ஐபிஎல் 2026: ஆரம்பம் முதல் இறுதி வரை பரபரப்பு... ராஜஸ்தானை வீழ்த்தி டெல்லி அணி அபார வெற்றி..!

ஐபிஎல் போட்டியில் இன்று இரண்டு லீக் போட்டிகள் நடக்கின்றன. இன்று டெல்லி அருண் ஜெட்லி மைதானத்தில் நடைபெறும் 62-வது லீக் போட்டியில் டெல்லி கேப்பிட்டல்ஸ் அணி, முன்னாள் சாம்பியனான ராஜஸ்தான் ராயல்சை எதிர்க்கொள்கிறது.

டெல்லி அணி 12 ஆட்டங்களில் ஆடி 5 வெற்றி, 7 தோல்வியுடன் 10 புள்ளிகளை பெற்றுள்ளது.

ராஜஸ்தான் அணி 11 ஆட்டங்களில் ஆடி 6 வெற்றி, 5 தோல்வி கண்டு 12 புள்ளிகளை பெற்றுள்ளது.

இவ்விரு அணிகளும் இதுவரை 31 முறை நேருக்கு நேர் சந்தித்துள்ளன. இதில் 16-ல் டெல்லியும், 15-ல் ராஜஸ்தானும் வென்றுள்ளன.

இந்நிலையில் இன்றைய போட்டிக்கான டாஸ் வென்ற டெல்லி அணி பந்துவீச்சை தேர்வுசெய்தது. அதன்படி முதலில் பேட்டிங் செய்ய களத்தில் இறங்கிய ராஜஸ்தான் அணி 20 ஓவர் முடிவில், 8 விக்கெட்டுகள் இழப்பிற்கு 193 ரன்களை குவித்தது.

அதனை தொடர்ந்து 194 ரன்கள் எடுத்தால் வெற்றி என்ற இலக்குடன் களத்தில் இறங்கிய டெல்லி அணி ஆரம்பம் முதலே அதிரடியாக விளையாடி இறுதியில் 5 விக்கெட்டுகள் வித்தியாசத்தில் வெற்றி பெற்றது.

இதன் மூலம் டெல்லி அணி 6-வது வெற்றியை பதிவு செய்தது.