IPL 2026: சேப்பாக்கத்தில் சிஎஸ்கே அதிரடி! மும்பையை வீழ்த்தி சென்னை மாஸ் வெற்றி..!

19-வது ஐபில் கிரிக்கெட் திருவிழாவில் இந்தியாவின் பல்வேறு நகரங்களில் நடைபெற்று வருகிறது.

சென்னை சேப்பாக்கம் மைதானத்தில் இன்று நடைபெறும் 44-வது லீக் போட்டியில் 5 முறை சாம்பியனான சென்னை சூப்பர் கிங்ஸ், மும்பை இந்தியன்ஸ் அணிகள் பலப்பரீட்டை நடத்துகின்றன.

சென்னை அணி 8 ஆட்டங்களில் ஆடி 3 வெற்றி, 5 தோல்வியுடன் பரிதாப நிலையில் தள்ளாகிறது.

மும்பை அணி 8 ஆட்டங்களில் ஆடி 2 வெற்றி, 6 தோல்வியுடன் 9-வது இடத்தில் தவிக்கிறது.

சமபலம் வாய்ந்த அணிகள் இன்று கோதாவில் குதித்துள்ளதால் இன்றைய ஆட்டம் ரசிகர்களுக்கு விருந்து படைக்கும் என்பதில் துளியும் சந்தேகம் இல்லை.

இவ்விரு அணிகளும் இதுவரை 40 முறை நேருக்கு நேர் மோதி இருக்கின்றன. இதில் 21-ல் மும்பையும், 19-ல் சென்னையும் வெற்றி பெற்றுள்ளன. சேப்பாக்கத்தில் 9 முறை மோதியதில் அதிலும் மும்பையின் கையே சற்று ஓங்கி (5-4) நிற்கிறது.

இந்நிலையில் இன்றைய போட்டிக்கான டாஸ் சுண்டப்பட்டதில் மும்பை அணி டாஸ் வென்று பேட்டிங் தேர்வு செய்துள்ளார். அதனை தொடர்ந்து முதலில் பேட்டிங் செய்ய களத்தில் இறங்கிய மும்பை அணி 20 ஓவர் முடிவில், 7 விக்கெட்டுகள் இழப்பிற்கு 159 ரன்களை குவித்தது.

அதனை தொடர்ந்து 160 ரன்கள் எடுத்தால் வெற்றி என்ற இலக்குடன் களத்தில் இறங்கிய சென்னை அணி அதிரடியாக விளையாடி 8 விக்கெட்டுகள் வித்தியாசத்தில் வெற்றி பெற்றது.

இதன் மூலம் சென்னை அணி தனது 4-வது வெற்றியை பதிவு செய்துள்ளது.