மறைந்த தொழிலதிபர் ரத்தன் டாடாவுக்கு வைரக்கற்களால் அஞ்சலி செலுத்தியுள்ளார் சூரத் நகரைச் சேர்ந்த நகை வியாபாரி ஒருவர். 11,000 வைரக்கற்களை கொண்டு ரத்தன் டாடாவின் உருவத்தை வடிவமைத்து இவர் அஞ்சலி செலுத்தியுள்ளார்.

சென்னை பெருநகருக்கு நாளை மிக கனமழை (ஆரஞ்சு அலர்ட்) எச்சரிக்கையும் நாளை மறுநாள் (ரெட் அலர்ட்) அதிகனமழை எச்சரிக்கையும் விடுக்கப்பட்டுள்ள நிலையில், மீட்பு நடவடிக்கைகளுக்குத் தயாராக உள்ளதாக சென்னை பெருநகர காவல்துறை தரப்பில் தெரிவிக்கப்பட்டுள்ளது.

தமிழக வெற்றிக் கழகத்தின் முதல் மாநில மாநாட்டுப் பணிகளை ஒருங்கிணைக்க 234 தொகுதிகளுக்கும் தற்காலிக பொறுப்பாளர்கள் நியமனம் செய்யப்பட்டுள்ளனர். இந்நிலையில், விழுப்புரத்தில் வரும் 27ம் தேதி நடைபெற உள்ள தமிழக வெற்றிக் கழக மாநாட்டில் பங்கேற்க வரும்படி தமிழர்களின் பாரம்பரிய முறைப்படி சந்தனம், குங்குமம் வைத்து அழைப்பிதழ் கொடுத்து நடிகர் தாடி பாலாஜி நெல்லை மக்களுக்கு அழைப்பு விடுத்துள்ளார். பாளையங்கோட்டையில் பல்வேறு இடங்களுக்கு நடந்து சென்று அவர் அழைப்பிதழ் மற்றும் பிரசுரங்களை வழங்கியுள்ளார்.

நடிகர் தனுஷ் இயக்கி, நடிக்கும் ‘இட்லி கடை’ படத்தில் இணைந்தார் நித்யா மேனன். ‘திருச்சிற்றம்பலம்’ படத்தைப் போல ஒரு ஃபீல் குட் படமாகவே 'இட்லி கடை' திரைப்படம் உருவாகி வருகின்றதாம். இப்படத்தில் தனுஷுடன் இணைந்து அருண் விஜய் நடித்து வருகின்றார். அருண் விஜய் இப்படத்தில் நெகட்டிவான ரோலில் நடிப்பதாகத் தகவல்கள் வருகின்றன. மேலும், நாயகியாக நித்யா மேனனும், சப்போர்டிங் ரோலில் சத்யராஜ், ராஜ்கிரண் ஆகியோரும் நடித்து வருவதாகக் கூறப்படுகிறது.

வங்கதேசத்துக்கு எதிரான டி20 கிரிக்கெட் தொடரில் சிறப்பாக செயல்பட்ட இந்திய அணி வீரர் வாஷிங்டன் சுந்தருக்கு சிறந்த ஃபீல்டர் விருது வழங்கப்பட்டுள்ளது.