அது என்னது Type 3 சர்க்கரை வியாதி? 

நீரிழிவு நோய் என்பது உடலில் ரத்த சர்க்கரை அளவு அதிகமாக இருக்கும் ஒரு நிலை. பொதுவாக, நாம் இந்த நோயின் Type 1 மற்றும் Type 2 வகைகள் பற்றி கேள்விப்பட்டிருப்போம். ஆனால், இதில் Type 3 நீரிழிவு நோய் என்ற ஒரு வகை உள்ளது என்பது பலருக்குத் தெரியாது. இந்த மூன்றாவது வகை நீரிழிவு நோய் சார்ந்த முழு தகவல்களை இந்தப் பதிவில் பார்க்கலாம். 

Type 3 நீரிழிவு நோய் என்றால் என்ன? 

Type 3 நீரிழிவு நோய் என்பது நரம்பு மண்டலத்தை பாதிக்கும் ஒருவகை நோய். இது Alzheimer's Disease, Parkinson's Disease போன்ற நரம்பு மண்டலத்தை பாதிக்கும் நோய்களுடன் தொடர்புடையது. இந்த நோயில் ரத்தத்தில் அதிகமாக உள்ள குளுக்கோஸ், நரம்பு செல்களை சேதப்படுத்தி, அவற்றின் செயல்பாடுகளை பாதிப்புக்குள்ளாக்கும். இதனால், நினைவாற்றல் குறைதல், சிந்தனைத் திறன் குறைதல், நடத்தைகளில் மாற்றம் போன்ற பிரச்சினைகள் ஏற்படலாம். 

Type 3 நீரிழிவு நோயின் அறிகுறிகள்: 

• சமீபத்திய நிகழ்வுகள் மறந்து போகும். 

• முடிவுகள் எடுப்பதில் சிரமம், புதிய விஷயங்களை கற்றுக் கொள்வதில் சிரமம் ஏற்படும். 

• கோபம், மனச்சோர்வு, மன அழுத்தம் அதிகமாக இருக்கும். 

• வார்த்தைகளை சரியாக தேர்ந்தெடுத்து பேச முடியாமல் போதல், வாக்கியங்களை சரியாக உருவாக்க முடியாமல் போதல் போன்ற மொழிப் பிரச்சனைகள் ஏற்படலாம். 

• திடீரென எங்கே இருக்கிறோம், இது என்ன நேரம் என்பது புரியாமல் போகும். 

Type 3 நீரிழிவு நோய்க்கான காரணங்கள்: 

ரத்தத்தில் அதிகமாக குளுக்கோஸ் சேர்வதால், அது நரம்பு செல்களை சேதப்படுத்தி, இந்த நிலையை ஏற்படுத்தும். உடலின் செல்கள் இன்சுலினை சரியாக பயன்படுத்தாமல் போவதால், ரத்தத்தில் குளுக்கோஸ் அளவு அதிகமாகிறது. 

ரத்தத்தில் அதிகமாக உள்ள குளுக்கோஸ் ஆக்சிஜனேற்ற அழுத்தத்தை அதிகரித்து, நரம்பு செல்களை சேதப்படுத்துகிறது. மேலும், இது அழற்சியை ஏற்படுத்தி நரம்பு செல்களை வெகுவாக பாதிக்கும். 

Type 3 நீரிழிவு நோய் என்பது நரம்பு மண்டலத்தை நேரடியாக பாதிக்கும் ஒரு சிக்கலான நோய். இந்த நோய்க்கான சிகிச்சை இன்னும் முழுமையாகக் கண்டுபிடிக்கப்படவில்லை என்றாலும், ரத்த சர்க்கரையை கட்டுப்படுத்துவதன் மூலம் நோயின் பாதிப்பை குறைக்க முடியும். ஆரம்ப கட்டத்திலேயே இதைக் கண்டறிந்து சிகிச்சை செய்தால், நோயின் தீவிர பாதிப்பிலிருந்து தப்பிக்கலாம்.