இயந்திரப் பென்சில் தினம் ஒவ்வொரு ஆண்டும் ஜூலை 5 அன்று உலகம் முழுவதும் கொண்டாடப்படுகிறது. மெக்கானிக்கல் பென்சில்கள் வகுப்பறையிலும் பணியிடத்திலும் பல பயன்பாடுகளைக் கொண்டுள்ளன. நாம் எழுதும் அனைத்துப் பணிகளுக்கும் பேனாவைப் பயன்படுத்தினாலும், பிழை ஏற்படாமல் இருக்க வரைவுக் கணக்கீடுகள் மற்றும் ஓவியங்கள் வரைய பென்சில்களைப் பயன்படுத்துவோம்.

இன்றைய டிஜிட்டல் மயமான உலகிலும், இயந்திரப் பென்சில்கள் எழுதுவதையும் வடிவமைப்பையும் எளிதாக்குகின்றன. மெக்கானிக்கல் பென்சில் தினம் இந்த அற்புதமான கண்டுபிடிப்பைக் கொண்டாடுகிறது. இயந்திரப் பென்சில் மைக்ரோட் டிப் பென்சில்கள் எனவும் அழைக்கப்படுகின்றன.

மரப் பென்சில்கள்: 16ம் நூற்றாண்டின் முற்பகுதியில் ஐரோப்பாவில் கிராஃபைட் சுரங்கங்கள் கண்டுபிடிக்கப்பட்ட நேரத்தில் சாதாரண, மரப்பென்சில்கள் உருவாக்கப்பட்டன. பென்சிலின் முதல் முன்மாதிரி 1565ம் ஆண்டில் கான்ராட் கெஸ்னர் என்பவரால் வடிவமைக்கப்பட்டது. அவர் ஒரு இயற்கை ஆர்வலர் மற்றும் நூலாசிரியர் ஆவார். முதல் பென்சில்கள் சரத்தில் சுற்றப்பட்ட கிராஃபைட் குச்சிகள். பின்னர் அவை மரக் குழாய்களில் செருகப்பட்டன. அவற்றின் முனை உடைந்து போனால், ப்ளேடு அல்லது ஷார்ப்னர் கொண்டு அவை கூர்மைப்படுத்தப்பட்டன.

இயந்திர பென்சில்கள்: முதல் இயந்திரப் பென்சில்கள் 1822ல் பிரிட்டனில் சாம்ப்சன் மோர்டன் மற்றும் ஜான் ஐசக் ஹாக்கின்ஸ் ஆகியோரால் உருவாக்கப்பட்டது. இந்தப் பென்சில்கள் ஈயத்தை நகர்த்துவதற்கான கருவிகளைக் கொண்டிருந்தன. சாதாரண பென்சில்களைப் போல, இதில் பென்சிலின் முனையைக் கூர்மைப்படுத்த வேண்டியதில்லை. அதன் கண்டுபிடிப்பைத் தொடர்ந்து, பல நிறுவனங்கள் இயந்திர பென்சில்களை பெருமளவில் உற்பத்தி செய்யத் தொடங்கின. இவற்றை இந்தத் தலைமுறை மாணவ மாணவியர் பெருமளவில் உபயோகின்றனர்.

இயந்திரப் பென்சில்களின் மூன்று வகைகள்: இன்று இயந்திர பென்சில்கள் மூன்று வகைகளில் வருகின்றன. ராச்செட் அடிப்படையிலானது, கிளட்ச் அடிப்படையிலானது மற்றும் திருகு அடிப்படையிலானது. இவை பல்வேறு வகையான ஈய அகலங்களில் கிடைக்கின்றன மற்றும் பிளாஸ்டிக், உலோகம் அல்லது மரத்தால் ஆன பல பிரேம்களைக் கொண்டுள்ளன. எழுதுவதற்கு முக்கியமாகப் பயன்படுத்தப்பட்டாலும், கலை மற்றும் வடிவமைப்புகளை உருவாக்க இயந்திர பென்சில்கள் மிகவும் பயனுள்ளதாக இருக்கும். மெக்கானிக்கல் பென்சில்கள் மிகவும் மென்மையாய் இருப்பதால், அது கடினமாக இருக்கும் நுணுக்கமான விவரங்களை உருவாக்குவதை எளிதாக்குகிறது.

இயந்திரப் பென்சில் நாளைக் கொண்டாடும் விதம்:  இயந்திரப் பென்சில்களால் எழுதுங்கள். இயந்திர பென்சில் தினத்தன்று உங்கள் லேப்டாப் மற்றும் பிற டிஜிட்டல் தகவல்தொடர்புகளை கைவிட்டு, இயந்திரப் பென்சில்களால் எழுதுங்கள். ஒரு நாள் முழுவதும் கையால் எழுதப்பட்ட தகவல் தொடர்பு எப்படி இருக்கும் என நடைமுறை அனுபவத்தில் பார்க்கும்போது சுவாரஸ்யமாக இருக்கும்.

யாராவது ஒருவருக்கு இயந்திர பென்சில் கொடுங்கள்: மெக்கானிக்கல் பென்சில் தினத்தில் உங்கள் அன்புக்குரியவர்களுக்கு மெக்கானிக்கல் பென்சில் பரிசுகள் கொடுத்து ஆச்சரியப்படுத்துங்கள்!