ரத்த சோகையை ஓட ஓட விரட்ட இந்த 6 பச்சை உணவுகளை மட்டும் சாப்பிடுங்க!

ரத்த சோகை / இரும்புச்சத்து குறைபாடு இன்று பலருக்கும் இருக்கும் ஒரு சாதாரண பிரச்சனையாக மாறிவிட்டது. உடம்பு எப்போதும் டயர்டாக இருப்பது, முடி கொத்து கொத்தாக கொட்டுவது, முகம் வெளிறிப் போவது என இதன் அறிகுறிகள் ஏராளம். 

இதற்காக உடனே மெடிக்கல் ஷாப் சென்று மாத்திரைகளை வாங்கிப் போடுவதை விட, நமது சமையலறையில் உள்ள சில இயற்கையான உணவுகளை வைத்தே இதை ரொம்ப எளிதாக சரிசெய்ய முடியும். அப்படி இரும்புச்சத்தை அள்ளித் தரும் 6 சூப்பரான பச்சை நிற உணவுகளைப் பற்றி இந்தப் பதிவில் பார்க்கலாம்.

1. முருங்கைக்கீரை!

இரும்புச்சத்து என்றாலே முதலில் நமது நினைவுக்கு வருவது முருங்கைக்கீரை தான். இது ரொம்பவே மலிவாகவும் எளிதாகவும் கிடைக்கக்கூடிய ஒரு மாபெரும் பொக்கிஷம். வாரத்திற்கு இரண்டு அல்லது மூன்று முறை முருங்கைக்கீரையை சூப் வைத்தோ அல்லது பொரியல் செய்தோ சாப்பிட்டு வந்தால், ரத்தத்தில் உள்ள ஹீமோகுளோபின் அளவு ஜெட் வேகத்தில் அதிகரிக்கும்.

2. பசலைக்கீரை!

கீரை வகைகளிலேயே பசலைக்கீரைக்கு எப்போதுமே ஒரு தனி மவுசு உண்டு. இதில் இரும்புச்சத்து மட்டுமில்லாமல், நமது உடலுக்குத் தேவையான பல அத்தியாவசிய வைட்டமின்களும் நிறைந்துள்ளன. இதை பருப்பு சேர்த்து கடைந்து சாப்பிடுவது சுவைக்கு மட்டுமில்லாமல் ஆரோக்கியத்திற்கும் நல்லது.

3. ப்ரோக்கோலி!

கொஞ்சம் மாடர்னான காய்கறியான ப்ரோக்கோலியில் இரும்புச்சத்து தாராளமாக இருக்கிறது. இதில் இன்னொரு ஸ்பெஷலான விஷயம் என்னவென்றால், இதில் வைட்டமின் சி சத்தும் அதிகமாக உள்ளது. இந்த வைட்டமின் சி சத்தானது, உணவில் உள்ள இரும்புச்சத்தை நமது உடல் முழுமையாக உறிஞ்சிக்கொள்ள உதவியாக இருக்கும்.

4. பச்சை பட்டாணி!

குழந்தைகளுக்குப் பிடித்த காய்கறிகளில் ஒன்று பச்சை பட்டாணி. இதில் புரதச்சத்தோடு சேர்த்து இரும்புச்சத்தும் கணிசமாக இருக்கிறது. குருமா, புலாவ் அல்லது வெறுமனே வேகவைத்து ஸ்நாக்ஸ் போல மாலையில் சாப்பிடுவது உங்கள் உடலுக்கு தேவையான எனர்ஜியை உடனடியாக கொடுக்கும்.

5. கறிவேப்பிலை!

சாப்பிடும்போது நாம் அனைவருமே தட்டில் ஓரமாகத் தூக்கிப் போடும் ஒரு பொருள் என்றால் அது கறிவேப்பிலை தான். ஆனால் நிஜத்தில் இது இரும்புச்சத்தின் தொழிற்சாலை. இதை அப்படியே சாப்பிடப் பிடிக்காதவர்கள், நிழலில் காயவைத்து பொடியாக்கி சாதத்தில் கலந்து நெய் விட்டு சாப்பிடலாம். இது ரத்த சோகையை விரட்டுவதோடு, முடி வளர்ச்சியையும் தூண்டும்.

6. புதினா!

பிரியாணிக்கும் சட்னிக்கும் வாசனையைத் தரும் புதினாவில் ஏராளமான இரும்புச்சத்து ஒளிந்திருக்கிறது. புதினாவை அடிக்கடி உணவில் சேர்த்துக் கொள்வது செரிமான பிரச்சனைகளை சரிசெய்வதோடு, ரத்தத்தை சுத்திகரித்து உடலுக்கு நல்ல சுறுசுறுப்பைக் கொடுக்கும்.

நமது ஆரோக்கியம் என்பது நாம் தினமும் சாப்பிடும் தட்டில்தான் இருக்கிறது. விலை உயர்ந்த சத்து மாத்திரைகளை நம்புவதை விட, இயற்கையாகக் கிடைக்கும் இந்த பச்சை நிற காய்கறிகள் மற்றும் கீரைகளை உணவில் அதிகம் சேர்த்துக் கொள்ளுங்கள். மேலும் இரும்புச்சத்து உடம்பில் சரியாக சேர வேண்டும் என்றால், சாப்பிடும் உணவோடு கொஞ்சம் எலுமிச்சை சாறு போன்ற வைட்டமின் சி நிறைந்த பொருட்களையும் சேர்த்துக் கொள்வது அவசியம்.