கபில்தேவின் வாழ்நாள் சாதனையை முறியடித்த ஜஸ்பிரித் பும்ரா

SENA நாடுகளில் இந்திய முன்னாள் கேப்டன் கபில்தேவ் 7 முறை 5 விக்கெட்டுகளை வீழ்த்தியிருந்தார். தற்போது கபில்தேவுக்குப் பிறகு, வெளிநாடுகளில் 8 முறை 5 விக்கெட்டுகளுக்கு மேல் வீழ்த்திய இந்தியாவின் இரண்டாவது வேகப்பந்து வீச்சாளர் என்ற பெருமையை ஜஸ்பிரித் பும்ரா பெற்றுள்ளார்.

கபில் தேவின் சாதனையை சமன் செய்த பும்ரா மறுபுறம், மிகக் குறைந்த நேரத்தில் இந்த சாதனையை நிகழ்த்தியதன் மூலம் கபில் தேவின் வாழ்நாள் சாதனையையும் முறியடித்துள்ளார்.

இதற்கு முன் SENA நாடுகளில் இந்திய முன்னாள் வீரர் ஷாகீர் கான் 6 முறை 5 விக்கெட்டுகளையும், இந்திய முன்னாள் பி சந்திரசேகர் 6 முறை 5 விக்கெட்டுகளையும் வீழ்த்தியிருந்தனர்.

பும்ரா இப்போது வெளிநாடுகளில் 27 டெஸ்ட் போட்டிகளில் 22.55 சராசரியில் 118 விக்கெட்டுகளை எடுத்துள்ளார். அவரது சிறந்த செயல்திறன் 6/33 ஆகும். ஏழு முறை ஐந்து விக்கெட்டுகளை வீழ்த்தி கபிலின் சாதனையை சமன் செய்துள்ளார்.

பும்ரா இந்த சாதனையை வெறும் 51 இன்னிங்ஸ்களிலும், கபில்தேவ் 62 இன்னிங்ஸ்களிலும் எடுத்துள்ளார்.

ஆஸ்திரேலியாவுக்கு எதிராக 5 போட்டிகள் கொண்ட டெஸ்ட் கிரிக்கெட் தொடரில் இந்தியா விளையாடி வருகிறது. பிரிஸ்பேனில் உள்ள கபாவில் ஆஸ்திரேலியாவுக்கு எதிரான மூன்றாவது டெஸ்ட் போட்டியின் 2-வது நாளில் இந்திய வேகப்பந்து வீச்சாளர் பும்ரா தனது முழுமையான சிறந்த ஆட்டத்தை வெளிப்படுத்தினார். இந்திய வேகப்பந்து வீச்சாளர் பும்ரா 72 ரன் விட்டுக்கொடுத்து 5 விக்கெட்டுகளை சாய்த்தார்.

டெஸ்ட் இன்னிங்சில் அவர் 5 விக்கெட் எடுப்பது இது 12வது முறையாகும். அதே சமயம் ஆசிய கண்டத்துக்கு வெளியே அவர் இன்னிங்சில் 5 விக்கெட் வீழ்த்துவது இது 10வது நிகழ்வாகும்.

அந்த தொடரின் முதல் போட்டியில் 8 விக்கெட்டுகள் எடுத்த பும்ரா 295 ரன்கள் வித்தியாசத்தில் இந்தியாவை வெற்றி பெற வைத்து ஆட்டநாயகன் விருது வென்றார். ஆனால் இரண்டாவது போட்டியில் ரோஹித் தலைமையில் மோசமாக விளையாடிய இந்திய அணியை வீழ்த்திய ஆஸ்திரேலியா தொடரை சமன் செய்தது.

இது டெஸ்ட் கிரிக்கெட்டில் பும்ராவின் 12வது 5 விக்கெட்டுகள் மற்றும் SENA நாடுகளில் (தென்னாப்பிரிக்கா, இங்கிலாந்து, நியூசிலாந்து மற்றும் ஆஸ்திரேலியா) அவரது 8வது 5 விக்கெட்டுகள் ஆகும். அவ்வாறு செய்த முதல் இந்தியர் என்ற பெருமையை அவர் பெற்றுள்ளார்.

பும்ரா ஜோகன்னஸ்பர்க், மெல்போர்ன், நாட்டிங்ஹாம், நார்த் சவுண்ட், கிங்ஸ்டன், கேப் டவுன், பெங்களூர், விசாகப்பட்டினம் மற்றும் பெர்த் ஆகிய இடங்களில் ஐந்து விக்கெட்டுகளை வீழ்த்தி, எல்லா நிலைகளிலும் அவரை ஒரு அற்புதமான சிறந்த பந்துவீச்சாளராக மாற்றியுள்ளார்.

பும்ரா டெஸ்ட் கிரிக்கெட்டில் 5 விக்கெட்டுகள் கைப்பற்றுவது இது 12வது முறையாகும். ஆஸ்திரேலியாவுக்கு எதிராக 2வது முறை என்பது குறிப்பிடத்தக்கது.

இந்தியன் பிரீமியர் லீக் தொடரில் மும்பை இந்தியன்ஸ் அணிக்காக பும்ரா விளையாடி வருகிறார். மேலும் குஜராத் மாநில அணிக்காக உள்ளூர் போட்டிகளில் விளையாடி வருகிறார். ஐசிசி தரவரிசையில் முதல் இடம் பெற்ற முதல் இந்திய வேகப்பந்து வீச்சாளர் எனும் சாதனை படைத்துள்ளார் என்பது குறிப்பிடத்தக்கது.