கூந்தல் என்பது ஒரு பெண்ணின் அழகின் முக்கிய அம்சங்களில் ஒன்று. மணக்க மணக்க இருக்கும் கூந்தல் ஒருவரின் ஆளுமையை அதிகரித்து நேர்மறையான முதல் தோற்றத்தை ஏற்படுத்தும். ஆனால், இன்றைய காலத்தில் அதிகப்படியான மாசு, தூசி மற்றும் தவறான தலைமுடி பராமரிப்பு முறைகள் காரணமாக கூந்தலில் இயற்கையான மணம் இல்லாமல் போகிறது. இந்தப் பதிவில் கூந்தலை வாசனையாக வைத்திருக்க நாம் பின்பற்ற வேண்டிய முறைகள் பற்றி விரிவாகப் பார்க்கலாம். 

கூந்தலுக்கு இயற்கையான வாசனை கிடைக்க செய்ய வேண்டியவை: 

கூந்தலின் இயற்கையான வாசனை நம் உடலில் உட்புற ஆரோக்கியத்தின் பிரதிபலிப்பாகும். நாம் உண்ணும் உணவு, குடிக்கும் தண்ணீர் நாம் எடுத்துக்கொள்ளும் மருந்துகள் மற்றும் நம் உடலில் ஏற்படும் ஹார்மோன் மாற்றங்கள் கூந்தலின் வாசனையை பாதிக்கக்கூடும். 

பழங்கள், காய்கறிகள், தானியங்கள் மற்றும் நட்ஸ் போன்ற ஆரோக்கியமான உணவு உட்கொள்வது, கூந்தலின் இயற்கையான வாசனையை மேம்படுத்தும். இத்துடன் போதுமான அளவு தண்ணீர் குடிப்பது உடலில் உள்ள நச்சுப் பொருட்களை வெளியேற்றி கூந்தலை ஈரப்பதமாக வைத்திருக்கும். 

தினமும் தலைமுடியை ஷாம்பு மற்றும் கண்டிஷனர் பயன்படுத்தி சுத்தம் செய்வது, அதில் தேங்கி இருக்கும் அழுக்கு மற்றும் எண்ணெயை நீக்கி அதன் இயற்கையான வாசனையை வெளிப்படுத்தும். 

தினமும் தலைமுடியை மென்மையான சீப்பால் சீவுவது, இறந்த செல்கள் மற்றும் பிளவுபட்ட முடிகளை நீக்கி கூந்தலை பளபளப்பாக நறுமணத்துடன் வைத்திருக்க உதவும். 

கூந்தலின் வாசனையை இயற்கையாக மேம்படுத்தும் வழிகள்: 

தேங்காய் எண்ணெய், ஆலிவ் எண்ணெய், ஆலோவேரா எண்ணெய் போன்ற இயற்கை எண்ணங்களை தலைமுடியில் மசாஜ் செய்து, அதன் வாசனையை மேம்படுத்தலாம். வாழைப்பழங்கள், அவகாடோ தயிர் போன்ற பழங்கள் மற்றும் காய்கறிகளைப் பயன்படுத்தி தயாரிக்கப்படும் ஹேர் மாஸ்க் கூந்தலுக்கு இயற்கையான நறுமணத்தை அளிக்கும். 

ரோஜா, லாவண்டர், ஜாதிக்காய் போன்ற பூக்களின் எண்ணெய்களை தண்ணீரில் கலந்து தலைமுடியில் தேய்ப்பது கூந்தலுக்கு நறுமணத்தை அளிக்கும். கருவேப்பிலை, துளசி இலை, ஆமணக்கு இலை போன்ற இலைகளைக் கொண்டு தயாரிக்கப்படும் கசாயம் கூந்தலுக்கு பலம் அளித்து அதன் இயற்கையான வாசனையை மேம்படுத்தும். 

கூந்தலை வாசனையாகப் பராமரிக்க பல இயற்கை மற்றும் செயற்கை முறைகள் உள்ளன. ஆனால், எந்த முறையைத் தேர்வு செய்வதற்கு முன்பும், தங்கள் கூந்தலின் வகை மற்றும் தலைமுடி பிரச்சனைகளை கருத்தில்கொள்ள வேண்டும். மேலும், ஆரோக்கியமான வாழ்க்கை முறையைப் பின்பற்றுவதன் மூலம் கூந்தலின் இயற்கை வாசனையை மேம்படுத்த முடியும் என்பதைப் புரிந்து கொள்ளுங்கள்.