பல படங்கள்... பல கதை மாந்தர்கள்… பாலா, ராஜீவ் மேனன் ஜாம்பவான்களுடன் பணியாற்றிய அனுபவம் என நான் எதிர்பார்க்காத பாசிட்டிவான தருணங்களுடன் கடந்து வந்திருக்கிறேன். அடுத்து அனுராக் காஷ்யப்புடன் ஒரு படம்... என சரியான திசை நோக்கி என் பயணம் சென்றுகொண்டிருக்கிறது.

குறட்டை பிரச்னையால் வெளிநாடுகளில் விவாகரத்து வரை சென்ற தம்பதிகளைப் பற்றி படித்திருக்கிறேன். என் வீட்டில் என் அப்பா அதிக அளவு குறட்டை விடுவார். இன்னும் பலர் குறட்டை விடுவதைப் பார்த்தும் கேட்டும் இருக்கிறேன். என் வாழ்க்கையில் சந்தித்த அனுபவங்கள், என் கற்பனை, டைரக்டர் சொன்ன விஷயங்களுடன் சேர்த்து உருவானதுதான் ‘டியர்’.

இரண்டையும்தான். இசையமைப்பாளராக இருந்தபோது சில ஆல்பங்கள் செய்துகொண்டிருந்தேன். அந்தச் சமயத்தில் ஏ.ஆர் முருகதாஸ் சார் என் ஆல்பங்களைப் பார்த்து நடிக்கலாமே என்றார் . அப்படி எதேச்சையாக நடந்த விஷயம்தான் நடிப்பு. இந்த பத்து வருஷத்தில மக்களுக்கு நெருக்கமான படங்களைத்தான் தந்துகொண்டிருக்கிறேன். செல்லும் இடங்களிளெல்லாம் மக்கள் அவங்க வீட்டு பிள்ளையா நினைச்சு மனசு விட்டு பேசுறாங்க. ஐ ஆம் வெரி ஹாப்பி ப்ரோ .

எந்த ரகசியமும் இல்லை. எனக்கு தாடி நல்லா இருக்கும்னு தோணுது. அதனால தாடியோட இருக்கேன். சில படங்களில் தாடி இல்லாமலும் நடிச்சுருக்கேன்.

இது ஒரு தற்காலிக நிலைமைதான். சில வருடங்களுக்கு முன்பு கே. ஜி எப், காந்தாரா என கன்னடப் படங்களுக்கு வரவேற்பு அதிகம் இருந்தது. இப்போது மலையாளப் படங்கள். இந்தத் தற்காலிக சூழ்நிலை நிச்சயம் சீக்கிரம் மாறும்.

இல்லை அடுத்து தயாரிப்புதான். கிங்ஸ்டன் என்ற படத்தை ஜீ ஸ்டூடியோ உடன் இணைந்து தயாரிக்கிறேன். கடலுக்குள் இருக்கும் புதையலைத் தேடி செல்லும் கதை இது.

பேச்சுலர் படத்தில் நடித்த திவ்ய பாரதி. இதை நான் சொல்லவில்லை. நிறைய ஊடகங்கள், ரசிகர்கள் படம் பார்த்துவிட்டுச் சொன்னார்கள். இதனால்தான் என் தயாரிப்பான கிங்ஸ்டன் படத்திலும் திவ்ய பாரதி நடிக்கிறார்.

டைரக்ட் பண்றது பெரிய விஷயம் சார். சில பல ஆண்டுகள் ஆகும்.

இவருக்கு ஓட்டு போடுங்க, அவருக்குப் போடாதீங்கன்னு நான் சொல்லல. ஆனால், இந்த நாடாளுமன்ற தேர்தல் முடிவு என்பது இந்தியா அடுத்த இருபது வருடங்கள் எப்படி இருக்க வேண்டும் என்பதை உணர்த்துவதாகவும், இந்தியாவின் தலைஎழுத்தை மாற்றும் சக்தி படைத்ததாகவும் இருக்கும் என்பதை வாக்காளர்கள் உணர்ந்து, புரிந்து வாக்களிக்க வேண்டும் என்று கேட்டுக்கொள்கிறேன்.