மைக்ரோஷியா ஏற்படுத்தும் பாதிப்புகள் பற்றி தெரியுமா?
மைக்ரோஷியா (Microtia) என்பது வெளிப்புறக் காதில் பிறவியிலேயே ஏற்படும் ஒரு அசாதாரணமான அமைப்பாகும். சிலருக்கு ஒரு காதிலும், சிலருக்கு இரண்டு வெளிப்புற காதுப்பகுதிகளிலும் முழுமையாக வளர்ச்சி அடையாமல் இருக்கும். அதற்கான காரணங்கள் மற்றும் பாதிப்புகள் பற்றி இந்தப் பதிவில் பார்ப்போம்.
மரபணு காரணிகள்: உடலில் உள்ள குறிப்பிட்ட மரபணுக்களின் மாறுபாடுகள் மற்றும் குரோமோசோம்கள் எட்டு மற்றும் 17ல் உள்ள அசாதாரணமான நிலைமைகள் மைக்ரோஷியாவிற்கு வழி வகுக்கலாம்.
கர்ப்பகாலத் தொற்றுகள்: கர்ப்ப காலத்தில், குறிப்பாக முதல் மூன்று மாதங்களில் குழந்தையின் காது வளரும் நேரத்தில் ஒரு தாய் எடுத்துக் கொள்ளும் சில மருந்துகளின் விளைவுகளால் கூட இந்தக் குறைபாடு உண்டாகலாம். இளம் பெண்கள் கர்ப்ப காலத்தில் மது அருந்துதல் அல்லது போதைப் பொருள் பயன்பாட்டில் ஈடுபடுவதும் இந்த நோய்க்கு வழிவகுக்கும். கர்ப்ப காலத்தில் ஏற்படும் தொற்றுகள் ரூபலா அல்லது சைட்டு மெலக்கோ வைரஸ் போன்றவையும், மோசமான ஊட்டச்சத்து அல்லது உடல் பருமன், நீரிழிவு போன்ற நிலைகள் தாய்க்கு இருந்தால் பிறக்கப்போகும் குழந்தைக்கு மைக்ரோஷியா பிரச்னையைக் கொண்டு வரலாம்.
வாஸ்குலார் சப்ளை சிக்கல்கள்: கர்ப்ப காலத்தில் வளரும் காது அமைப்புகளுக்கு இரத்த விநியோகத்தில் ஏற்படும் இடையூறுகள் மைக்ரோஷியாவிற்கு வழிவகுக்கும். கர்ப்பப்பையில் வளரும் சிசுவின் இரத்த ஓட்டம் பாதிக்கப்படுவதால் இது நேர்கிறது. குழந்தை நஞ்சுக்கொடி பற்றாக்குறை போன்ற கருப்பையக சூழலை பாதிக்கும் காரணிகளும் இதற்கு வித்திடலாம்.
அசோசியேட்டட் சிண்ட்ரோம்கள்: கோல்டன் ஹார் சிண்ட்ரோம், காலின்ஸ் சிண்ட்ரோம் போன்ற நிலைகளின் ஒரு பகுதியாக மைக்ரோஷியா இருக்கலாம்.
புவியியல் இனக் குழுக்கள்: காக்காஷியன் அல்லது ஆப்பிரிக்க அமெரிக்க மக்கள் தொகையுடன் ஒப்பிடும்போது சில இனக் குழுக்களில், குறிப்பாக சில பூர்வீக அமெரிக்க மக்களுக்கு மைக்ரோஷிய பாதிப்பு அதிகமாக இருப்பதாக ஆய்வுகள் சொல்கின்றன.
மைக்ரோஷியாவின் அறிகுறிகள்: மைக்ரோஷியா பாதிப்பு உள்ளவர்களின் வெளிப்புறக் காதுகள் வித்தியாசமான அமைப்பைக் கொண்டிருக்கும். சிலருக்கு அசாதாரணமான வெளிப்புறக் காது இருக்கும். சிலருக்கு வெளிப்புறக் காதுகளே இல்லாமல் இருக்கும். சிலருக்கு சாதாரண காது அளவைவிட சிறியதாக இருக்கும்.
சிகிச்சை: இந்த பாதிப்பு உள்ளவர்களுக்கு கேட்கும் திறன் குறைவாக இருக்கலாம். குறிப்பாக, நடுத்தரக் காது அல்லது காது கால்வாய் வளர்ச்சியில் சிக்கல்கள் இருந்தால் கேட்கும் திறன் குறையலாம். நோயைத் தடுக்க உண்மையில் வழிகள் இல்லை என்றாலும், கர்ப்ப காலத்தில் சில மருந்துகளைத் தவிர்ப்பது நல்லது. காது கேட்கும் திறனை பாதிக்கும் என்பதால் ஆரம்பகால சோதனைகள் மிகவும் முக்கியம். காதுகளை அறுவை சிகிச்சையின் மூலம் மறு சீரமைப்பதற்கான சாத்தியக் கூறுகளை ஒரு தகுதி வாய்ந்த பிளாஸ்டிக் அறுவை சிகிச்சை நிபுணரிடம் விவாதிக்கலாம். நுண்ணுயிரியின் தீவிரத்தைப் பொறுத்து பல்வேறு நுட்பங்கள் இதில் உள்ளன. அறுவை சிகிச்சை தேர்வு செய்ய விரும்பாதவர்களுக்கு செயற்கை காதுகள் ஒரு சாத்தியமான மாற்றாக இருக்கும்.
மைக்ரோஷியா பிரச்னையால் மனச்சோர்வு பதற்றம் அல்லது சுயமரியாதை சம்பந்தப்பட்ட பிரச்னைகள் இருந்தால் அவற்றை சமாளிக்கும் உத்திகளை உருவாக்கிக்கொள்ள வேண்டும். குடும்பத்தில் இருப்பவர்கள் ஆதரவுடன் நடந்து கொள்வதோடு மட்டுமல்லாமல், நிபுணர்களின் அறிவுரையும் முக்கியம். சுய ஏற்றுக்கொள்ளுதலை ஊக்குவிக்க வேண்டும். நிலைமையை சரி செய்வதற்கு பதிலாக தனிப்பட்ட பலம், திறமைகள் மற்றும் ஆர்வங்களில் கவனம் செலுத்த வேண்டும். உடல் ரீதியான நேர்மறைக் கலாசாரத்தை வளர்த்து ஒவ்வொருவரும் தனித்துவமானவர்கள் மற்றும் அழகு பல வடிவங்களில் உள்ளது என்பதை வலியுறுத்தலாம். காது கேளாமை பிரச்னையை சமாளிக்க சைகை மொழி அல்லது கருவிகள் போன்றவற்றை பயன்படுத்தலாம்.
