நா ரெடி பாடலை கேட்ட படி நடிகர் மன்சூர் அலிகான் காரை ஓட்டி கொண்டே வைப் செய்யும் வீடியோ காட்சிகள் இணையத்தில் வெளியாகி லைக்குகளை அள்ளி குவிக்கிறது.
லோகேஷ் கனகராஜ் இயக்கத்தில் நடிகர் விஜய் நடிப்பில் உருவாகி வரும் லியோ திரைப்படத்தின் முதல் பாடலான நா ரெடி தா வரவா பாடல் கடந்த சில தினங்களுக்கு முன்பு வெளியாகி ரசிகர்களிடம் நல்ல வரவேற்பை பெற்றது.
பல்வேறு சர்ச்சைகள் எழுந்தாலும் விஜய் குரலில் வெளியான இந்த பாடலை பலரும் ரசிக்கிறார்கள் என்பதில் மாற்று கருத்தே இல்லை. பொதுவாகவே நடிகர் விஜய் அவர் நடிக்கும் படத்தில் ஒரு பாடலை பாடுவது வழக்கம். அந்த பாடல் மிக ஹிட் ஆவதும் வாடிக்கையான ஒன்றே. ஜாலியோ ஜிம்கானா, கண்டாங்கி கண்டாங்கி, நெஞ்சுக்குள்ள குடியிருக்கும் என பல பாடல்கள் ரசிகர்கள் மத்தியில் வைப் செய்யப்பட்டு தான் வருகிறது.
அப்படி தற்போது வெளியாகியுள்ள நா ரெடி தா வரவா பாடலும் இளைஞர்கள், குழந்தைகள் என பலரையும் கவர்ந்துள்ளது. இந்த பாடல் அரசியல் கருத்துக்களை கொண்டுள்ளதா என்று பல்வேறு கோணங்களில் யோசித்தாலும் கூட, பாடல் வைப் பண்ண ஏற்றதாகவுள்ளது.
அப்படி இந்த பாடலை நடிகர் மன்சூர் அலிகான் வைப் செய்துள்ளார். இது தொடர்பாக வெளியான வீடியோவில், நடிகர் மன்சூர் அலிகான் நான் ரெடிதான் வரவா என பாடிகொண்டேயும் உடலை குலுக்கியபடியும் காரை ஓட்டி செல்கின்றார். இந்த வீடியோ தற்போது இணையத்தில் வெளியாகி பலரது கவனத்தையும் ஈர்த்து வருகிறது.