தமிழ் மற்றும் மலையாள திரையுலகின் பிரபல நடிகரும், இயக்குநருமான பிரதாப் போத்தன் (69) உடல்நலக்குறைவு காரணமாக சென்னையிலுள்ள தனது இல்லத்தில் இன்று காலை 8 மணிக்கு காலமானவர்.

பிரதாப் போத்தன் தமிழ், மலையாளம், தெலுங்கு என 100க்கும் மேற்பட்ட படங்களில் நடித்துள்ளார். 'மூடு பனி' திரைப்படத்தில் அவர் நடிப்பில் இடம்பெற்ற 'என் இனிய பொன் நிலவே' மிகப் பிரபலம். மேலும் தமிழில் வெற்றி விழா, லக்கி மேன், மகுடம் என பல வெற்றிப் படங்களை படங்களை இயக்கியுள்ளார்.

அவர் இறுதியாக 'கமலி பிரம் நடுக்காவேரி' படத்தில் ஓய்வுபெற்ற பேராசியராக நடித்திருந்தது அனைவராலும் பாராட்டிப் பேசப்பட்டது. மேலும் அவர் சிறந்த நடிகருக்கான ஃபிலிம் பேர் விருது, சிறந்த இயக்குநருக்கான ஃபிலிம் பேர் விருது உள்ளிட்ட பல விருதுகளைப் பெற்றுள்ளார்.

இந்நிலையில், உடல்நலக் குறைவு காரணமாக பிரதாப் போத்தன் உயிரிழந்ததாகத் தகவல் வெளியாகியுள்ளது. பிரதாப் போத்தன் மறைவுக்கு திரைப்பிரபலங்கள் மற்றும் சினிமா ரசிகர்கள் இரங்கல் தெரிவித்து வருகின்றனர்.