இன்று 80-வது பிறந்த நாள் கொண்டாடும் இசைஞானி இளையராஜாவுக்கு அவர் மகன் யுவன் சங்கர் ராஜா தன் டிவிட்டரில் தன் தந்தையின் இளைய வயது புகைப்படத்தை வெளியிட்டு 'ஹேப்பி பர்த் டே டாடி' என்று வாழ்த்து தெரிவித்துள்ளார்.

இளையராஜா பண்ணைப்புரத்தில் 1943-ம் ஆண்டு ஜூன் 3-ம் தேதி பண்ணை புரத்தில் பிறந்தவர் இருப்பினும் அதே நாளில் தமிழக முன்னாள் முதல்வர் கருணாநிதியின் பிறந்தநாளும் வருவதால், இளையராஜால் தனது பிறந்தநாளை ஜூன் 2-ம் தேதி கொண்டாடி வருகிறார்.

அந்த வகையில் இன்று 80வது வயதில் அடியெடுத்து வைத்துள்ள இளையராஜாவுக்குப் பிரபலங்கள் பலரும் வாழ்த்து தெரிவித்து வருகின்றனர். தன் சதாபிஷேக விழாவை நேற்று முன்தினம் ( மே 31) திருக்கடையூரில் கொண்டாடினார். இந்த வைபவத்தில் இளையராஜாவின் குடும்பம் மற்றும் அவரது தம்பி கங்கை அமரன் குடும்பம் ஆகியோர் பங்கேற்றனர். 

இந்நிலையில் இன்று யுவன் சங்கர் ராஜா தன் டிவிட்டர் பக்கத்தில் இளையராஜா இளமையில் கோட்-சூட் அணிந்த புகைப்படத்தை ஷேர் செய்து 'Happy Birthday Daddy' என வாழ்த்து தெரிவித்துள்ளார். இந்த புகைப்படம் வைரலாகியுள்ளது.

இசைஞானி இளையராஜா இதுவரை 7000-க்கும் அதிகமான பாடல்களுக்கு இசையமைத்துள்ளார். பல்வேறு மொழிகளில் பாடியுள்ளார். 5 முறை தேசிய விருது வென்றுள்ளார். மேலும்  2010-ம் ஆண்டு பத்மபூஷன் விருதும் 2018-ல் பத்ம விபூஷன் விருதும் பெற்றுள்ளார் என்பது குறிப்பிடத்தக்கது.