கைதி 2 படம் எப்போது வரும் என கேட்ட ரசிகர்களுக்கு நடிகர் நரேன் கொடுத்த அப்டேட் வீடியோ இணையத்தில் வைரலாகி வருகிறது.

இயக்குனர் லோகேஷ் கனகராஜ் இயக்கத்தில் உருவான கைதி படத்தில் நடிகர் கார்த்தி, நரேன் உள்ளிட்டோர் நடித்திருந்தனர். இந்த படம் ரசிகர்கள் மத்தியில் நல்ல வரவேற்பை பெற்ற நிலையில், இந்த படத்தின் 2ஆம் பாகம் வரும் என எப்போதோ அறிவிக்கப்பட்டது. இந்த படத்தை எதிர்நோக்கி ரசிகர்கள் இன்றளவும் காத்து கொண்டிருக்கின்றனர்.

இந்த நிலையில் நடிகர் நரேன், கேரளாவில் நடந்த ஒரு ரசிகர்கள் பிரஸ்மீட்டில் கலந்து கொண்டார். அப்போது ரசிகர் ஒருவர் கைதி 2 எப்போது ரிலீஸ் என கேட்க, அதற்கு அவர் புதிய சர்ப்ரைஸ் அப்டேட் ஒன்றை கொடுத்துள்ளார்.

அதில், எல்சியூ வில் அடுத்து வெளியாகப்போகும் படம் கைதி 2 தான், ஆனால் அதற்கு முன் ஒரு சம்பவம் இருக்கிறது, அதை பற்றி அதிகாரபூர்வ தகவல் வெளிவரும். லோகேஷ் கனகராஜின் எல்சியூ கன்னெக்டுடன் ஒரு 10 நிமிட ஷார்ட் பிலிம் ஒன்றை லோகேஷ் இயக்கவுள்ளார். அதில் நானும் நடித்திருக்கிறேன்.

எல்சியூ உடைய தொடக்கம் தான் அந்த ஷார்ட் பிலிம். அதன் பின் கைது 2 வெளியாகும் என்று கூறினார். இந்த வீடியோ காட்சி இணையத்தில் தீயாய் பரவ ரசிகர்கள் கைதி 2 என இதை ட்ரெண்ட் செய்து வருகின்றனர்.