ஓட்ஸில் எப்படியெல்லாம் கலப்படம் செய்கிறார்கள் தெரியுமா?

சந்தையில் கிடைக்கும் ஓட்ஸில் கலப்படம் செய்யப்படுவதாக அவ்வப்போது புகார்கள் எழுவதுண்டு. இத்தகைய கலப்படங்கள், ஓட்ஸின் தரத்தை குறைப்பதோடு மட்டுமல்லாமல், அதை உட்கொள்வோரின் ஆரோக்கியத்திற்கும் தீங்கு விளைவிக்கும். எனவே, ஓட்ஸில் செய்யப்படும் கலப்பட முறைகள், அவற்றால் ஏற்படும் பாதிப்புகள் மற்றும் கலப்படத்தை கண்டறியும் வழிகள் குறித்து அறிந்துகொள்வது அவசியம்.

ஓட்ஸில் பொதுவாக இரண்டு வகையான கலப்படங்கள் செய்யப்படுகின்றன:

1. தரமற்ற பொருட்களை கலத்தல்: ஓட்ஸில், குறைந்த விலை தானியங்கள் அல்லது தவிடு போன்றவற்றை கலப்படம் செய்வது பொதுவான ஒரு முறையாகும். இது ஓட்ஸின் எடையை அதிகரிக்கவும், உற்பத்தி செலவைக் குறைக்கவும் செய்யப்படுகிறது. மேலும், சில சமயங்களில் மணல், கல் அல்லது பிற தேவையற்ற பொருட்களையும் கலப்படம் செய்ய வாய்ப்புள்ளது.

2. வேதிப் பொருட்களை கலத்தல்: ஓட்ஸின் நிறத்தை மேம்படுத்த, கெட்டுப்போகாமல் இருக்க சில வேதிப் பொருட்கள் கலக்கப்படலாம். உதாரணமாக, செயற்கை நிறமூட்டிகள் பாதுகாக்கும் பொருட்கள்  சேர்க்கப்படலாம்.

கலப்படத்தால் ஏற்படும் பாதிப்புகள்:

ஓட்ஸில் கலப்படம் செய்வதால், அதன் இயற்கையான ஊட்டச்சத்துக்கள் குறைய வாய்ப்புள்ளது. இதனால், ஓட்ஸை உட்கொள்வதன் மூலம் கிடைக்கும் முழுமையான நன்மைகளை பெற முடியாமல் போகலாம். கலப்படப் பொருட்களில் உள்ள நார்ச்சத்து அல்லது பிற கூறுகளால், சிலருக்கு செரிமான பிரச்சனைகள், வயிற்றுப்போக்கு அல்லது மலச்சிக்கல் ஏற்படலாம்.

சில வேதிப் பொருட்கள் அல்லது கலப்படப் பொருட்கள் ஒவ்வாமை எதிர்வினைகளை தூண்டலாம். இதனால், தோல் அரிப்பு, தடிப்பு, சுவாச பிரச்சனைகள் போன்ற பாதிப்புகள் ஏற்படலாம். மேலும், சில சமயங்களில், கலப்படப் பொருட்களில் நச்சுத்தன்மை இருக்கலாம். இது உடல் நலத்திற்கு கடுமையான பாதிப்புகளை ஏற்படுத்தும்.

கலப்படத்தை கண்டறியும் வழிகள்:

• ஓட்ஸின் நிறம், அளவு மற்றும் வடிவத்தை கவனிக்கவும். இயற்கையான ஓட்ஸ் வெளிறிய பழுப்பு நிறத்தில் இருக்கும். நிறத்தில் அதிக வேறுபாடு இருந்தாலோ அல்லது பிற பொருட்கள் கலந்திருப்பது போல தோன்றினாலோ, அது கலப்படமாகம்.

• ஓட்ஸில் இருந்து அசாதாரண வாசனை வந்தாலோ அல்லது கெட்டுப்போன வாசனை வந்தாலோ, அது கலப்படமாக இருக்கலாம்.

• ஒரு கிளாஸ் தண்ணீரில் சிறிது ஓட்ஸ் சேர்த்து கலக்கவும். கலப்படமில்லாத ஓட்ஸ் தண்ணீரில் எளிதில் கரையாது. ஆனால், கலப்பட ஓட்ஸ் தண்ணீரில் எளிதில் கரைந்தால் அது கலப்படம்.

• ஓட்ஸின் சுவையில் வித்தியாசம் இருந்தாலோ அல்லது விரும்பத்தகாத சுவை இருந்தாலோ, அது கலப்படமாக இருக்கலாம்.

• உணவுப் பாதுகாப்பு மற்றும் தரக்கட்டுப்பாட்டு அடையாளங்கள் (FSSAI) உள்ள ஓட்ஸ் பாக்கெட்டுகளை வாங்குவதன் மூலம், ஓரளவிற்கு கலப்படத்தை தவிர்க்கலாம்.

ஓட்ஸ் ஒரு சத்தான உணவு என்பதில் சந்தேகமில்லை. ஆனால், சந்தையில் கிடைக்கும் ஓட்ஸில் கலப்படம் செய்யப்படுவதால், அதன் நன்மைகள் குறைவதோடு உடல் நலத்திற்கும் தீங்கு விளைவிக்கும். எனவே, நுகர்வோர்கள் ஓட்ஸ் வாங்கும்போதும் பயன்படுத்தும்போதும் கவனமாக இருக்க வேண்டும்.