'கேப்மாரி' திரைப்படத்தை இயக்கிய இயக்குநர் எஸ்.ஏ.சந்திரசேகர் இயக்கத்தில் சமுத்திரக்கனி, சாக்ஷி அகர்வால் நடிப்பில் உருவாகியுள்ள படம் ‘நான் கடவுள் இல்லை’.இந்த படத்தில் பருத்திவீரன் சரவணன், நடிகை இனியாவும் முக்கிய கதாபாத்திரத்தில் நடித்துள்ளனர். அபி சரவணன், யுவன் மயில்சாமி, ரோகினி, இமான் அண்ணாச்சி மற்றும் மதுரை மாயக்கா ஆகியோர் துணை வேடங்களில் நடித்துள்ளனர்.

'நான் கடவுள் இல்லை' ஒரு க்ரைம் த்ரில்லர், குடும்ப கதை மற்றும் உணர்ச்சிகள் நிறைந்த படமாக இருக்க அதிக வாய்ப்புள்ளது. சமுத்திரக்கனி போலீஸ் கேரக்டரில் நடித்துள்ளார். இப்படத்தின் வில்லனாக பருத்திவீரன் சரவணன் நடித்திருக்கிறார். மகளை சரவணன் கடத்திச் செல்லும் போது சமுத்திரக்கனி எப்படி பிடிக்கிறார் என்பதே மீதிக்கதை.

'கேப்மாரி' படத்திற்கு இசையமைத்த சித்தார்த் விபின் இப்படத்திற்கு இசையமைக்கிறார். மகேஷ் கே தேவ் ஒளிப்பதிவு செய்ய பிரபாகர் படத்தொகுப்பாளராக பணியாற்றுகிறார்.

மேலும் ‘நான் கடவுள் இல்லை’ படம் பிப்ரவரி 3ஆம் தேதி வெளியாகும் என படக்குழுவினர் தெரிவித்துள்ளனர்.