தேவையான பொருட்கள்:

கனிந்த மாம்பழம் – 2,

பால் – 2 டம்ளர்,

சர்க்கரை – 1 டம்ளர்,

முந்திரிப்பருப்பு – 12,

ஏலக்காய்ப்பொடி – ½ ஸ்பூன்,

குங்குமப்பூ – சிறிதளவு

செய்முறை:

பாயாசங்களில் பல வகையான பாயாசங்கள் உண்டு. அதில் குழந்தைகளுக்கு மிகவும் பிடித்த பாயாசம் மாம்பழ பாயசம். மாம்பழம் அதிகம் விளையும் ஏப்ரல் மே மாதங்களில் அடிக்கடி செய்து மகிழலாம். இது மிகவும் சுவையான சத்து மிக்க பாயசம்.

இதன் எளிமையாக எப்படி செய்வதென பார்க்கலாம்

மாம்பழங்களைக் கழுவி, பெரியதுண்டங்களாக நறுக்கி ஆவியில் வேக வைக்கவும். வெந்து, ஆறியதும் தோலை எடுத்து விட்டு,சிறிது நீர் கலந்து, சர்க்கரை சேர்த்து கொதிக்க விடவும்.

அடுப்பு நிதானமாக எரியட்டும். கொதித்ததும் இறக்கிவைத்து, ஏலக்காய்ப்பொடி,நெய்யில் வறுத்த முந்திரிப்பருப்பு, சிறிது பாலில் கரைத்த குங்குமப்பூ சேர்த்து சூடாக்கவும்.

பாலைத் தனியே நன்கு காய்ச்சி, பாயசம் சூடு ஆறியதும் கலக்கவும், மாம்பழ சீஸன் வருவதால் இந்தப் பாயசம் செய்து சுவைக்கலாம்.