கிரிக்கெட்டில் நெல்சன்!

கிரிக்கெட் ஆட்டத்தில் சில வினோத வழக்கங்கள் இணைந்துள்ளன. அவற்றில் ஒன்று நெல்சன். அதை பற்றி பார்ப்போம்.

• கிரிக்கெட் ஆட்டத்தில் அணியோ அல்லது அணி வீரரோ சேர்ந்தார் போல் மூன்று ஒரே எண்ணை எடுத்தால் 'நெல்சன்' என்ற அடை மொழியில் கூறுவது வழக்கம். உதாரணமாக 111, 222, 333  ரன்கள் இவற்றை குறிப்பிடுவது.

• நெல்சன் என்ற சொல் கிரிக்கெட்டில் அட்மிரல் நெல்சன் குறித்து வந்ததாக ஒரு வதந்தி உலா வருகின்றது.

• 111 எண்ணை குறிப்பிடுவதற்கு நெல்சன் என்று அழைக்க நாளடைவில் அதுவே நிலைத்து விட்டது.

• 111 எண் அதிர்ஷ்டம்  இல்லாதது என்று கருதும்  ரசிகர்கள் அந்த ஸ்கோர், ஸ்கோர் போர்ட்டில் தோன்றும் தருணத்தில் ஒரு காலை தூக்கி வைத்துக் கொண்டு சிறிது நேரத்திற்கு பிறகு தரையியில் வைத்து தங்களுடைய எண்ணங்களை வெளிப்படுத்துவதை பின் பற்றி வருகின்றனர்.

• அதே 111 எண் ஏஞ்சல் எண்ணாகவும் அதை உயர்வாக கொண்டாடுபவர்களும் இருக்கின்றனர்.

• இங்கிலாந்தை சார்ந்த புகழ் பெற்ற டெஸ்ட் அம்பயர்  டேவிட் ஷெப்பர்ட், அணி ஸ்கோர் அல்லது தனிப்பட்ட வீரரின் ஸ்கோர் நெல்சன் எண்ணை தொடும் தருணத்தில் தனது ஒரு காலை தூக்குவதை மறக்காமல் செய்து வந்தார் அவர் நடுவராக பங்கு பெற்ற ஆட்டங்களில்.

• அவர்  பெயர் ஷேபர்ட்.

• இங்கிலாந்தின் முன்னாள் கேப்டன் கிராஹாம் கூச்  மற்றும் மேற்கு இந்திய தீவுகளின் கிறிஸ் கெல் இருவர் மட்டும் தான் தனிப்பட்ட முறையில்  333 ரன்கள் குவித்த வீரர்கள் ஆவார்கள்.

• இது வரையில் பல  இரட்டை சதங்கள் எடுக்கப் பட்டுள்ள டெஸ்ட் கிரிக்கெட் சரித்திரத்தில் 5 வீரர்கள் மட்டும் 222 ரன்கள் அடித்துள்ளனர்.

• அவர்கள் ஜி ஆர் விஸ்வநாத், ராகுல் ட்ராவிட்,  நாதன்  அஸ்டில், கே சங்கக்காரா, ஜாக் ருடோல்ப்.

• சுனில் கவாஸ்கர் ஒரு முறை 111 ரன்கள் எடுத்துள்ளார்.

• 11.11.2011 அன்று ஒரு வினோத நிகழ்வு நடந்தேறியது. தென் ஆப்ரிக்கா மேட்ச்சில் மணி 11.11 க்கு தென் ஆப்பிரிக்கா அணி வெற்றி பெற தேவையான ரன்கள் 111. ஸ்கோர் போர்ட் அந்த நிமிடத்தில் காட்சி அளித்தது 11:11 11/11/11

• இந்த மேட்ச்சில் ஒரு அம்பயர் இயன் கௌல்ட்  அந்த தருணத்தில் நெல்சன் புகழ் அம்பயர்  டேவிட் ஷெப்பர்ட் ஸ்டைலில் ஒரு காலை தூக்கி, அவரை நினைவு படுத்தினார். மைதானத்தில் ஆட்டத்தை பார்க்க குழுமியிருந்த ரசிகர்கள் இந்த அரிய தருணத்தை மகிழ்ந்து ரசித்தனர்.

• இன்றும் கிரிக்கெட் ஆட்டங்களில் ஒரே மாதிரியான எண்கள் கொண்ட ரன்கள் வந்தால் கூடியிருக்கும் ரசிகர்கள் 'நெல்சன்' 'நெல்சன்' என்று உரக்க கூறுவதை பார்க்கலாம், கேட்கலாம்.