இந்திய ரயில்வே பாலங்கள் பிரமிக்க வைக்கும் வகையில் மலைகள் ஆறுகள் மற்றும் அடர்ந்த காடுகள் போன்ற சவாலான நிலப்பரப்புகளில் கட்டப்பட்டுள்ளன. வாழ்நாளில் ஒருமுறையாவது நேரில் பார்க்க வேண்டிய, இந்தியாவில் உள்ள மிக அழகான 5 ரயில்வே பாலங்கள் கீழே பட்டியலிடப்பட்டுள்ளன.

தமிழ்நாட்டின் ராமேஸ்வரம் தீவானது பாம்பன் பாலத்தின் மூலம்இந்தியாவின் பிரதான நிலப்பகுதியுடன் இணைக்கப்பட்டுள்ளது. இந்த பாலம் 1914 இல் வணிகத்திற்காக திறக்கப்பட்ட நாட்டின் முதல் கடல் பாலமாகும். தற்போது அந்த பாலத்திற்கு மாற்றாக, அந்த பாலத்திற்கு இணையான பாலம் ஒன்று கட்டப்பட்டு வருகிறது. கடல் மேல் அமைக்கப்பட்ட இந்த பாலத்தை காண கண் கோடி வேண்டும்

இந்தியாவின் மிக நீளமான ரயில் மற்றும் சாலை பாலம் பிரம்மபுத்திரா ஆற்றின் குறுக்கே அசாமில் அமைந்துள்ளது. இந்த பாலம் சக்தி வாய்ந்த பிரம்மபுத்திராவின் மூச்சடைக்கக்கூடிய அழகு நிறைந்த கண்ணோட்டத்தை வழங்குகிறது. ஆற்றின் மேல் அமைந்த தனித்துவமான பாலமாகும் இது

வேம்பநாடு ரயில் பாலம் வேம்பநாடு ஏரியைக் கடந்து, எடப்பள்ளியை வல்லார்பாடத்துடன் இணைக்கிறது. இயற்கை எழில் கொஞ்சும் பாதைக்கு பெயர் பெற்ற இந்த பாலம், கேரளாவின் உப்பங்கழியின் அழகிய காட்சியை பயணிகளுக்கு வழங்குகிறது. இந்தியாவின் மிக நீளமான ரயில் பாலங்களில் ஒன்றான இந்த ரயில் பாலம் அதன் அமைதியான சுற்றுப்புறம் மற்றும் அமைதியான நீர் காட்சிகளுடன் பயண அனுபவத்தை மேம்படுத்துகிறது. ஏரியின் மேல் அமைந்த இப்பாலத்தில் ஏராளமான இயற்கை காட்சிகளை கண்டு ரசிக்கலாம்.

உலகின் மிக உயரமான ரயில்வே பாலம் ஜம்முவில் அமைந்துள்ள செனாப் பாலம் ஆகும். இந்த பாலத்தின் உயரம் ஈபிள் கோபுரத்தை விட சுமார் 35 மீட்டர் அதிகமாக உள்ளது. பாலம் நதி மற்றும் கரடுமுரடான நிலப்பரப்பின் இயற்கைக் காட்சிகளை வழங்கி சரித்திரத்தில் இடம்பெற்றுள்ளது.

கர்நாடகாவில் ஷராவதி ஆற்றின் குறுக்கே அமைந்துள்ள ஷராவதி பாலம், 2.060 மீட்டர்கள் கொண்ட மாநிலத்தின் மிக நீளமான ரயில் பாலமாகும். இந்த பாலம் ஆற்றின் சில அழகான காட்சிகளை வழங்குகிறது. மேலும் இருபுறமும் பசுமையான காடுகளின் பரப்பையும் ரசிக்கலாம். இந்திய ரயில்வேயின் தனித்துவமான பாலங்களில் இதுவும் ஒன்று.