குட்நைட் மணிகண்டன் நடிப்பில் வெளியான லவ்வர் படம் நல்ல வரவேற்பை பெற்று வரும் நிலையில், படத்தின் ஓடிடி ரிலீஸ் தேதி அறிவிக்கப்பட்டுள்ளது.

தனது நடிப்பால் அனைவரையும் திரும்பி பார்க்க வைத்தவர் தான் மணிகண்டன். இவர் ஹிரோவாக நடித்து கலக்கிய படம் தான் குட்நைட். இந்த படம் காதலர்கள், தம்பதியினர் மத்தியில் நல்ல வரவேற்பை பெற்றது. இந்த நிலையில், புதுமுக இயக்குனர் பிரபு ராம் இயக்கத்தில் லவ்வர் என்ற திரைப்படத்தில் கதாநாயகனாக நடித்துள்ளார்.

இதில் கவுரி பிரியா ரெட்டி நாயகியாக நடித்திருக்கிறார். மேலும் கண்ணா ரவி, சரவணன், கீதா கைலாசம், ஹரிஷ் குமார் ஆகியோர் முக்கிய கதாபாத்திரங்களில் நடித்துள்ளனர். படத்தை மில்லியன் டாலர் நிறுவனம் தயாரித்துள்ளது. சான் ரோல்டன் இசையமைத்துள்ளார்.

இத்திரைப்படம் தற்போதைய சமூகத்தில் நிலவும் காதல் நிலவரத்தை எடுத்துரைத்தது என்றும், மேலும் ஆண் பெண் உறவு பற்றிய ஒரு உரையாடலாக இருந்தது எனவும் பேசப்படுகிறது. இந்நிலையில், கடந்த வாரம் வெளிவந்து லவ்வர் திரைப்படம் மக்கள் மத்தியில் நல்ல வரவேற்பை பெற்று வருகிறது. லால் சலாம் படத்தையே முந்தி செல்லும் இந்த படத்தின் ஒடிடி விவரம் வெளியாகியுள்ளது.

அதன்படி லவ்வர் திரைப்படத்தின் ஓடிடி உரிமையை டிஸ்னி பிளஸ் ஹாட்ஸ்டார் நிறுவனம் கைப்பற்றி உள்ளது. அந்நிறுவனம் இப்படத்தை வருகிற மார்ச் மாதம் 8-ந் தேதி ஓடிடியில் ரிலீஸ் செய்ய திட்டமிட்டு உள்ளதாக தகவல்கள் தெரிவிக்கின்றன. திரையரங்கை போல் ஓடிடியிலும் லவ்வர் படத்திற்கு அமோக வரவேற்பு கிடைக்கும் என எதிர்பார்க்கப்படுகிறது.