பெண்களே உங்களுக்காக தான்! மாதவிடாய் கோளாறுகளைச் சரிசெய்யும் சங்கு பூ!

சங்கு பூ (Clitoria ternatea) ஒரு சிறந்த மருத்துவ மூலிகை தாவரம். ஆயுர்வேதம், சித்தம், யுனானி போன்ற பாரம்பரிய மருத்துவ முறைகளில் இது பல நூற்றாண்டுகளாக பயன்படுத்தப்பட்டு வருகிறது.

சங்கு பூவின் முக்கிய மருத்துவ குணங்கள் (Blue Tea Benefits)

1.மூளை செயல்பாட்டை மேம்படுத்தும்: நினைவாற்றல், கவன திறன், அறிவாற்றலை உயர்த்த உதவுகிறது. “ப்ரெயின் டானிக்” என்று பல இடங்களில் கருதப்படுகிறது. மன அழுத்தத்தையும் மூளை சோர்வையும் குறைக்கிறது.

2. மனஅழுத்தம் மற்றும் பதட்டத்தை குறைக்கும் (Anti-anxiety): நரம்பு அமைப்பை அமைதியாக்கும். மன அமைதி மற்றும் நல்ல தூக்கத்துக்கு உதவுகிறது.

3. நோய் எதிர்ப்பு சக்தியை (Immunity) அதிகரிக்கும்:

ஆன்டிஆக்சிடென்ட்கள் நிறைந்து உள்ளதால் உடலை நோய்களிலிருந்து பாதுகாக்கிறது. உடலில் உள்ள நச்சுகளை புறப்படுத்தும் திறன் (Detox).

4. கண் ஆரோக்கியத்திற்கு உதவுகிறது: பார்வை திறனை மேம்படுத்தும். கண்களில் உள்ள படலத்தை (Glare, irritation) குறைக்க உதவுகிறது.

5. மூச்சுக் கோளாறுகளைக் கட்டுப்படுத்தும்: சளி, இருமல், ஆஸ்துமா போன்றவற்றில் நிவர்த்தி தரும். சளியை கரைக்க சிறப்பாக பயன்படும்.

6. பெண்கள் உடல்நலத்திற்கு உதவும்: மாதவிடாய் கோளாறுகள் ஒழுங்குபடுத்த உதவுகிறது. கருப்பை ஆரோக்கியத்தை மேம்படுத்தும் குணம் கொண்டது.

7. செரிமானத்திற்கு நல்லது: வயிற்றில் உள்ள அமிலத்தன்மை, அஜீரணம், வாந்தி உணர்வு போன்றவற்றை குறைக்கிறது. வயிற்றை அமைதியாக்கும் தன்மை.

8. அழற்சியை குறைக்கும் பண்பு (Anti-inflammatory): உடல் வீக்கம், வலி, மூட்டு வலி ஆகியவற்றை குறைக்க உதவும். காயத்திற்குப் பிறகான அழற்சியும் குறைகிறது.

9. இரத்த ஓட்டத்தை சீர்செய்யும்: இரத்தத்தில் உள்ள நச்சுகளை நீக்கி இதய ஆரோக்கியத்தை மேம்படுத்த உதவும். ரத்த அழுத்தத்தையும் கட்டுப்படுத்தும்.

10. சரும ஆரோக்கியம்: வயதான தோற்றத்தை தடுக்கும் ஆன்டிஆக்சிடென்ட்கள். முகப்பரு, கரும்புள்ளி போன்றவற்றை குறைக்க உதவும். கர்ப்பிணிகளுக்கு தொடர்ந்து அதிக அளவில் பருகுவது குறித்து மருத்துவரிடம் ஆலோசனை பெறுவது நல்லது.

சங்கு பூ சேர்த்து வீட்டில் எளிமையாக செய்யக்கூடிய பானங்கள்

சங்கு பூ பால் (Butterfly Pea Latte)

தேவையான பொருட்கள்:

பால் – 1 கப்

சங்கு பூ – 6–8

சர்க்கரை / தேன் – தேவைக்கு

ஏலக்காய் – 1

செய்முறை: பாலைக் கொதிக்க வைக்கும் போது 2 tbsp வெந்நீரில் சங்கு பூவை கலக்கி நீல நிற நீர் எடுத்து வைக்கவும். பால் கொதிக்கும் போது அந்த நீல நீரை சேர்த்து கலக்கவும். சர்க்கரை அல்லது தேன் சேர்த்து பரிமாறவும். நீல நிற லாட்டே பார்ப்பதற்கே அழகு.

சங்கு பூ குலுக்கல் லெமனேட் (Magic Lemon Drink)

தேவையான பொருட்கள்:

சங்கு பூ – 8

வெதுவெதுப்பான நீர் – 1 கப்

எலுமிச்சை – 1

சக்கரை / தேன் – தேவைக்கு

ஐஸ் – சில

செய்முறை: சங்கு பூவை வெந்நீரில் 5 நிமிடம் ஊற வைத்து நீல நிறம் எடுத்து கொள்ளவும். இந்த நீரில் சர்க்கரை/தேன் சேர்த்து கலந்து ஐஸ் சேர்க்கவும். பரிமாறும் முன் எலுமிச்சை சாறு பிழியவும். நீல நிறம் உடனே ஊதா நிறமாக மாறும். மாஜிக் நிறம் மாறும் டிரிங்க். சங்கு பூவின் இயற்கை நீல நிறம், சுவை, மருத்துவ குணங்கள் ஆகியவை இணைந்திருக்கும்.

சங்கு பூ சேர்த்த உணவுகள், சுவையையும் அழகையும் மட்டுமல்லாமல் உடலுக்கு பல நன்மைகளையும் தரும் இயற்கை மருத்துவ உணவுகளாகும். எளிய முறையில் தினசரியில் சேர்த்துக் கொண்டால், ஆரோக்கியத்தையும் ரசனையையும் ஒரே நேரத்தில் உயர்த்தும் சிறந்த வழி இதுவே.