வாரத்துல ரெண்டு நாள் நோன்பு? உங்க உடம்புல நடக்கும் மேஜிக் இதுதான்!

நம்ம முன்னோர்கள்லாம் வாரம் ஒரு நாள் விரதம் இருப்பாங்க. இப்போல்லாம் 'இன்டர்மிட்டன்ட் ஃபாஸ்டிங்' (Intermittent Fasting)-னு புதுசா ஒரு ஃபேஷன் மாதிரி இது பரவி வருது. வாரத்துல ரெண்டு நாள் விரதம் இருக்கறதுனால நம்ம உடம்புக்கு நிறைய நல்ல விஷயங்கள் நடக்குதுன்னு அறிவியல் ரீதியா நிரூபிச்சிருக்காங்க. இது எப்படி நம்ம உடம்புக்கும் மனசுக்கும் நல்லதுன்னு இங்க பார்ப்போம்.

வாரத்துக்கு ரெண்டு நாள் விரதம் இருப்பதன் நன்மைகள்:

1. விரதம் இருக்கும்போது, நம்ம உடம்புல சேமிக்கப்பட்ட கொழுப்பை எரிக்க ஆரம்பிக்கும். இது உடல் எடையை குறைக்க ஒரு சிறந்த வழி. குறிப்பா, வயிறு பகுதியில இருக்கிற கொழுப்பை குறைக்க உதவும்.

2. விரதம் இருக்கும்போது, இன்சுலின் சுரப்பு குறையும். இது ரத்த சர்க்கரை அளவை கட்டுக்குள் வச்சுக்க உதவும். சர்க்கரை நோய் வராம தடுக்கவும், சர்க்கரை நோய் இருக்கிறவங்களுக்கு அதை கட்டுப்படுத்தவும் இது உதவும்.

3. நம்ம செரிமான மண்டலம் தினமும் வேலை செஞ்சுக்கிட்டே இருக்கும். விரதம் இருக்கும்போது, செரிமான மண்டலத்துக்கு ஒரு ஓய்வு கிடைக்கும். இது குடலோட ஆரோக்கியத்தை மேம்படுத்தும், அப்புறம் நல்ல பாக்டீரியாக்கள் வளர உதவும்.

4. விரதம் இருக்கும்போது, நம்ம உடம்புல 'ஆட்டோஃபேஜி' (Autophagy) அப்படின்ற ஒரு செயல்முறை நடக்கும். இது உடல்ல இருக்கிற பழைய, சேதமடைந்த செல்களை நீக்கிட்டு, புது செல்களை உருவாக்கும். இது உடலை புத்துணர்ச்சியா வச்சுக்கும்.

5. விரதம் மூளையோட செயல்பாட்டை மேம்படுத்தும்னு சில ஆய்வுகள் சொல்லுது. இது ஞாபக சக்தியை அதிகப்படுத்தும், அப்புறம் அல்சைமர் போன்ற நோய்கள் வராம தடுக்க உதவும்.

6. சிலர் விரதம் இருக்கும்போது மனசு அமைதியா இருக்கும்னு சொல்லுவாங்க. உடம்புக்கும் மனசுக்கும் ஒருவித கட்டுப்பாடு வரும். இது மன அழுத்தத்தை குறைக்கும்.

சரியான முறையில் விரதம் இருப்பது எப்படி?

வாரத்துக்கு ரெண்டு நாள் விரதம்னா, தொடர்ந்து ரெண்டு நாள் பட்டினி கிடக்கணும்னு அர்த்தம் இல்லை. இதுல பல முறைகள் இருக்கு.

• 5:2 முறை: வாரத்துல 5 நாள் நீங்க வழக்கமா சாப்பிடலாம். மீதி 2 நாள் உங்க கலோரி அளவை ரொம்ப குறைச்சுக்கணும் இந்த 2 நாள்ல நீங்க கம்மியா சாப்பிடலாம், இல்லனா லேசான உணவுகளை எடுத்துக்கலாம்.

• 16/8 முறை: இது தினமும் பின்பற்றக்கூடிய முறை. ஒரு நாளைக்கு 8 மணி நேரம் மட்டும் சாப்பிட்டு, மீதி 16 மணி நேரம் விரதம் இருக்கணும். உதாரணமா, காலை 10 மணிக்கு சாப்பிட்டு, இரவு 6 மணியோட நிறுத்திடலாம்.

விரதம் இருக்கும்போது நிறைய தண்ணி குடிக்கணும். ஜூஸ், மோர், இளநீர், கிரீன் டீ போன்ற நீர் ஆகாரங்களை எடுத்துக்கலாம். மருத்துவ ஆலோசனை இல்லாம நீண்ட நேரம் விரதம் இருக்கக்கூடாது.

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)