கிராமம் என்றவுடன் நம் நினைவுக்கு வருவது, ஓடு மற்றும் குடிசை வீடுகளும், சேறும் சகதியுமான சாலைகளும், வயல்வெளிகளில் வேலை செய்யும் விவசாயக் கூலிகளும், போனுக்கு சிக்னல் கிடைக்காத நிலைமையும்தான். அதைத் தவிர மின்சாரம், தண்ணீர்  பற்றாக்குறை நிலவுவதும் நாம் கிராமத்தில்தான் இருக்கிறோம் என்பதை காட்டிக் கொடுத்துவிடும். போக்குவரத்து என்றவுடன் மாட்டு வண்டிதான் நினைவிற்கு வரும்.

இன்று காலங்கள் மாறி, வசதி வாய்ப்புகள் பெருகிவிட்ட நிலையில் கிராமங்கள் நல்ல முன்னேற்றத்தை கண்டுள்ளன. மேலும் அரசின் வளர்ச்சித் திட்டங்களால் நாடு முழுவதும் உள்ள கிராமங்களும் செழிப்பை நோக்கி முன்னேறி வருகின்றன. இப்படியான சூழ்நிலையில் ஆசியாவின் பணக்கார கிராமம் எங்கே இருக்கிறது என்ற கேள்விக்கு  இந்தியா என்று சொன்னால் நீங்கள் ஆச்சரியமடைவீர்கள் தானே!

ஆம். அதுதான் உண்மை. ஏனெனில் நம்மை விட வளர்ந்த ஆசிய நாடுகளான சீனா, ஜப்பான் அல்லது தென் கொரியாவில் ஆசியாவின் பணக்கார கிராமம் இல்லை. அது நம் நாட்டில் உள்ளது. குஜராத்தின் பூஜில் உள்ள ஒரு கிராமம், இந்திய கிராமங்களைப் பற்றித்தான் பார்க்கப் போகிறோம்

ஆசியாவின் பணக்கார கிராமம் என்று அழைக்கப்படும் மாதப்பூர், குஜராத்தின் பூஜ் நகரின் புறநகரில் உள்ளது. இங்கு சுமார் 32,000 பேர் வசிக்கின்றன. மேலும் இந்த மக்கள் ரூ.7,000 கோடி மதிப்புள்ள நிலையான வைப்புத்தொகையை வைத்திருப்பதாக பெருமையாக கூறுகின்றனர். இந்த கிராமத்தின் செழிப்புக்கு அதன் 65% NRI (குடியிருப்பு இல்லாத இந்தியர்) மக்கள் தொகை காரணமாக உள்ளது. வெளிநாடு வாழ் இந்தியர்கள் ஒவ்வொரு ஆண்டும் கோடிக்கணக்கான ரூபாய்களை உள்ளூர் வங்கிகள் மற்றும் தபால் நிலையங்களில் டெபாசிட் செய்கிறார்கள். இதன் மூலம் இந்த கிராமத்தில் வசிக்கும் மக்கள் தங்கள் உறவினர் அனுப்பும் பணத்தை பெற்றுக் கொள்கின்றனர்.

மாதப்பூரில் தோராயமாக 20,000 பேர் படேல் சமூகத்தை சேர்ந்தவர்கள் வசிக்கும் இந்த கிராமத்தில் மொத்தம் 17 வங்கிகள் உள்ளன. இந்த கிராமத்தில் பல பொது மற்றும் தனியார் வங்கிகள் தங்கள் கிளைகளை திறக்க ஆர்வமாக உள்ளன. இந்த கிராமத்தின் செழிப்புக்கு கட்டுமானத் தொழிலில் ஆதிக்கம் செலுத்தும் ஆப்பிரிக்க நாடுகளில் வசிக்கும் என்ஆர்ஐ குடும்பங்களின் குறிப்பிடத்தக்க வைப்புத்தொகை முதன்மையானது என்று கூறப்படுகிறது. மேலும் இந்த கிராமத்தை சேர்ந்தவர்கள் வெளிநாட்டில் வசித்தாலும், இந்த மக்கள் இன்னும் தங்கள் சொந்தங்களுடன் இணைந்துள்ளனர். தங்கள் கிராமத்தில் முழுமையான மாற்றங்களை கொண்டு வருகிறார்கள்."

இந்த கிராமத்தில் உள்ள ஒரு தேசியமயமாக்கப்பட்ட வங்கியின் கிளை மேலாளர் இதுகுறித்து பேசியபோது "மிகப்பெரிய டெபாசிட்கள் இந்த கிராமத்தை செழுமையாக்கியுள்ளன. தண்ணீர், சுகாதாரம் மற்றும் சாலைகள் போன்ற அனைத்து அடிப்படை வசதிகளையும் கொண்டுள்ளது. பங்களாக்கள், பொது மற்றும் தனியார் பள்ளிகள், ஏரிகள் மற்றும் கோவில்கள் உள்ளன," என்று தெரிவித்தார்.

மாதப்பூரில் கிட்டத்தட்ட 20,000 வீடுகள் உள்ளன, தோராயமாக 1,200 குடும்பங்கள் வெளிநாட்டில் வசிக்கின்றன. தொடர்ந்து பணம் அனுப்புவதால், கிராமத்தில் உள்ள பள்ளிகள், கல்லூரிகள், சுகாதார நிலையங்கள், அணைகள், கோவில்கள், ஏரிகள் போன்றவற்றை அவர்களால் மேம்படுத்த முடிந்தது. தங்கள் சொந்த ஊருடன் தங்களை இணைத்துக் கொள்ளவும், வெளிநாட்டில் தங்கள் கிராமத்தின் இமேஜை மேம்படுத்தவும் எண்ணி, லண்டனில் மாதப்பூர் கிராம சங்கத்தையும் நிறுவியுள்ளனர். இதனால்தான் இந்த கிராமம் ஆசியாவிலேயே பணக்கார கிராமமாக இருக்கிறது.