தீபாவளியை முன்னிட்டு நேற்று அண்ணாத்த திரைப்படம் திரையரங்குகளில் வெளியானது. அதேசமயம் தீபாவளி ரிலீஸாக

நேற்றே தமிழ் ராக்கர்ஸ் உள்பட பல இணையதளங்களில் அண்ணாத்த படம் வெளியாகி படக்குழுவினருக்கு அதிர்ச்சி அளித்துள்ளது.

உலகெங்கும் ரஜினி ரசிகர்கள் அண்ணாத்த படத்தின் ரிலீஸுக்காக காத்திருந்தனர்..

நேற்று தீபாவளியை முன்னிட்டு அண்ணாத்த படம் வெளியானது. தமிழகமெங்கும் அதிகாலைக் காட்சிகள் திரையிடப்பட்டன. வெளிநாடுகளிலும் இந்த படம் வெளீயாகி வசூலைக் குவித்ததாக கூறப்படுகிறது. இந்த படம் பரதரப்பு விமரிசனங்களையும் பெற்று வருகிறது. வயதான ரசிகர்கள் இந்த படத்தை வரவேற்க, இளம் ரசிகர்கள் ''ஓவர் சென்டிமெண்ட்'' என கருத்தை முன்வைக்கிறார்கள்.

இந்நிலையில் தியேட்டர்களீல் அண்ணாத்த படம் வெளீயான கையோடு, நேற்று தமிழ்ராக்கர்ஸ், மூவிரூல்ஸ், டெலிகிராம் உள்ளிட்ட இணையதளங்களில் படம் திருட்டுத்தனமாக வெளியாகி படக்குழுவினருக்கு அதிர்ச்சியை ஏற்படுத்தியுள்ளது.

அண்ணாத்த படத்தை வெளியிடுவதற்கு முன்பாக, இப்படத்தின் தயாரிப்பாளர்கள், படத்தை சட்டவிரோதமாக இணையத்தில் வெளியிடுவதற்கு தடை கேட்டு நீதிமன்றத்தில் மனு செய்திருந்தனர். நீதிமன்றமும், அண்ணாத்த படத்தை சட்டவிரோதமாக இணையத்தில் வெளியிட தடை விதித்தது குறிப்பிடத்தக்கது.