உலகின் மிகசிறந்த விமான நிறுவனமான தொடர்ந்து 7-வது முறையாக கத்தார் ஏர்வேஸ் விமான நிறுவனம் தேர்தெடுக்கப்பட்டுள்ளது. பிரிட்டனை சேர்த்த ஸ்கை ட்ராக்ஸ் விமான சேவை ஆய்வு நிறுவனம் ஆண்டு தோறும் உலகின் சிறந்த விமான நிறுவனத்தை தேர்வு செய்து விருது அளிக்கிறது. விமான சேவை துறையின் ஆஸ்கர் பரிசு என்று ஸ்கை ட்ராக்ஸ் விருது புகழப்படுவது குறிப்பிடத்தக்கது. -இதுகுறித்து ஸ்கை ட்ராக்ஸ் விமான சேவை ஆய்வு நிறுவனம் தெரிவித்ததாவது:

எங்கள் நிறுவனம் சுமார் 100 நாடுகளை சேர்ந்த 1.4 கோடி விமான பயணிகளிடம் கருத்து கணிப்பு நடத்தியதில், தொடர்ந்து 7-வது முறையாக கத்தார் ஏர்வேஸ் சிறந்த விமான நிறுவனமாக தேர்ந்தெடுக்கப் பட்டுள்ளது.

-இவ்வாறு தெரிவிக்கப் பட்டுள்ளது.

கடந்த ஜூலையில் ஏர்லைன்ஸ் ரேட்டிங் என்ற ஆய்வு நிறுவனம் 2022-ன் சிறந்த விமான நிறுவனமாக கத்தார் ஏர்வேஸ் தேர்வு செய்திருந்தது குறிப்பிடத்தக்கது. இந்தியாவின் விஸ்தாரா ஏர்வேஸ் நிறுவனம் 20-வது இடத்தை பெற்றுள்ளது குறிப்பிடத் தக்கது.