பச்சை திராட்சை சாப்பிடுவதன் 7 நன்மைகள்!

உங்களுக்கு பச்சை திராட்சை ரொம்ப பிடிக்குமா? ஆனால் கடைசியாக அதை எப்போது சாப்பிட்டீர்கள்? ப்ளீஸ் இனி இதை அடிக்கடி சாப்பிடுங்க. வைட்டமின்கள், தாதுக்கள் மற்றும் ஆன்டிஆக்ஸிடன்ட்கள் நிறைந்த பச்சை திராட்சை, நமது உடலுக்கு பல்வேறு வழிகளில் நன்மை பயக்கிறது. குறிப்பாக, குளிர்காலத்தில் இவற்றை உட்கொள்வது மிகவும் நல்லது. பச்சை திராட்சை சாப்பிடுவதால் கிடைக்கும் 7 முக்கிய நன்மைகளை இங்கு விரிவாகப் பார்க்கலாம்.

1. நோய் எதிர்ப்பு சக்தியை அதிகரிக்கிறது:

பச்சை திராட்சையில் வைட்டமின் சி அதிக அளவில் உள்ளது. இது உடலின் நோய் எதிர்ப்பு சக்தியை வலுப்படுத்த உதவுகிறது. குளிர்காலத்தில் ஏற்படும் சளி, காய்ச்சல் போன்ற நோய்களை எதிர்த்துப் போராடவும், உடல் சோர்வை நீக்கவும் இது உதவுகிறது. வைட்டமின் சி ஒரு சிறந்த ஆன்டிஆக்ஸிடன்ட் ஆக செயல்பட்டு, உடலை தீங்கு விளைவிக்கும் கிருமிகளிடமிருந்து பாதுகாக்கிறது.

2. இரத்த உறைதலைக் கட்டுப்படுத்துகிறது:

பச்சை திராட்சையில் வைட்டமின் கே நிறைந்துள்ளது. இது இரத்த உறைதலுக்கு அவசியமான ஒரு ஊட்டச்சத்து ஆகும். காயங்கள் ஏற்படும்போது இரத்தம் உறைந்து இரத்தப்போக்கு கட்டுப்படுத்த வைட்டமின் கே உதவுகிறது. மேலும், இது எலும்புகளின் ஆரோக்கியத்திற்கும் முக்கிய பங்காற்றுகிறது.

3. புற்றுநோயை எதிர்த்துப் போராடும் ஆன்டிஆக்ஸிடன்ட்கள்:

பச்சை திராட்சையில் பிளாவனாய்டுகள் போன்ற ஆன்டிஆக்ஸிடன்ட்கள் அதிக அளவில் உள்ளன. இவை உடலில் உள்ள ஃப்ரீ ரேடிக்கல்களை நடுநிலையாக்கி, செல்களுக்கு ஏற்படும் சேதத்தைத் தடுக்கின்றன. இதன் மூலம் புற்றுநோய் மற்றும் பிற நாள்பட்ட நோய்களின் அபாயத்தைக் குறைக்க முடியும். 

4. எடை இழப்புக்கு உதவுகிறது:

நார்ச்சத்து மற்றும் நீர்ச்சத்து பச்சை திராட்சையில் அதிகம் உள்ளது. மேலும் கலோரிகள் குறைவாக இருப்பதால், எடை குறைக்க விரும்புவோருக்கு இது ஒரு சிறந்த உணவு. நார்ச்சத்து செரிமானத்தை மேம்படுத்துகிறது மற்றும் நீண்ட நேரம் வயிறு நிறைந்த உணர்வைத் தருகிறது. 

5. சரும ஆரோக்கியத்தை மேம்படுத்துகிறது:

பச்சை திராட்சையில் உள்ள வைட்டமின் சி மற்றும் ஆன்டிஆக்ஸிடன்ட்கள் சருமத்திற்கு புத்துணர்ச்சி அளிக்க உதவுகின்றன. அவை ஃப்ரீ ரேடிக்கல்கள் மற்றும் புற ஊதா கதிர்வீச்சிலிருந்து சருமத்தைப் பாதுகாத்து, இளமையான தோற்றத்தைப் பராமரிக்க உதவுகின்றன. மேலும், சருமத்தில் ஏற்படும் சுருக்கங்கள் மற்றும் கரும்புள்ளிகளை குறைக்கவும் இது உதவுகிறது.

6. கல்லீரல் ஆரோக்கியத்தை பாதுகாக்கிறது:

சமீபத்திய ஆய்வுகள், பச்சை திராட்சை கல்லீரல் ஆரோக்கியத்திற்கும் நன்மை பயக்கும் என்று கூறுகின்றன. குறிப்பாக, திராட்சை தோல் மற்றும் விதைகளில் உள்ள சில கலவைகள், கல்லீரல் பிரச்சனைகளின் அறிகுறிகளைக் குறைக்க உதவும் என்று கண்டறியப்பட்டுள்ளது.

7. இதய ஆரோக்கியத்திற்கு நல்லது:

பச்சை திராட்சையில் உள்ள பொட்டாசியம் இரத்த அழுத்தத்தைக் கட்டுப்படுத்த உதவுகிறது. மேலும், ஆன்டிஆக்ஸிடன்ட்கள் இதய நோய்களின் அபாயத்தைக் குறைக்கின்றன. இது இதய தசைகளை வலுப்படுத்தி, இரத்த ஓட்டத்தை சீராக்குகிறது.

ஆகவே, பச்சை திராட்சையை உங்கள் உணவில் சேர்த்துக்கொள்வதன் மூலம், மேலே கூறப்பட்ட பல்வேறு ஆரோக்கிய நன்மைகளைப் பெறலாம்.