிகமான கட்டுரைகளை எழுதியிருக்கிறார். இதுவரை இவர் எழுதிய பத்தொன்பது நூல்கள் வெளியாகியிருக்கின்றன. இவர் எழுதிய ‘தமிழ் விக்கிப்பீடியா’ எனும் நூலுக்குத் தமிழ்நாடு அரசின் தமிழ் வளர்ச்சித் துறையின் சிறந்த நூலுக்கான பரிசு கிடைத்திருக்கிறது என்பது இங்கு குறிப்பிடத்தக்கது. நடைமுறை வாழ்க்கையில் தூயதமிழைப் பயன்படுத்தி, தமிழ் மொழியின் வளர்ச்சிக்கும், பாதுகாப்பிற்கும் உறுதுணையாக இருக்கும் இவரைப் பாராட்டித் தமிழ்நாடு அரசின் செந்தமிழ்ச் சொற்பிறப்பியல் அகரமுதலித் திட்ட இயக்ககம் 2022 ஆம் ஆண்டுக்கான ‘தூயதமிழ்ப் பற்றாளர் விருது’ வழங்கிச் சிறப்பித்திருக்கிறது. தமிழ்நாடு அரசின் தமிழ் வளர்ச்சித் துறையினால் நடத்தப்பெற்று வரும் இளந்தமிழர் இலக்கியப் பட்டறை, ஆட்சி மொழிப் பயிலரங்கம், கருத்தரங்கம் உள்ளிட்ட நிகழ்வுகளிலும், தமிழ்நாட்டிலுள்ள பல்வேறு கல்லூரிகளில் நடத்தப்பெறும் பயிலரங்கம் மற்றும் கருத்தரங்கம் உள்ளிட்ட நிகழ்வுகளிலும் கலந்து கொண்டு ‘இணையத்தமிழ்’ தொடர்பாகப் பல்வேறு பயிற்சி வகுப்புகளை நடத்தி வருகிறார். தேனித் தமிழ்ச் சங்கத்தின் தலைவராக ஆறு ஆண்டுகளாகச் செயல்பட்டு வந்த இவர், தற்போது தேனித் தமிழ்ச் சங்கத்தின் செயலாளராகவும், சென்னை, சங்கம் தமிழ் அறக்கட்டளையின் செயலாளராகவும் செயல்பட்டு வருகிறார். முத்துக்கமலம் (www.muthukamalam.com) எனும் பெயரில் பன்னாட்டுத் தமிழ் மின்னிதழ் (ISSN: 2454 - 1990) ஒன்றினை 2006 ஆம் ஆண்டில் தொடங்கி, அதன் ஆசிரியராகத் தொடர்ந்து செயல்பட்டு வருகிறார். மாதமிருமுறை புதுப்பிக்கப்பட்டு வரும் முத்துக்கமலம் இணைய இதழ் குறித்து ஆய்வு செய்து இருவர் எம்.பில் பட்டங்களைப் பெற்றிருக்கின்றனர். ‘முத்துக்கமலம் இணைய இதழின் இலக்கியப் பணிகள்’ எனும் தலைப்பில் ஒருவர் மதுரை காமராசர் பல்கலைக்கழகத்தில் முனைவர் பட்டத்திற்கான (Ph.D) ஆய்வு மேற்கொண்டு வருகிறார் என்பதும் இங்கு குறிப்பிடத்தக்கது. பல்கலைக்கழக மானியக் குழுவின் தமிழ் மொழிக்கான ஆய்விதழ்களின் பட்டியலில் முத்துக்கமலம் இதழ் ஒரு ஆண்டு காலம் இடம் பெற்றிருந்தது என்பதும் இங்கு கவனிக்கத்தக்கது.

Updated on: 

பன்னாட்டு மொழிபெயர்ப்பு நாள் (International Translation Day) ஆண்டுதோறும் செப்டம்பர் 30 ஆம் நாள் கொண்டாடப்படும் ஒர் சிறப்பு நாளாகும். 1953 ஆம் ஆண்டில் நிறுவப்பட்ட 'பன்னாட்டு மொழிபெயர்ப்பாளர்களின் கூட்டமைப்பு' எனும் அமைப்பு, 1991 ஆம் ஆண்டில், பல்வேறு நாடுகளிலும் மொழிபெயர்ப்புத் துறையில் ஈடுபட்டுள்ளோர் தம் ஒருமைப்பாட்டைக் காட்டும் முகமாக, விவிலிய மொழிபெயர்ப்பாளர் புனித ஜெரோமின் (கிபி 347 முதல் 420) நினைவு நாளான செப்டம்பர் 30 ஆம் நாளை பன்னாட்டு மொழிபெயர்ப்பு நாளாகக் கொண்டாட வேண்டுமென்று வேண்டுகோள் வைத்தது. அதனைத் தொடர்ந்து, செப்டம்பர் 30 ஆம் நாள் பன்னாட்டு மொழிபெயர்ப்பு நாளாகக் கொண்டாடப்பட்டு வருகிறது.

மொழியாக்கம் அல்லது மொழிபெயர்ப்பு (Translation) என்பது மூல மொழியில் (Source Language) உள்ள சொல் அல்லது சொற்றொடர்களை (ஒரு விடயத்தை எந்தவொரு மேலதிகமான உட்சேர்த்தலுமின்றி), பொருள் மாறாமல் மற்றொரு மொழிச் சொற்களை கொண்டு இலக்கு மொழியில் (Target Language) அறியத் தருதல் ஆகும். இங்கு மேலதிகமான உட்சேர்த்தல் என்பதாவது, மூல மொழியில் குறிப்பிடப்பட்ட விடயத்திற்கு மேலதிகமாக இலக்கு மொழியில் இணைத்தல் என்பதாகவேப் பொருள்படும். மாறாக தெளிவாக்கல் என்பது எழுத்துக்கு முந்தையதாக, பேச்சை வேறு மொழியில் தருவதாகும். மொழியாக்கம் எழுதப்பட்ட இலக்கியத்தை அடுத்தே உருவானது; சுமேரியர்களின் கில்கமெசு காப்பியத்தை (கி.மு. 2000 வில்) தென்மேற்கு ஆசிய மொழிகளில் பகுதியாக மொழிபெயர்க்கப்பட்டது.

மொழிபெயர்ப்பாளர்கள் மூலமொழியில் உள்ள மரபுத்தொடர்களையும் பயன்பாட்டு பாணிகளையும் மாற்றுமொழி ஆக்கத்தில் புழங்கும் தீவாய்ப்பு உள்ளது. அதே நேரம் இத்தகைய இறக்குமதிகளால் இலக்குமொழி வளப்படுத்தப்பட்டுள்ள நிகழ்வுகளும் உள்ளன. மொழிபெயர்ப்பாளர்களால் பல மொழிகள் மேம்படுத்தப்பட்டுள்ளன. தொழிற்புரட்சிக்குப் பிறகு, வணிக ஆவணங்களின் தேவைக்காக 18 வது நூற்றாண்டின் நடுவிலிருந்து சில மொழிபெயர்ப்பு கூறுகள் முறையான வடிவில் அமைக்கப்பட வேண்டுமென்று கருதப்பட்டு, மொழிபெயர்ப்பு குறித்து தனிப்பட்ட பள்ளிகளிலும் தொழில்முறைச் சங்கங்களிலும் கற்பிக்கப்பட்டன.

இதையும் படியுங்கள்:
World Rabies Day - வீட்டில் வளர்க்கும் நாய்க்கும் தடுப்பூசி போட வேண்டும்!
International Translation Day

உலகிலேயே அதிக அளவில் மொழிபெயர்க்கப்பட்ட நூலாக, பைபிள் இருக்கிறது. ஹீப்ரு, அராமிக், கொயின், கிரேக்கம் ஆகிய மொழிகளிலிருந்து 'பைபிள்' அதிக அளவாக, 3,384 மொழிகளில் மொழிபெயர்க்கப்பட்டுள்ளன. அதனைத் தொடர்ந்து பிரெஞ்ச் மொழியிலான 'தி லிட்டில் பிரான்ஸ்' 579 மொழிகளிலும், இத்தாலிய மொழியிலான கார்லோ கொலோடி என்பவர் எழுதிய 'பினோச்சியோவின் சாகசங்கள்' 260 மொழிகளிலும், சீன மொழியில் லாவோசி என்பவர் எழுதிய 'தாவோ டி ஜிங்' 250 மொழிகளிலும், ஆங்கில மொழியில் ஜான் பன்யன் என்பவர் எழுதிய 'பயணத்தின் முன்னேற்றம்' 200 மொழிகளிலும், ஜெர்மன் மொழியில் கார்ல் மார்க்ஸ் மற்றும் பிரடெரிக் ஏங்கெல்ஸ் எழுதிய 'கம்யூனிஸ்ட் அறிக்கை' 200 மொழிகளிலும், ஆங்கில மொழியில் லூயிஸ் கரோல் என்பவர் எழுதிய 'வொண்டர்லேண்டில் ஆலிஸின் சாகசங்கள்' 174 மொழிகளிலும், ஜெர்மன் மொழியில் ஜேக்கப் மற்றும் வில்ஹெல்ம் கிரிம் ஆகியோரால் எழுதப் பெற்ற 'கிரிம்ஸ் பேரி டேல்ஸ்' 170 மொழிகளிலும், ஆங்கில மொழியில் எலன் ஜி வைட் என்பவர் எழுதிய 'கிறிஸ்துவுக்குப் படிகள்' 160 மொழிகளிலும், ஸ்பானிஷ் மொழியில் மிக்வேல் டி செர்வ்ண்டஸ் சவேத்ரா எழுதிய 'டான் குயிக்சோட்' 140 மொழிகளிலும் மொழிபெயர்க்கப்பட்டு, உலகில் அதிக மொழிகளில் மொழிபெயர்ப்பு செய்யப்பட்ட பட்டியலில் முதல் 10 இடங்களுக்குள் இருக்கின்றன. இப்பட்டியலில் திருவள்ளுவர் எழுதிய 'திருக்குறள்' 57 மொழிகளில் மொழிபெயர்க்கப்பட்டு, உலக அளவில் அதிக மொழிகளில் மொழிபெயர்ப்பு செய்யப்பட்ட நூல்களின் பட்டியலில் 36வது இடத்தில் இருக்கிறது.

தமிழ்நாடு அரசின் தமிழ் வளர்ச்சித் துறை, மொழிபெயர்ப்பினை ஊக்குவிக்கும் வகையில், தரமான பிறமொழிப் படைப்புகளைச் சிறந்த முறையில் தமிழாக்கம் செய்யும் 10 மொழி பெயர்ப்பாளர்களுக்கு ஆண்டுதோறும் மொழிபெயர்ப்பாளர் விருது வழங்கி வருகிறது. 2015 ஆம் ஆண்டு முதல் வழங்கப்பட்டு வரும் இந்த விருதுக்குத் தேர்வு செய்யப்படுபவர்களுக்கு விருதுத் தொகையாக இரண்டு இலட்சம் ரூபாய், தகுதியுரை, பொன்னாடை போன்றவை வழங்கிச் சிறப்பிக்கப்படுகிறது என்பது இங்கு கவனிக்கத்தக்கது.

languages
logo
Kalki Online
kalkionline.com