வயசான காலத்துல வர்ற சோர்வுனு அசால்ட்டா விட்றாதீங்க... பின்னால இருக்கு பெரிய ஆபத்து!

கழுத்தின் முன் பகுதியில் அமைந்துள்ள சிறிய தைராய்டு சுரப்பி உடலின் வளர்சிதை மாற்றம் ஆற்றல் அளவு இதயத்துடிப்பு உடல் வெப்பம் உட்பட பல்வேறு விஷயங்களை பராமரிக்க தேவையான ஹார்மோனை சுரக்கிறது. இந்த சுரப்பி சரியாக வேலை செய்யவில்லை என்றால் பாதிப்பை உடல் முழுவதும் உணர முடியும்.

வயது அதிகரிக்கும் போது தைராய்டு சுரப்பதில் மாற்றங்கள் ஏற்படலாம் குறைவாக சுரந்தால் உடலின் செயல்கள் மந்தமாகும் அதிகமாக சுரப்பது ஆபத்தானது வளர் சிதை மாற்றத்தை ஏற்படுத்தலாம். நாம் பயன்படுத்தும் உப்பில் அயோடின் கலந்து இருந்தாலும் அயோடின் குறைபாட்டால காய்ட்டர் (Goitre) எனப்படும் தைராய்டு சுரப்பி வீக்கம் ஏற்படும். தைராய்டு அறிகுறிகள் பெரும்பாலும் சோர்வு வயது முதிர்வு தொடர்பான பிரச்சனைகளை போலவே இருப்பதால் பலர் இதை கவனிக்க தவறுகின்றனர் இவற்றை முன்கூட்டியே கண்டறிந்தால் இதன் பாதிப்பை குறைக்க முடியும்.

தைராய்டு ஸ்கிரீனிங் பரிசோதனையில் டி.எஸ்.ஹெச் அளவு அதிகமாக இருந்தால் ஹைப்போ தைராய்டிசம் எனப்படும் குறைந்த சுரப்பு மற்றும் டி.எஸ்.ஹெச். அளவு குறைவாக இருந்தால் ஹைபர் தைரொட்டிசம் எனப்படும் அதிக சுரப்பை குறிக்கிறது.

ஃப்ரீ டி 3 டி4 சோதனை மூலம் ரத்தத்தில் உள்ள தைராய்டு ஹார்மோன் அளவுகளை கண்டறியலாம். மேலும் சில பரிசோதனைகள் செய்வதால் ஆட்டோஇம்மூன் கோளாறுகளை கண்டறியலாம். கழுத்துப் பகுதியை அல்ட்ரா சவுண்ட் ஸ்கேன் செய்து பார்த்தால் தைராய்டு முடிச்சுகள் நீர்க்கட்டிகள் சுரப்பியின் வீக்கத்தை கண்டறியலாம்

ஊசி மூலம் நீர் எடுத்து தைராய்டு முடிச்சுகள் இருப்பதை கண்டறியலாம். இந்த நோய் ஏற்பட்டால் தினமும் மாத்திரை எடுத்துக் கொள்ள வேண்டும். சிலருக்கு அறுவை சிகிச்சை தேவைப்படலாம்.

ஆபத்து இல்லாத முடிச்சு வகைக்கு எந்த வித சிகிச்சையும் தேவையில்லை சந்தேகத்திற்குரிய முடிச்சுகள் காணப்பட்டால் அறுவை சிகிச்சை மூலம் அகற்ற வேண்டும்.

இவற்றைத் தடுப்பதற்கு அயோடின் கலந்து உப்பை உபயோகப்படுத்த வேண்டும். செலினியம் துத்தநாகம் நிறைந்த சத்தான உணவை சாப்பிடுவது, மன அழுத்தம் இல்லாமல் இருப்பது, போதுமான அளவு தூக்கம் ஆகியவை அவசியம். டாக்டரின் ஆலோசனை இல்லாமல் மருந்துகளை சாப்பிடக்கூடாது. வருமுன் காப்பது சிறந்தது

(முக்கிய குறிப்பு: இந்தத் தகவல்கள் பொதுவான விழிப்புணர்வுக்காக மட்டுமே. மருத்துவ ஆலோசனைக்கு சரியான தகுந்த மருத்துவரை அணுகவும்)