கழுத்து வலியால் அவதியா? வீட்டிலேயே நிவாரணம் காண எளிய வழிகள்!

பொதுவாக, நாம் காலையில் புத்துணர்ச்சியுடன் எழும்பும் போது, அன்றைய நாளை உற்சாகமாகத் தொடங்கத் தயாராக இருப்போம். ஆனால், சில சமயங்களில் படுக்கையிலிருந்து எழும்பும்போதே கழுத்தில் ஒருவிதமான வலி நம்மை வாட்டத் தொடங்கிவிடும். இந்த வலி எங்கிருந்து வந்தது, எதனால் வந்தது என்று யோசித்துப் பார்த்தாலும் சில நேரங்களில் காரணம் புலப்படாது. ஆனால் கவலை வேண்டாம், இந்த கழுத்து வலியை நம் வீட்டிலேயே சில எளிய முறைகளைப் பின்பற்றி குணப்படுத்த முடியும்.

காலையில் எழுந்தவுடன் கழுத்து வலி உங்களைத் தொந்தரவு செய்தால், உடனடியாக வேலைகளைச் செய்யத் தொடங்காமல், மெதுவாக சில கழுத்து அசைவுகளை மேற்கொள்ளுங்கள். இது கழுத்துப் பகுதியில் இரத்த ஓட்டத்தை அதிகரிக்கச் செய்து, வீக்கத்தைக் குறைப்பதற்கு உதவும். உங்கள் தலையை நேராக வைத்து, முதலில் மெதுவாக வலது பக்கமாகத் திருப்பவும். சில விநாடிகள் கழித்து, இடது பக்கமாகத் திருப்பவும். இதேபோல், உங்கள் தலையை மெதுவாக மேலும் கீழும் அசைக்கவும். இந்த எளிய பயிற்சி கழுத்து வலியில் இருந்து உங்களுக்கு நிவாரணம் அளிக்கும்.

வெதுவெதுப்பான அல்லது குளிர்ச்சியான ஒத்தடம் கொடுப்பது கழுத்து வலிக்கு சிறந்த நிவாரணியாக இருக்கும். சந்தையில் இதற்கெனவே பிரத்யேகமாக கிடைக்கும் ஒத்தடப் பைகளை வாங்கி பயன்படுத்தலாம். அல்லது, ஒரு துணியை வெந்நீரில் அல்லது குளிர்ந்த நீரில் நனைத்து, கழுத்தில் வலி இருக்கும் இடத்தில் ஒத்தடம் கொடுக்கலாம். தினமும் மூன்று முறை, பத்து நிமிடங்கள் வரை இவ்வாறு செய்வதன் மூலம் கழுத்து வலியைக் குறைக்க முடியும்.

சற்று இதமான வெந்நீரில் குளிப்பது கூட கழுத்து வலிக்கு நல்ல தீர்வாக அமையும். வெந்நீரில் சிறிது உப்பு கலந்து குளித்தால், அது கழுத்து வலியைக் குறைப்பதோடு, வீக்கத்தையும் குறைக்க உதவும். மேலும், இது இரத்த ஓட்டத்தை அதிகரித்து வலியிலிருந்து நிவாரணம் அளிக்கும். கழுத்து வலியால் ஏற்படும் அசௌகரியத்தையும் இது போக்கும்.

தேங்காய் எண்ணெய் அல்லது உங்களுக்குப் பிடித்தமான வேறு ஏதாவது எண்ணெயை லேசாக சூடுபடுத்தி, கழுத்தில் வலி இருக்கும் இடத்தில் மெதுவாக மசாஜ் செய்யலாம். இது கழுத்து தசைகளைத் தளர்த்தி, வலியைக் குறைப்பதோடு, வீக்கத்தையும் குறைக்க உதவும்.

ஆப்பிள் சிடர் வினிகர் கழுத்து இறுக்கத்தைப் போக்க மிகவும் பயனுள்ளதாக இருக்கும். இதில் உள்ள ஆன்டி-ஆக்ஸிடன்ட்கள் மற்றும் அழற்சி எதிர்ப்பு பண்புகள் வீக்கத்தைக் குறைக்க உதவுகின்றன. ஒரு சிறிய துணியை ஆப்பிள் சிடர் வினிகரில் நனைத்து, கழுத்தில் வலி இருக்கும் இடத்தில் வைத்து மெதுவாகத் தேய்க்கவும். பின்னர், அந்தத் துணியை ஒரு மணி நேரம் வரை அப்படியே விட்டு விடுங்கள். ஒரு நாளைக்கு இரண்டு முறை இவ்வாறு செய்வதன் மூலம் கழுத்து தசைகளில் ஏற்பட்ட வலி மற்றும் வீக்கம் குறையும் என்று கூறப்படுகிறது.

கழுத்து வலியால் அவதிப்படும்போது, உடனடியாக மருத்துவரை அணுகுவதற்கு முன், இந்த எளிய வீட்டு வைத்திய முறைகளை முயற்சித்துப் பாருங்கள். நிச்சயமாக உங்களுக்கு நல்ல நிவாரணம் கிடைக்கும்.