செரிமானத்திற்கு உகந்த சிறப்பான 8 வகை உணவுகள்!

தீபாவளி பண்டிகை சமயத்தில் எண்ணெய் பலகாரங்கள் மற்றும் இனிப்பு வகைகளை அதிகம் உண்டுவிட்டால் பலருக்கும் செரிமானப் பிரச்னைகளை ஏற்படுத்தி விடும். இந்தப் பதிவில் கொடுக்கப்பட்டுள்ள 8 வகை உணவுகளை எடுத்துக் கொண்டால் செரிமானம் நன்றாக நடக்கும்.

1. இஞ்சி: தினமும் உணவில் இஞ்சி ஒரு துண்டாவது சேர்த்து வர வேண்டும். இது குமட்டல் மற்றும் வீக்கத்தை குறைக்க உதவுகிறது. செரிமான நொதிகளின் உற்பத்தி அதிகரிப்பதன் மூலம் செரிமானத்தைத் தூண்டுகிறது. குடல் இயக்கம் நன்றாக நடைபெற உணவில் தினமும் இஞ்சியை அவசியம் சேர்த்துக் கொள்ள வேண்டும். இஞ்சி டீ குடிப்பது மற்றும் சட்னி அல்லது குழம்பிலும் சேர்த்துக் கொள்ளலாம்.

2. தயிர்: தயிர் குடல் நுண்ணுயிரிகளின் ஆரோக்கியமான சமநிலையை பராமரிக்க உதவும். நன்மை பயக்கும் பாக்டீரியாக்களான ப்ரோபயாடிக் இதில் நிறைந்துள்ளன. இதில் உள்ள லாக்டோஸ் சகிப்புத் தன்மையின் அறிகுறிகளை குறைக்கவும் ஒட்டுமொத்த செரிமான ஆரோக்கியத்தை மேம்படுத்தவும் உதவும். உடல் ஊட்டச்சத்துக்களை உறிஞ்சுவதை தயிர் மேம்படுத்துகிறது. மேலும், நோய் எதிர்ப்பு செயல்பாட்டையும் நன்றாக ஆதரிக்கிறது. எனவே, தயிரை தினமும் உணவில் சேர்த்துக்கொள்ள வேண்டும்.

3. ஓட்ஸ்: இதில் கரையக்கூடிய நார்ச்சத்துக்கள் உள்ளன. அதனால் இது செரிமானத்திற்கு சிறந்ததாகக் கருதப்படுகிறது. வழக்கமான குடல் இயக்கங்களை பராமரிக்க உதவுகிறது. இது உடலின் கொலஸ்ட்ரால் அளவைக் குறைக்கவும் இரத்த சர்க்கரையை உறுதிப்படுத்தவும் உதவுகிறது. இது நிறைவான உணர்வை ஊக்குவிக்கிறது. ஓட்ஸை அடிக்கடி உணவில் சேர்த்துக் கொண்டால் ஆரோக்கியமான எடை மேலாண்மைக்கு உதவும்.

4. பப்பாளி: இதில் புரதங்களை உடைத்து செரிமானத்தை மேம்படுத்த உதவும் பாப்பைன் என்சைம் உள்ளது. இதில் நார்ச்சத்து அதிகம். எனவே, ஆரோக்கியமான குடல் இயக்கத்தை ஆதரிக்கிறது மற்றும் மலச்சிக்கலை தடுக்கிறது. இதில் ஒட்டுமொத்த குடல் ஆரோக்கியத்திற்கும் நன்மை பயக்கும் வைட்டமின்கள், தாதுக்கள் மற்றும் ஆக்சிஜனேற்றங்கள் உள்ளன.

5. கோஸ், காலிஃப்ளவர் மற்றும் கீரைகள்: இதில் நார்ச்சத்து அதிகம். எனவே, செரிமான மண்டலத்தை நன்றாக இயக்க உதவுகிறது. மலச்சிக்கலை தடுக்கிறது. உடல் ஆரோக்கியத்தை மேம்படுத்துகிறது. வீக்கத்தை குறைக்கிறது. அத்தியாவசியமான ஊட்டச்சத்துக்கள் மற்றும் ஆக்சிஜனேற்றங்களை வழங்குகிறது. செரிமான நொதிகளின் உற்பத்தியை ஆதரிக்கவும், குடல் நுண்ணுயிரிகளின் ஆரோக்கியத்தை மேம்படுத்தவும் உதவுகிறது.

6. வாழைப் பழங்கள்: இதில் கரையக்கூடிய நார்ச்சத்து அதிகமாக உள்ளது. இதில் உள்ள பெக்டின் என்கிற பொருள் குடல் இயக்கத்தை சீராக்க உதவுகிறது. மலச்சிக்கலை இது எளிதாக்குகிறது. இதில் உள்ள பொட்டாசியம் உடலின் எலக்ட்ரோலைட் சமநிலையை பராமரிக்க உதவுகிறது மற்றும் செரிமான ஆரோக்கியத்தை ஆதரிக்கிறது.

7. பெருஞ்சீரகம்: பெருஞ்சீரக விதைகள் செரிமான கோளாறுகளைக் குறைக்கிறது மற்றும் செரிமான மண்டலத்தை நிதானப்படுத்தவும் உதவுகிறது.இதில் உள்ள நார்ச்சத்து செரிமானத்திற்கு பக்கபலமாக உள்ளது. இதில் கார்மினேட்டிவ் பண்புகள் உள்ளதால் வாயு மற்றும் வீக்கத்தைக் குறைக்க உதவுகிறது.

8. ஆப்பிள் சைடர் வினிகர்: இதில் உள்ள அசிட்டிக் அமிலம் வயிற்றில் உள்ள அமில உற்பத்தியை அதிகரிப்பதன் மூலம் செரிமானத்தை மேம்படுத்தி உடல் ஆரோக்கியத்திற்கு உதவுகிறது. இரத்த சர்க்கரை அளவை கட்டுப்படுத்தவும். உணவுக்கு பிறகு இரத்த சர்க்கரை அதிகரிப்பதை தடுக்கவும் உதவுகிறது. இது எடை மேலாண்மைக்கு உதவுவதோடு, அதிகமாக சாப்பிடுவதையும் தடுக்கிறது.

எனவே, இந்த உணவுகளை அடிக்கடி உணவில் சேர்த்துக்கொள்வது செரிமான ஆரோக்கியத்தை ஆதரிக்கும். சீரான குடல் பராமரிப்புக்கும் உதவும்.