காகிதத் தோல் நீண்ட காலமாக பாரம்பரிய பிரெஞ்சு சமையலறையின் ஒரு பகுதியாக இருந்து வருகிறது. தற்போது உலகம் முழுவதும் பரவலாகப் பயன்படுத்தப்படுகிறது. தேசிய காகிதத் தோல் தினம் ஜூன் மாதத்தின் கடைசி புதன்கிழமை அன்று மேலைநாடுகளில் கொண்டாடப்படுகிறது. சமையலறையில் புதுமையையும் வசதியையும் தரும் காகிதத் தோல் ஒரு பல்துறை சமையலறை ‘கருவி.’ காகிதத் தோலின் 9 பயன்கள் குறித்து இந்தப் பதிவில் பார்ப்போம்.

காகிதத் தோல் என்றால் என்ன?

காகிதத் தோல் என்பது பேக்கிங் மற்றும் சமையலில் பயன்படுத்தப்படும் உணவு பாதுகாப்புக்கான கோட்டிங் பூசப்பட்ட காகிதம் ஆகும். அதன் வெப்ப எதிர்ப்பு நான்ஸ்டிக் மேற்பரப்பு பல்வேறு சமையலறை பணிகளுக்கு ஏற்றதாக உள்ளது. இதில் சிலிக்கான் பூசப்பட்டுள்ளது. இது நான் ஸ்டிக் ப்ரூப் மற்றும் வெப்பத்தை எதிர்க்கும். இது, ‘பேக்கரி பேப்பர்’ என்றும் அழைக்கப்படுகிறது.

காகிதத் தோலின் பயன்பாடுகள்:

1. பழுப்பு நிறத்தில் இருக்கும் இதை மைக்ரோவேவ் அவனிலும் பயன்படுத்தலாம். இது பெரும்பாலும் ரோல்களில் விற்கப்படுகிறது. அலுமினிய தகடு போன்றது. எனவே, குறிப்பிட்ட பணிக்குத் தேவையானதை துல்லியமாக கத்தரித்துக் கொள்ளலாம். மூங்கில் ஸ்டீமர்கள், ஏர் ஃப்ரையர்கள் மற்றும் குக்கீகள் இடையே வைப்பதற்குப் பயன்படுத்தலாம்.

2. இவை பொதுவாக பேக்கிங் பான்களை வரிசைப்படுத்த உதவுகிறது. குக்கிகள் காகிதத் தோலில் இருந்து எளிதாக கழன்று விழும். எனவே, இவற்றை சுத்தம் செய்ய எளிதாக இருக்கும். அந்தக் காகிதத்தை மீண்டும் பயன்படுத்தலாம். கேக் அல்லது ரொட்டிக்கு பான் பொருந்தும் வகையில் காகிதத் தோலை வெட்டலாம். நெய் தடவிய காகிதத் தோலை கடாயில் வைத்து அழுத்தினால் அது அப்படியே இருக்கும்.

3. இவை பேக்கிங் தட்டுகள் மற்றும் பாத்திரங்களில் உணவு ஒட்டிக் கொள்வதை தடுக்கிறது. கூடுதல் எண்ணெய் அல்லது ஸ்ப்ரேக்களின் தேவையை குறைக்கிறது.

4. எளிதான துப்புரவு வசதி இதில் உள்ளது. பேக்கிங் தாள்கள் மற்றும் பாத்திரங்களை எச்சம் மற்றும் கசிவுகளில் இருந்து பாதுகாப்பதன் மூலம் சுத்தம் செய்வதை எளிதாக்குகிறது.

5. அதிக அடுப்பு வெப்பநிலையை தாங்கும். இது பேக்கிங் மற்றும் வறுத்தல் செயலுக்கு ஏற்றது. உணவைச் சுற்றிலும் வெப்பம் சுதந்திரமாக சுற்றுவதற்கு அனுமதிக்கிறது. உணவுகளில் ஈரப்பதத்தை தக்க வைத்து சமைக்கும்போது உலர்ந்து போவதைத் தடுக்கிறது.

6. பேக்கிங், வறுத்தெடுத்தல், வேக வைத்தல் மற்றும் சேமிப்பிற்காக உணவுகளை மடக்குதல் உள்ளிட்ட பல்வேறு சமையல் முறைகளுக்குப் பயனுள்ளதாக இருக்கிறது.

7. பெரும்பாலும் மக்கும் தன்மை உள்ளது. அலுமினிய தகடு அல்லது பிளாஸ்டிக் மடக்குடன் ஒப்பிடும்போது சுற்றுச்சூழலுக்கு மிகவும் உகந்த தேர்வாக இருக்கிறது. சுற்றுச்சூழலுக்கு தீங்கு விளைவிப்பது இல்லை.

8. உணவின் சுவையையோ அல்லது வாசனையே மாற்றாமல் அப்படியே வைத்திருக்கும். பொருட்களின் இயற்கையான சுவை பாதுகாக்கப்படுவது உறுதி செய்கிறது.

9. ப்ரீ-கட் ஷீட்கள் மற்றும் ரோல்களாக பயன்படுத்த எளிதானது. மேலும், இது வெவ்வேறு பேக்கிங் தட்டுகள் மற்றும் பான்களுக்குப் பொருந்தும் வகையில் இருக்கிறது.

தற்போது காகிதத் தோல்கள் சமையலறையில் அதிக வெப்பநிலையை தாங்கும் திறனுக்காக பரவலாகப் பயன்படுத்தப்படுகிறது.