டிராகன் பழம்: பெண்களுக்கு ஒரு சூப்பர்ஃபுட்... 7 முக்கியக் காரணங்கள்!

டிராகன் பழம், ஏராளமான ஊட்டச்சத்துக்களைக் கொண்டுள்ளது. குறிப்பாகப் பெண்களுக்கு, இது ஒரு அற்புதமான சூப்பர்ஃபுட் என்று ஊட்டச்சத்து நிபுணர்களால் பரிந்துரைக்கப்படுகிறது. வைட்டமின்கள், தாதுக்கள் மற்றும் ஆண்டிஆக்ஸிடன்ட்கள் நிறைந்த டிராகன் பழம், பெண்களின் பல்வேறு உடல்நலத் தேவைகளைப் பூர்த்தி செய்து, ஒட்டுமொத்த ஆரோக்கியத்தை மேம்படுத்தும் திறன் கொண்டது. டிராகன் பழம் பெண்களுக்கு ஏன் மிகவும் நல்லது என்பதற்கான 7 முக்கியக் காரணங்களைத் தெரிந்து கொள்வோம் வாங்க. 

1. பெண்களுக்கு இரும்புச்சத்து ஒரு அத்தியாவசியத் தாது. மாதவிடாய் காலங்களில் ஏற்படும் இரத்த இழப்பு காரணமாக, பெண்களுக்கு இரும்புச்சத்து குறைபாடு ஏற்படும் வாய்ப்பு அதிகம். டிராகன் பழத்தில் கணிசமான அளவு இரும்புச்சத்து உள்ளது, இது இரத்த சோகையைத் தடுக்கவும், இரத்த சிவப்பணுக்கள் உற்பத்தியை அதிகரிக்கவும் உதவும்.

2. டிராகன் பழத்தில் மெக்னீசியம் மற்றும் கால்சியம் போன்ற தாதுக்கள் உள்ளன. இவை வலுவான எலும்புகள் மற்றும் பற்களுக்கு அவசியம். குறிப்பாக மெனோபாஸ் நிலையை அடையும் பெண்களுக்கு ஆஸ்டியோபோரோசிஸ் (Osteoporosis) ஏற்படும் அபாயம் உள்ளதால், எலும்பு அடர்த்தியைப் பராமரிக்க மெக்னீசியம் முக்கியப் பங்காற்றுகிறது.

3. இதில் நார்ச்சத்து அதிகம் உள்ளது. நார்ச்சத்து செரிமான மண்டலத்தைச் சீராகச் செயல்பட வைத்து, மலச்சிக்கல் மற்றும் வீக்கம் போன்ற பிரச்சனைகளைக் குறைக்கும். ஆரோக்கியமான செரிமான மண்டலம், ஊட்டச்சத்துக்களை உறிஞ்சுவதற்கும், குடல் ஆரோக்கியத்தைப் பராமரிப்பதற்கும் மிகவும் முக்கியம்.

4. டிராகன் பழத்தில் வைட்டமின் சி நிறைந்துள்ளது, இது நோய் எதிர்ப்பு மண்டலத்தை வலுப்படுத்த உதவும் ஒரு சக்திவாய்ந்த ஆண்டிஆக்ஸிடன்ட் ஆகும். வலுவான நோய் எதிர்ப்பு சக்தி, நோய்த்தொற்றுகள் மற்றும் பொதுவான நோய்களில் இருந்து உடலைப் பாதுகாக்கும்.

5. இதில் உள்ள ஆண்டிஆக்ஸிடன்ட்கள், ஃப்ரீ ரேடிக்கல்களால் ஏற்படும் சரும செல்கள் சேதத்தைத் தடுக்க உதவும். இது சருமத்தை இளமையாகவும், பளபளப்பாகவும் வைத்திருக்க உதவும். வைட்டமின் சி கொலாஜன் உற்பத்திக்கும் அவசியம், இது சருமத்தின் நெகிழ்ச்சித்தன்மையை அதிகரிக்கும்.

6. டிராகன் பழத்தில் ஃபோலேட் (Folate) உள்ளது, இது கர்ப்பிணிப் பெண்களுக்கு அத்தியாவசியமான ஒரு ஊட்டச்சத்து. குழந்தையின் மூளை மற்றும் தண்டுவட வளர்ச்சிக்கு ஃபோலேட் முக்கியம். இதில் உள்ள இரும்புச்சத்து கர்ப்ப காலத்தில் ஏற்படும் இரத்த சோகையைத் தடுக்கவும் உதவும்.

7. கலோரிகள் குறைவாகவும், நார்ச்சத்து அதிகமாகவும் இருப்பதால், டிராகன் பழம் எடைக் குறைப்பு முயற்சிக்கு ஒரு சிறந்த துணை. நார்ச்சத்து வயிறு நிறைந்த உணர்வைத் தந்து, தேவையற்ற உணவு உட்கொள்வதைத் தடுக்கும்.

டிராகன் பழம், பெண்களுக்கு ஒரு வரப்பிரசாதம். இதை உங்கள் தினசரி உணவில் சேர்த்துக்கொள்வதன் மூலம், மேற்கண்ட அனைத்துப் பலன்களையும் பெறலாம். பழக்கடைகளில் எளிதில் கிடைக்கும் இந்த அழகிய பழத்தை உங்கள் உணவுப் பட்டியலில் சேர்த்து, ஆரோக்கியமான வாழ்க்கையை வாழுங்கள்.

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)