* மஸ்காரா, ஐ லைனர் போன்றவை எதிர்பாராதவிதமாக கண் கருவிழிப் படலத்தில் படும்போது தொற்றுநோய்கள் ஏற்பட வாய்ப்புள்ளது. அதேப்போல் ஒவ்வாமை பிரச்னை இருந்தால் கவனமாக செயல்பட வேண்டும்.  

* தூங்கும் முன் மேக்கப்பை கட்டாயமாக கலைத்து விட வேண்டும். இல்லாவிட்டால், கண்களில் எரிச்சல், சிவத்தல், வீக்கம் அல்லது தொற்றுநோய் பாதிப்புகள் ஏற்படக்கூடும்.

* ஒவ்வாமையை ஏற்படுத்தக்கூடிய பொருட்களை வாங்குவதற்கு முன் காலாவதி தேதி உள்ளிட்ட தகவல்களை சரிபார்ப்பது அவசியமாகும்.

* தவறான மேக்கப் காரணமாக ஒரு சிலருக்கு இளஞ்சிவப்பு கண் பொதுவான பிரச்னையாகும்.  

* மேக்கப் பொருட்கள் பெரும்பாலும் பாதுகாப்பு அம்சங்களுடன் தான் தயாரிக்கப்படுகிறது.  

* இருப்பினும், காலாவதியான அல்லது தரம் குறைவாக உள்ள பொருட்கள் பாக்டீரியாக்களின் பாதிப்புக்கு உள்ளாகிறது.

* இது வெண்படலம் பிரச்னைக்கு வழிவகுக்கிறது. 

* அசுத்தமான கான்டாக்ட் லென்ஸ்கள் எரிச்சல் மற்றும் அலர்ஜியை ஏற்படுத்துகின்றன.  

* லென்சில் சிறிதளவு மேக்கப் பட்டாலும், ஒவ்வாமை பாதிப்பை சந்திக்கும் வாய்ப்புள்ளது.

* கண் பிரச்னைகளை தவிர்க்க சில டிப்ஸ்!

* மேக்கப் பொருட்களை மற்றவர்களுடன் பகிரும்போது, கண் எரிச்சல், வெண்படலம் போன்றவைக்கான பாக்டீரியா தொற்று ஏற்பட வாய்ப்புள்ளதால், முடிந்தளவுக்கு தவிர்க்க வேண்டும்.

* குறைந்தப்பட்சமாக நான்கு மாதங்களுக்கு ஒரு முறை கண் மேக்கப் அயிட்டங்களை மாற்றுவது அவசியமானது என்பது தோல் மருத்துவர்களின் அட்வைஸாகும். 

* காரில் செல்லும்போது எதிர்பாராத நிலையில் கருவிழிப்படலத்தில் மேக்கப் பொருட்கள் படக்கூடிய வாய்ப்புள்ளது. எனவே, காரில் பயணம் செய்து கொண்டே மேக்கப் போடுவதை தவிர்க்க வேண்டும். 

* கண்களில் எரிச்சல், சிவத்தல் போன்ற பாக்டீரியா தொற்று ஏற்பட்டிருந்தால் உடனடியாக அனைத்து மேக்கப் பொருட்களையும் மாற்ற வேண்டும். இதனால், தொற்று மேலும் பரவுவதை தவிர்க்கலாம்.

* இரவு தூங்கச்செல்லும் முன் கண் மேக்கப் அனைத்தையும் நீக்கிவிட்டு, தண்ணீரில் சுத்தப்படுத்த வேண்டும். அப்போது, சிறிது பாதாம், தேங்காய் எண்ணெயை தொட்டோ அல்லது பாலில் ஊறவைத்த பஞ்சு வைத்தோ, மெல்லிய காட்டன் துணியையோ பயன்படுத்தலாம்."

* இவற்றையெல்லம் பின்பற்றினால் நல்ல பலன் கிடைக்கும்.